師奶化既Shopping~ (8月31日)

究竟我係咪越來越"師奶化"呢??  


雖然我仍然非常貪靚~ 仍然成日買鞋買衫買手袋買化妝品......但我發現鞋衫手袋化妝品係"受我自己控制範圍之內"! (如果我有控制自己的話.......!!!)

而廚具先至係我真正既死穴!!!! 當我見到鍾意既鞋衫手袋化妝品，都會比較理智地考慮買唔買; 但當我一見到靚仔或品質好既廚具，我就忍唔到手! 明明都冇唸住買既，都會忍唔住買落來~ 然後先去唸 - 買咗點用呢?

就好似尋日咁...明明我只想買個sauce pan，點知一入到舖頭，sauce pan 就冇買到~ 反而買咗2條廚房抹手布, 1個易潔煲 + 易潔湯殼1個...上星期買返咗個新鑊，咁就順便買埋個新既易潔鑊剷........

 就係佢嘞! 我已經磨爛席咁掙扎咗好耐買定唔買! 結果都係敵唔過佢靚仔既外表 + 用料既good quality.........

Forum 有人講緊來季wishlist...人人都不外乎話想要乜珠寶乜手袋~~~ 但我反而想要電炸煲、電蒸鍋 + 麵包機.......

(唉~ 仲未買sauce pan!)