我怕2星期後我會唔捨得比返Janet......老公話Cavalier King Charles Spaniel 以前係皇室人員養既狗~ 當時仲特別整咗條法例 - 所有Cavalier King Charles Spaniel 喺任何地都可以隨處便溺! 依條法例咁多年來都冇人提出過反對 (冇人咁得閒去反對!!!?!?)，所以換句說話，我而家帶Bonnie 出街，佢疴咗臭臭...我大可以不理!!! (咁我緊係冇咁賤啦!!!!!)
Bonnie~ 妳要醒醒定定乖d呀，千其唔好發牙痕咬我d手袋呀~
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
Janet 搵老公幫手既原因好簡單: (1) 其他同事個個兩公婆都要返工，聖誕其間又特別忙......唯獨我一個唔洗做，可以長時間照顧到狗仔; (2) 我有養狗仔經驗~~~
Billy 既爸爸係狗展冠軍! Billy 同樣遺傳到佢爸爸既美貌，而且仲係四蹄踏雪! 想當年我既Billy 真係靚絕花墟道架~~~ 好多西施友都想搵Billy 打種!!
V媽媽鍚Billy 既程度情係溺愛果隻~ 乜鬼都比Billy 食，連冰糖燉燕窩都同Billy 分甘同味!!!
不過紅顏都係薄命(雖然Billy 係男仔...)，Billy 只得8歲大，就因為先天性脂肪肝要啪針~ 死前做過好多次手術，V媽媽唔忍心睇住佢受咁多苦......喺冇話我知既情況之下同意啪針，仲火化埋先通知我!
Billy 之後我都想再養狗! 尤其買咗自己屋企之後......不過一路都心大心細~~~ 一來我 + 老公成日去旅行; 二來我怕狗仔死時，今次我會頂唔順......
Billy~~~ Bonnie 來暫住架咋，你唔好呻佢醋呀~
billy 同 bonnie都好cute呀
回覆刪除[版主回覆12/23/2008 21:25:00]不過Bonnie 乖過Billy 好多!
Billy 比V媽媽縱壞咗~ 好鬼搗蛋!!!
Woo!Bonnie超可愛呀!成隻玩具狗咁
回覆刪除[版主回覆12/23/2008 21:26:00]佢仲好乖架~
Bonnie好可愛,好靚呀....我唔係甘鐘意狗既,但見到佢都忍唔住想抱下.......
回覆刪除[版主回覆12/23/2008 21:28:00]佢好 乖~ 任妳點 舞都得!
billy & bonnie 都好得意呀
回覆刪除不過 billy 就
我都好明白妳嘅心情
此終都有感情架馬
bonnie 都好可愛吖,最得意佢有一隻同佢一模一樣嘅玩具
[版主回覆12/23/2008 21:32:00]我最遺憾係Billy 去時... 我唔喺佢身邊!
我同Billy 點止有感情呀??? 狗比 貓有靈性得多! V媽媽當Billy 係仔...我當Billy 係細佬架~~~~
兩隻狗仔都好可愛呢~ 靚豬都想養貓或者狗, 但責任太大, 又怕無時間照顧佢, 好似你咁得閒湊吓人哋嘅都唔錯呢~
回覆刪除[版主回覆12/23/2008 21:42:00]我係dog person~ 好憎貓!
我記得初新屋入伙...啱啱換咗新地墊...成屋都係野立立亂未執好......老公有個同事要賣樓，放兩隻貓喺我地屋企~ 激到我死死吓!!!!!!! 貓屎又臭，果兩隻死野又超百厭...整花咗我個鋼琴 + 抓爛咗我2條pashmina!!!! 1個星期我已經頂唔順...最後老公的咗2隻野去6299度~~~~~
不如俾d中國菜bonnie試下??
回覆刪除[版主回覆12/23/2008 21:43:00]哈哈~~~~ 緊係唔得啦! Bonnie 超肥呀~~~~ 仲有就係 - 狗唔可以食肥膩 + 鹹野架! 會生滋架!!!!!
妳果句not for life + 第一張相,我仲以為係玩具添(因為真係幾似公仔咁) ,咁妳肯幫佢睇兩個星期,我諗佢嘅主人都會好放心去旅行,妳都幫人做一件好好嘅事吖 但唔捨得都無辨法架喇,一係咁樣,妳叫個主人帶埋妳返屋企住囉,我估bonnie都好開心
回覆刪除係到祝妳+妳hon hon
[版主回覆12/23/2008 21:55:00]妳咪以為我真係咁好人先得架! 我已經有少少後悔嘞~~~ Bonnie 雖然好乖，但佢其實冇張相咁細隻架! (話時話...張相係老公影既，我都唔知佢點可以影到Bonnie 咁細隻????) 佢又好為食，成日都扭食野，不過佢超重，唔比得佢食; 又成日扭去街....搞到我乜都做唔到!
以往聖誕節，平安夜我會叫朋友過來食飯架~ 但今年Bonnie 喺度，我就除消咗嘞! 因為Bonnie 會阻住我執野... 我肯幫Janet 睇狗仔，只係因為佢地兩公婆好孝順!
我都祝妳一家Merry Christmas + all the best for 2009!
兩隻狗都好可愛呀！
回覆刪除我老公都好鍾意狗仔～不過次次養親都係３分鐘熱度！無耐性+愛心！
[版主回覆12/23/2008 22:30:00]我唸得好清楚...我應該唔會再養狗仔! (我話應該...所以其實都唔係唸得好清楚~~ )
真係好困身呀! 果時喺香港養Billy，果8年V媽媽完全唔敢去旅行~~~ 放佢去狗房又唔放心.......而且我最鍾意既係西施，不過依度好多人偷西施!!!!
白切雞走皮...豆腐沙律...蒸水蛋....
回覆刪除[版主回覆12/23/2008 22:48:00]我真係睬佢都傻呀!!! 晨咁早要我帶佢去街又要同佢執屎!!! 仲要我煮埋比佢食??? 佢有狗糧啦~~~
果時就係V媽媽乜都比Billy 食，搞到佢脂肪肝惡化...先會咁短命仔~~~~
點解咁多人偷西 施?
回覆刪除我奶奶以前都養左隻西施叫糖糖！（都有７，８年）
不過之後好多病呀～又白內障..後尾要人道毀滅
[版主回覆12/23/2008 22:55:00]西施係貴價狗 + 英國比較少人養嘛!
西施屬玩具狗，係比較短命...不過一般都應該有超過10年命仔架! 但唔知點解西施 + 北京都好常患白內障 (唔知係咪因為眼大???)
至於我Billy 有脂肪肝...V媽媽仲乜鬼都比佢食! (Billy 果時已經長期超重) 就係因為幾次手術搞到Billy 身體越來越差...所以都要啪針........
(Empty)
回覆刪除[版主回覆12/23/2008 23:16:00]Merry Christmas~
回覆刪除Merry Christmas to you and your family!!!
回覆刪除