我好細個時已經係譚校長既歌迷!
我既小學 + 中學時代都係合唱團成員，指導合唱團既老師，都不約而同地講過 - 譚詠麟係香港樂壇少數真正懂得唱歌既人!
當年我會約埋同學放學時去信和中心買明星相; 阿倫出親新碟新書，就第一時間去買; 學鋼琴時我會要求老師教埋流行曲 - 阿倫既歌! 同學仲會特別剪低佢報章既消息比我...我會當係寶! 哈哈~~~~
近年我已經好少聽中文歌...我亦已過咗迷偶像既年紀 (過咗好耐咯!) ，不過我仍然好欣賞譚校長~ 覺得佢既歌仍然係咁好聽!!! (幻影 is my favourite~~~~
)其實我之前已經見過譚校長幾次......
(1) 第一次...我喺屋企做緊功課，V媽媽打電話比我話阿倫喺舖頭附近買緊野! 我即時以9秒9由屋企跑去舖頭! 當時年紀尚小...V媽媽拖住我見偶像!
我先至識呆呆地伸出手...當時冇紙在身，V媽媽攞咗張$100紙出來比阿倫簽名~ 張$100紙我珍而重之....咗幾年~ 後來有次手緊用鬼咗!
(2) 第二次...喺舖頭門口同其他人傾緊計，我見到有條友喺我地舖頭攞咗袋魚，跟住走咗過隔離舖繼續睇...於是我行埋去"招呼"佢~ 可能我講得細聲，條友聽唔到...跟住我衰多口講咗句: 都唔知係咪買架!
依個時候條友一抬頭 - 我先發現原來"條友"係阿倫!!!! 佢望咗我一眼，就放低包魚走咗...
)(3) 今次...果日同V爸爸食完lunch 行返去舖頭，老公去咗剪頭髮...V阿姨來電，正當我同V阿姨傾到興高采烈之時，突然見到阿倫喺我地舖頭行出來!!!!
(
(V媽媽幫我同阿倫合照...)
)>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
阿倫走後，我即時興奮地打電話話比老公知...老公呻醋啊!!! (正傻人! 其實老公都係"阿倫"來...佢個名有個"倫"字! 哈哈~~~~)
V媽媽經常同我講，話阿倫個人冇架子! 當然啦~ 如果唔係佢點做到我偶像???
Hey!
回覆刪除今年五月我在倫敦唐人街見到張熟悉的臉孔站在我跟前, 他四圍望, 好似望緊週圍有什麼好食似的, 同行有男有女.... 那人正是譚校長, 同行的有陳百祥、黃杏秀和傳聞中的二奶 Wendy 呢!
真正的大明星是沒有架子的; 有架子的, 在我心中都不是大明星!!
[版主回覆12/03/2008 00:35:00]好似章小姐果d"國際巨星"...返到大陸不停講英文....依d咪唔入流囉!!! 大明星....
V媽媽好可愛
回覆刪除[版主回覆12/03/2008 00:32:00]哈哈~~~ 其實V媽媽舖頭成日都有好多明星來買野架! 阿倫成日去金魚街買野，所以佢都算係熟客仔來~~~
譚校長 , 阿叻成日在太子金魚街出現架 , 仲有會去金魚街果間康年茶餐廳度食嘢架 , 我今年在該茶餐廳撞佢哋撞都好多次 ! 而校長好多時都會去金魚檔行街街買金魚喎 !
回覆刪除[版主回覆12/03/2008 01:07:00]係呀! 我都成日去康年食野~
根據V媽媽所講，除咗阿倫...仲有三哥、健仔、唱K......又有另一個華仔(唔係劉華~)、仲有"李慕白"、"嶽秀蓮"........金魚街真係星光熠熠架!
阿倫 really gain some weight again. Thanks for your sharing. You really seems to have so much fun. And have a lot of yummy foods... Make me so hungry.
回覆刪除[版主回覆12/03/2008 17:21:00]yes we had a lot of fun in HK! im missing all the food and the good weather~~~~ really want to go back!!!!
yeah, he looked like he has put some weight on! I used to like him too when I was little and my sister was a fan of Leslie Cheung......we used to fight all the time because of them!
回覆刪除[版主回覆12/03/2008 17:24:00]haha~~~~ im the only child...but guess what? my best friend (my bridemaid) was Leslie's fan! we were like you and your sister!
嘩,如果俾我見到偶像都會開心c囉......雖然我無迷過阿倫,但佢d歌真係好好聽,好襟聽....我既偶像係Danny Chan,可惜無機會再見到喇.........
回覆刪除[版主回覆12/04/2008 18:22:00]唉~ 妳咪睇我咀"蕉蕉"咁...每次我見到偶像就會呆滯到唔識講野只識尖叫! 有次喺香港見到克羅地亞型仔鋼琴手Maksim 又係咁......真真失禮死人~~~~~
Danny 唔係我偶像~ 不過佢有一首歌我超鍾意!!! "生活淡淡似是湖水....." 係咪叫"漣漪"呀?? 哇~ 好聽到呀!!!!
我鍾意阿倫嘅"俗世洪流"!
回覆刪除[版主回覆12/05/2008 19:45:00]其實阿倫大部份歌都係好野來! 快慢皆宜~
原來阿倫係你舖頭既熟客
回覆刪除[版主回覆12/05/2008 19:47:00]佢同V媽媽熟d! 我未返香港之前，V媽媽已經比過我既相阿倫睇......
咦......唔知我地有無幫襯過v媽媽呢?
回覆刪除我地好多時都去嗰頭買魚架！
[版主回覆12/05/2008 19:48:00]係??? 咁妳有冇幫襯過一個好惡既女人買野??? V媽媽都幾惡...間中會鬧客! (衰格果d~~~)
真係羨慕又妒忌! 我唯有早D排隊買左麟右李先可以近d見Alan
回覆刪除[版主回覆12/05/2008 19:50:00]唔洗羨慕~ 咁妳得閒咪去金魚街蒲吓囉!
下次我去買魚時留意下先!
回覆刪除[版主回覆12/06/2008 03:39:00](Empty)
嘩~妳真係好野喎,唔係香港住都見過校長幾次(妒忌中) ,我係香港住咗咁耐,見我最多都係我大小姐個校長咋
回覆刪除[版主回覆12/07/2008 22:13:00]妳都係校長迷來咩??
其實頭2次見到校長...都係我未來英國前既事! 咁次係好彩~~~
佢都係我偶像黎架
回覆刪除[版主回覆12/09/2008 16:45:00]我知吖~ 如果唔係好細女點識唱"霧之戀"!?!?!?? (妳細女真係好搞笑!!!)
阿倫嘅情歌 , 真係好好聽
回覆刪除[版主回覆04/16/2011 00:31:00]佢每一首歌都好好聽!