我有好多個email account，有d用來同朋友通訊; 有d用來上網購物; 有d用來註冊website...總之唔同email account 有唔同需要~~~~ 不過我就好懶check email! 因為香港朋友有事搵我既話，多數會越洋sms or 打電話比我......
前幾日突然醒起自己已經成兩個星期冇check 過hotmail! 於是拿拿淋去check 吓，就睇到香港朋友準時send 來...但我遲收既中秋節祝賀message~ 裡面有張懶得意可愛既Hello Kitty 月餅圖片......不過我覺得一d都唔可愛! 仲有少少恐怖!!! 一打開郵筒有成咋Hello Kitty 頭~ (淨係得個頭喎!!!) 我係郵差既話實嚇死!!!
之前喺Asda 買咗盒蛋，一盒有15隻，但裡面有1隻個形相當畸形 - 又長又"幼"! (下面果隻) 依張相其實顯示唔到隻蛋真實既畸形程度! 信我~ 實物相當畸形古怪!!!
依隻野好麻煩~ 放佢入雪櫃蛋格，但佢太長又太幼，所以蛋尖頂到底，完全企唔穩! 不過因為佢長相奇特，我又唔係好捨得食佢......
妳老公唸野有D外星人FEEL～～～
回覆刪除[版主回覆09/20/2008 08:37:00]點外星人法? (因為我都冇咁唸過.......)
個hello kitty嘅郵筒造型好盞鬼喎
回覆刪除果隻蛋又真係好尖下喎
[版主回覆09/20/2008 20:58:00]我都鍾意個郵筒! 但d月餅就唔要嘞~~~~
隻蛋尖到好似吸咗毒咁....
比你老公笑死！
回覆刪除[版主回覆09/20/2008 21:20:00]好笑得來...又不失為事實喎!
果ＤHello Kitty 我仲以為係曲奇嚟添。
回覆刪除個郵筒好靚。
[版主回覆09/20/2008 22:15:00]係呀~ 我都鍾意個郵筒!
月餅留比你啦~~~~
又或者隻雞生佢既時候掛住傾計, 生好耐都生唔出, 結果唧到個殼又長又幼
回覆刪除[版主回覆09/22/2008 17:27:00]依招第日用來生BB得唔得? e.g. 唔想生個大肥B咁辛苦......
你老公都好風趣喎 , 他講都好有道理 !
回覆刪除[版主回覆09/23/2008 08:10:00]佢唸古靈精怪傻野就最叻!
都ok喎,kitty頭唔覺好恐怖呀...公仔黎jet.........
回覆刪除[版主回覆09/23/2008 18:55:00]恐怖既係個concept~ 而唔係實物.....
我細個時仲好鍾意Hello Kitty 添! V媽媽見我同Hello Kitty 同年出世，仲想改我英文名叫Kitty!
V媽甘攪笑?你同KITTY同年既咩?不過都有幾多女仔叫kitty喎!!!唔知佢地有咩感覺呢.我就唔鐘意喇!!
回覆刪除[版主回覆09/24/2008 17:30:00]係啊~ 我同Hello Kitty 同年架! 妳知我一向都唔忍瞞自己年齡架啦~~~~
細個唔識野就由V媽媽擺佈...好彩佢冇衝動地同我加埋落証件~ 如果唔係就死火嘞!!!! 我緊係唔鍾意叫Kitty 啦~~~~ 我而家鍾意比卡超...唔通改自己叫Pikachu Tsim 呀???
咁都比你老公諗到, 不過佢又講得幾啱喎
回覆刪除[版主回覆09/25/2008 17:03:00]佢覺得可以apply 落人身既situation， 都可以apply 落動物身上!