2008年12月5日星期五

孖T返香港2008: 無聊逸事數則


喺香港3星期...話長唔長,話短又唔短~~~ 我地除咗日日吃喝玩樂之外,仲多咗留意周圍發生既野.....(無聊野! )

沙田圍村生物其一 - 鹽蛇

自嫁作人婦之後,我返親香港都係孖住老公~ 咁就緊係要跟老公住喺太62太99沙田村屋啦! 不過太6299 屋企除咗有2隻狗、3隻龜 + 2條龍魚之外......圍村範圍以內既生物多到似動物園!!!!

有一晚深夜我去沖涼,入到浴室我唔小心跌咗條毛巾落地下~ 我執起之後見到地上有pat 野...初時我以為係太62隻芝娃娃瀨咗臭臭......

 望真d發現原來係"鹽蛇"! 本來我以為佢已經死咗...點知再望真d - 會郁架~~~~(條尾同個身都仲郁緊!!!)

 腸都"必"哂出來 + 下身已完全癱瘓...佢依然死唔斷氣,不停用前肢喺地上爬來爬去!!!


正當我想尖叫...好彩依個時候,老公幫我攞洗面液入來救咗我!!!
 雖然我怕鹽蛇,但我並唔想殺生~ 不過經老公"診斷"...老公認為鹽蛇應該冇得救! 於是老公攞咗張報紙來.......

 老公: little fella...sorry 呀~ 我都想救你架! 最多我幫你搵個冇咁醜樣...放你喺佢個胸度~~~ (老公攞果張報紙係鹹版來......
) 你唔好怪我老婆喎......

就咁...老公包住鹽蛇放咗入垃圾桶~ 我feel 好bad! 沖完涼後猶有餘悸......


 老公: 冇辦法嘞~ 佢傷成咁都行唔到...放佢出外面都一定比雀仔食架! 妳下次小心d啦~ 佢應該知妳冇心既.....


 我: 冇心咩呀?


 老公: 冇心殺佢囉!


 我: 我冇殺佢呀~ 我發現佢時,佢都仲未死!!! 嚴格來講...殺死佢既人 - 係你喎!!!!


 老公: 我幫佢end 佢既痛苦 + 幫妳善後之喎! 係邊個搞到佢咁痛苦架???


我: 其實都証明唔到係我搞成佢咁~ 我一執返條毛巾,已經見到佢係咁! 而且係你沖涼先過我...你點知唔係你搞到佢咁呀?? 可能幫佢果個係我 - 我"發現"佢受咗重傷~~~~


 老公: 妳係咪人來架?? 妳夜晚點瞓得著?????


 我: 哇哈哈~~~~~~

(鹽蛇~~~ 真係對唔住!  我地真係冇心架......)



沙田圍村生物其二 - 鼻涕蟲 (蛞蝓)

喺香港每晚三更半夜返沙田,或者半夜去7仔食宵夜...都會見到一條必經小路上,有好多蝸牛! 大既有巨型東風咁大,細既都有1蚊銀咁上下~ (不過冇影相!)


 但有一晚,喺其中一小段路,同時見到6、7條鼻涕蟲!


 最難得既係 - 2種唔同既鼻涕蟲同時出現! (其實2種我都見過~ 不過一齊出現就係第一次見!
)



沙田圍村生物其三 - 草蜢

有日出去時突然有隻野喺我面前飛過~ 跟住喺我前面冇幾遠既地上停落來...一望發現係隻草蜢!


 我好似癲婆咁追咗佢幾分鐘...先影到依張咁清楚既草蜢相!!!


 老公一路跟住後面問: 得...未......呀.........??? 最後草蜢飛咗入草叢我先收檔罷休~~~

>>>>>>>>>>>>>>>>>>>>>>>>>>>>>>>>>>>>>>>>>>>>>>>>

圍村除咗有d唔係好有趣既生物...仲有d好有趣既野! (對我來講~)

有蕉既蕉樹


 小路旁有一棵蕉樹~ 請問有冇人可以話我知 - 箭咀指住...d蕉下低吊住依舊係咩野來???

影完依張相幾日後,再經過棵蕉樹......d蕉竟然冇哂喎!!!!!  

不過第二朝...我 + 老公發現樓下有間房成地都係蕉......



"岸居"既果樹


 村口有間屋竟然叫做......


 屋前有一棵大樹......


 樹上結滿果實!


 有冇人可以話我知 - 依種好似羅漢果咁上下大既果係乜野來???

P.S. 以上既問題其實全部都唔重要~ 只係好學既我比較八卦想知道!  請各位有識之士告知答案~~

>>>>>>>>>>>>>>>>>>>>>>>>>>>>>>>>>>>>>>>>>>>>>>>>

無明腫毒

工人好心做壞事! 有日我地出咗街,幫我地洗個冷氣隔塵網~ 點知洗完果晚就出事 - 冷氣唔"冷"!!!!  其實樓上仲有一間房~ 不過同太6299同層,我地又成日去街去到三更半夜...唔想嘈住老人家! 見11月既天氣都唔算太熱...所以就開窗瞓~ 點知......

始終係新界地方...d蚊勁大隻到會食人!!!!
 我本來一向好惹蚊既,但唔知係咪佢地嫌棄我太瘦or 唔夠好味??? 定係老公太肥美???? 老公晚晚都比蚊針!!! 針到身、手 + 腳總共十幾粒!!!! 好彩幸保佢個靚仔樣~~~~



 但有一朝早,老公隻左手又紅又腫似豬手!


 腫到連血管都睇唔到! 不過老公話唔痕亦唔痛~ 99比咗枝唔知咩油佢搽,第二日就開始消腫嘞......


 究竟係咪惡蚊作怪呢?? 定係其他圍村怪獸??? 老公隻手點解會腫成咁...至今仍然係一個謎來! 

>>>>>>>>>>>>>>>>>>>>>>>>>>>>>>>>>>>>>>>>>>>>>>>>

狗仔~ 祝你好運!!!


 有日經過雅蘭第一期,見到走火通道出口企咗3個師奶 + 2個男人...企中一個男人著住制服; 另一個男人就手渣文件夾~ 走火通道門前有一隻唐狗仔坐咗喺地下!!!

我同老公好好奇,於是問果幾位師奶發生咩事......


 師奶A: 我見佢(唐狗仔)一個人喺馬路邊(彌敦道!)行來行去~ 好危險!!! 我地氹咗佢好耐先氹到佢返埋來!


 師奶B: 佢好乖 + 好乾淨,但冇頸圈,應該係有人養開架...唔知係走失定係主人唔要佢??? 我地等咗好耐都冇人來搵狗......唯有照顧住佢先 + 比水佢飲!

我見到隻狗仔,覺得佢個樣好唔開心 + 好驚~~~ 一向怕唐狗既我,當時只覺得佢好可憐......


至於果2個男人...原來1個係"愛護動物協會"(著制服者); 另1個係"漁農處"~~~


 師奶A: 如果搵唔到佢主人...又冇人領養佢......佢地可能人道毀滅架嘞! 不如妳要咗隻狗仔佢吖???? 佢好乖架~~~~


 我: erm......我住喺英國架......


 我: Hon~ 你阿公(即太62)可唔可以收留佢呀?? 反正佢都養緊金仔 + 蕃薯......


 老公: (為難地) Honhon~ 我唸唔會嘞! 就算阿公收留佢...佢都一定會比同村d狗咬死架!


我: ......咁點算呀? (我失望地喊咗出來!!!
)

依個時候...個愛護動物協會男人,拖咗狗仔上一架有愛護動物協會字樣既van 仔,我地 + 師奶們跟埋去.....男人一check - 發現狗仔雖然冇頸圈,但有晶片喎!!!
 個漁農處職員跟住同我地解釋,會先聯絡狗主,了解情況後先作決定......我地眾人鬆一口氣~ 我希望狗主只係唔小心走失...不過都太過唔小心嘞!!!!


我 + 老公目送個男人渣走愛護動物協會架車裡面既狗仔先離開......
狗仔~~~ 唔知你返咗主人身邊未呢?  下次要跟實主人嘞!!!  祝你幸福快樂啊~~~


>>>>>>>>>>>>>>>>>>>>>>>>>>>>>>>>>>>>>>>>>>>>>>>>

天星碼頭既袖珍黏土模型

有日經過尖沙咀天星碼頭既遊客中心,見到窗櫉有幾個手工唔錯既袖珍黏土模型非賣品!


 粥麵店~


 茶餐廳~


 酒樓~

特別影低佢當參考~ 老實講...食物既製作真係好仔細精美!
Thumbs Up
 不過其他細節如枱椅、架之類...個人覺得有少少求其......
Rolling Eyes


>>>>>>>>>>>>>>>>>>>>>>>>>>>>>>>>>>>>>>>>>>>>>>>>

其他無聊事


 有日行千色店裡面既10蚊店,老公搵到包茶包,話個包裝上面個公仔似我!



 似咩??





 有日喺中環見到"HK1"車牌~ 唔知係邊個有錢佬架車呢????



 我見有個女仔已經影緊,所以我先影埋一份~ 點知我一影,即時有個約50歲既大叔唔知喺邊度行出來及住我!!! 咁佢又冇唔比我影......不過大叔~ 你睇我個款似狗仔隊咩???




陪太6299 去沙田一間酒樓飲早茶...


 佢地既點心單上有一個點心叫做"這不是春卷"...仲有埋英文名"I am No Spring Roll"......


唔係春卷,咁係咩卷呀????  懶得意~~~


>>>>>>>>>>>>>>>>>>>>>>>>>>>>>>>>>>>>>>>>>>>>>>>>

以下依件唔係無聊事...其實係喜事! 不過得幾張相 + 隻字...廢事開多版~~~~


 真係一雞死一雞鳴......今次返香港雖然收到損友們唔好既消息; 不過另一方面,Joanne 有結婚既打算!


 夜蒲飲清水.....係因為啱啱病好咗既Joanne 特別出來見我地一面!


 有人呻醋喎! 一臉唔順超~~~~

Joanne~~~ 決定咗幾時記得要早響呀!!!! 等我搵定平機票喎~~~~



13 則留言:

  1. d蕉下低吊住個舊係 香蕉花黎!無論生吃、做沙律、煲湯、快炒都能得。甘甘甜甜,而且含有豐富的鉀質,對腸胃健康有幫助〈我都係聽人講〉。不過我都只係試過沙律既食法。
    [版主回覆12/07/2008 01:32:00]唔該哂喎!  原來係香蕉花~ 幾得意喎! 原來仲咁多食法 + 咁有益...又學多樣野嘞!!!
     
    不過我喺度唸 - 個花去咗邊度呢????  佢地可能揼咗.....因為我地淨係見到d蕉!

    回覆刪除
  2. 你都算係好老婆、好媳婦咯! 起碼你肯住太99屋企.....
    我打死都唔制! 我每次返香港都是住自己老媽屋企; 久而久之, 而家就算老公工幹順道回港, 亦都會住晌老媽處.....
    [版主回覆12/07/2008 01:29:00]乜妳太6299又喺香港咩? 我唸唔到有乜原因令我唔肯喎! 如果係6299屋企我就未必會住...因為依家已經成日都見住佢地~ 咁我唸太6299都想見吓佢地個孫架嘛!
     
    老公話我而家攞咗居留,可以隨時想返香港都得~ 所以如果我一個人返香港既話,我就唔會住太62果度,會返自己屋企住!
     
     

    回覆刪除
  3. HK1車牌 是何鴻燊擁有的!
    [版主回覆12/07/2008 01:24:00]OIC~

    回覆刪除
  4. wah..you saw stanley ho's car!!
    [版主回覆12/07/2008 02:04:00]yes~ but i didnt see stanley ho! just his car~~ 

    回覆刪除
  5. Maybe he wasn't even the one who was using that car, could be one of his 3 wifes or one of his 17 children or don't know how many other grandchildren!! i read in a hk mag that his a few children are still studying in uk, but he's like 87 this yr already!
    [版主回覆12/07/2008 21:46:00]i think he's a disgusting old man!

    回覆刪除

  6. 香蕉既花 (蕉蕾) 
    滔滔介紹過,話可以食得架喎
    http://infotain.tvb.com/gourmet/article_1.html
    [版主回覆12/07/2008 21:48:00]哎吔~ 太62好可能只攞蕉而棄花!!! 因為我地只見蕉...個花影到冇~~~~ 真嘥料!

    回覆刪除
  7. 依間好多茶樓都有類似咁既點心,好似你話齋,咪又係春卷,只係做到又長又幼咁,去過一間茶樓叫春卷做 "筆是春卷", 吹帳
     
    [版主回覆12/07/2008 21:50:00]我地冇叫到呀~ 所以唔知其實係咩 卷! 標奇立異...最憎!

    回覆刪除
  8. 紙巾包裝個公仔又幾似你噃........要收番版權費呀........
    [版主回覆12/07/2008 21:53:00]我驚調反轉 - 佢地話要收我版權費!

    回覆刪除
  9. 妳見到 "鹽蛇" 仲咁冷靜,如果係我已經大叫然後九秒九 "標" 左出去law
    [版主回覆12/08/2008 21:27:00]其實我唔算冷靜...只係我發現佢係鹽蛇發現得遲! 老公如果遲少少攞野比我既話,我應該會嘔白泡......

    回覆刪除

  10. 個名真係好“岸”吓喎!!!! 所以我會俾佢  (三個係滿分) ﹗我覺得唔係無聊丫,咁樣係享受每一日嘅生活....到老咗再睇番真係好開心嫁
    [版主回覆12/08/2008 21:29:00]點解屋主會改個咁既名既呢?????

    回覆刪除
  11. 條鹽蛇好可憐,希望佢安息啦, 啲香蕉花可以用嚟煲湯,對清熱好有功效,不過非常寒涼,唔係人人受得!
     
    你老公對手腫到咁,我初時未睇內容仲以為係小朋友嘅手潻,因為小朋友對手先會咁肥嘟嘟! 香港啲蚊好毒架,鬼咩,食環署成日淨係識濆殺蟲水,啲蚊唔死得咪仲惡毒啲囉,簡直惡性循環!
    [版主回覆12/08/2008 21:33:00]我之前完全冇見過香蕉花架~ 連香蕉係有花都唔知....
     
    我老公就慘嘞! 佢有晚比蚊針到痴咗...我半夜札醒見佢 坐喺我隔離攞本書不停潑 - 佢話要幫我趕蚊喎! 不過我都比蚊針咗2野......最終都係頂唔順 - 上咗樓上瞓!
     
     

    回覆刪除
  12. 條鹽蛇好核凸呀....你講D趣事真係好鬼好笑...
    [版主回覆12/09/2008 16:47:00]鹽蛇依樣動物...就算唔"必"腸都係核突!!!!

    回覆刪除
  13. 你個 blog 好有趣... 睇咗好多 lu...
    嗰 d 係人参果黎,聽講好有益 tim ~~
    [版主回覆03/06/2012 05:30:06]多謝小白捧場!

    唔該哂妳啊小白! 原來係人參果~

    回覆刪除

Related Posts Plugin for WordPress, Blogger...