祝君好~~~~ (12月31日)

轉吓眼又1年! 託賴2008年既我過得無憂無慮 + 開開心心~~~~

回顧2008年世界發生咗好多大事~ 但最令我印象深刻既係四川大地震 + 北京奧運...雖然一大悲一大喜，不過做人應該要向前看 + 正面~ 我慶幸無論係四川大地震或者北京奧運，都見到中國人既團結 + 進步! 而且無論是喜是悲，都令我學會更珍惜身邊所有既人、事 + 物~~~

早幾日睇新聞，知道四川大地震中失去妻子，但唔忍心留低妻子既屍體，而背妻騎電單車令全世界動容果位先生再婚~ 雖然我唔認識佢，但我好衷心祝福佢 + 新婚妻子生活幸福，白頭到老~~  

 同時希望其他大地震中失去家人或好友既受害者，都可以好似依位先生咁搵到幸福!


鬼佬新年過後，好快就到農曆新年~ 今年既農曆新年比往年早到.....

前年將近農曆新年，發生咗一件非常不幸既事， 依件事震撼咗整個歐洲華人社會! 而當事人係我朋友既哥哥一家......

我依位朋友係一個人人讚好既大好人! 而且喺我人生最黑仔時，佢亦曾經扶過我一把~ 雖然我地比較少聯絡，但每次見到佢，佢都總會笑面迎人，會好熱情上前打招呼! 佢同老公並唔熟絡，但我尤記得當日佢收到我 + 老公既婚訊，佢既興奮程度比我更甚!!!

事件發生後，朋友間都不知所措，冇人敢打電話向佢問候一句......約2個月後，我係街上撞見依位朋友，佢照往常一樣主動同我打招呼，儘管佢好努力地裝出一副若無其事既樣，但仍然難掩佢既傷心......我當時只輕輕拍佢膊頭講咗句: I am very sorry about what happened to your family...I dont know what to say......佢點點頭話我知 - 佢明白我既心意......

聖誕前冇耐，我又撞見依位朋友~ 有近視但又唔帶眼鏡既我，離遠見到有人向我揮手打招呼，依然朦盛盛......直至朋友拖住女朋友上前介紹比我 + 老公認識~ 佢已經回復返從前既笑面迎人，依舊係咁熱情~ 我知道佢已經完全走出陰霾，我放心嘞!

過去既就由佢過去啦，前面既路仲好長...生活總要過! 我好開心見到我既朋友回復昔日既笑面，願佢一家都可以忘記事件帶來既傷痛，好好生活落去!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

至於比較切身既...就係2008年裡面，我只同老公嗌過3次交!

 呵呵~~~ 真係一大進步啊!!! 但根據老公既認知 - 我地2008完全冇過嗌交，只係我發咗佢3次脾氣..... 希望來年會更進一步啦!
2008另一大事 - 緊係"V女廚房"開張大吉啦! 

 雖然廚房開張至今只有9個月，但依幾個月我喺度分享咗好多自己既感受，而且認識咗好多新朋友 + 網友~  在此多謝哂大家得閒入來睇我發翕瘋喎!

祝大家新一年身體健康，事事順利~

心情靚靚~ 日日都好鬼happy!

All the best for 2009!