雪耳玉竹紅棗雞湯; 薯仔炆豬肉; 椒鹽炒鮮魷 & 韭菜炒豆腐卜
早幾日買咗個椰子唸住煲椰子雞湯，尋日洗好哂預備好哂其他所有材料，先去開個椰子~ 開椰子前，我已經覺得好奇怪 - 椰子裡面唔係應該有汁既咩??
千辛萬苦 + 好似打仗咁彈到成廚房都係椰子殼......終開咗到個椰子!!!
(之前從未開過椰子，哇~~~
都係唔好搏嘞......
但係我已經預備好哂其他材料，於是拿拿淋睇吓屋企有咩其他材料可以煲雪耳 + 雞......最終煲咗個"雪耳玉竹紅棗雞湯"~~~~
老公超鍾意新野"薯仔炆豬肉"!
佢平時好少用汁來撈飯，但尋晚係例外~ 而我就覺得薯仔仲好味過豬肉!椒鹽炒鮮魷係星期六睇BBC Saturday Kitchen，James Martin 既食譜~ 雖然係鬼佬煮中國野，但我幾鍾意依個煮法 - 又快方便，仲冇咁熱氣~~~~~
雪耳玉竹紅棗雞湯食譜click here~
薯仔炆豬肉食譜click here~
椒鹽炒鮮魷食譜click here~
韭菜炒豆腐食譜click here~
嘩,你甘大力開到個椰子呀?利害!!越來越佩服你既煮菜才能喇....好叻呀你!!
回覆刪除[版主回覆12/17/2008 17:44:00]用菜刀劈囉! 不過冇鬼用吖~~~~~ 咁辛苦開咗個椰子，係變壞既!!!! 嘥哂我d心機......
我想像唔到點可以自己劈開個椰子...你好堅喎.........
回覆刪除[版主回覆12/19/2008 19:56:00]哈哈~~~~ 我見個椰子壞咗就揼都揼唔切...早知影低d堅的証據啦!!!
嘩,你小心啲呀, 得你一個喺屋企唔好做埋啲咁危險嘅事,touchwood有咩樹咁點算呀 ........以後邊度仲有個咁識煮嘢嘅人同我吹水呀??
回覆刪除唔係講笑,再有下次嘅話,一定要留返俾你個大隻老公做呀,用個鏍絲批加鎚仔整個窿再慢慢撬開啲先至好嘗試劈開,唔好夾硬嚟!!
[版主回覆12/19/2008 19:57:00]見過鬼已怕黑! 下次一定搵老公開~~~
咁開椰子又唔係好危險~~~ 只係難啫!
好正的一餐! 你的BANNER 好CUTE呀!
回覆刪除[版主回覆12/19/2008 19:58:00]Thank you!
個banner 係我 + 老公細個樣~
咁你老公 撈汁食左幾碗飯呀?
回覆刪除[版主回覆12/19/2008 20:01:00]老公喺香港返來後話要減肥喎，所以而家只食1碗飯 (我地用湯碗食飯喎~)，不過撈汁果晚就食咗2碗!
又真係唔抵呀!不過點揀先靚呀?
回覆刪除[版主回覆12/19/2008 20:02:00]我唔知呀~ 我都係第一次買椰子架咋! 第一次買就比我揀正隻壞野...我都幾唔好彩!!!
(Empty)
回覆刪除[版主回覆12/19/2008 20:04:00]Thank you~ Merry Christmas!