Cullen Skink (蘇格蘭煙黑線鱈魚薯仔湯)

主要材料:

1. 魚清湯1罐約400ml，加清水200ml 和Bouquet Garni 香料一包煲滾。

2. 放入煙黑線鱈約400克待再滾，上蓋轉小火煲約10分鐘。

3. 取出煙黑線鱈和香料包，將煙黑線鱈去皮和去清骨刺，搣成小塊待用。

4. 薯仔3至4個去皮切丁，烚熟搗爛成薯茸備用。

5. 燒熔牛油1小塊，加入切碎洋蔥1/2個炒香至軟。

6. 煲滾魚湯，將已炒香的洋蔥加入魚湯內，再加入全脂牛奶約500ml。

7. 加入黑線鱈塊和薯茸拌勻煮滾，灑上新鮮切碎parsley / chives 即成。(可加入小量single cream 令口感更滑 + 濃~)

8. 依個湯材料豐富，可用麵包浸於湯中，作為簡單既一餐! What is "Culllen Skink"?

- Cullen 係蘇格蘭東北面Morayshire 既一個沿海小漁港; 而"skink"依個字並唔係英文~ 係一種叫做"Gaelic" 既蘇格蘭方言 - 類似我地中國人既客家話、潮州話之類; "Culllen Skink"意即"Culllen 既精華"~~~

- 正宗既Culllen Skink 做法，應該用Finnan Haddie - 一種冇染過色、連魚骨既原條煙黑線鱈魚; 而煙黑線鱈、薯仔、洋蔥 + 全脂奶，依4個係煮Culllen Skink 一定要有既主要材料~

- Culllen Skink 口感香滑濃稠，類似周打魚湯，但多咗一份煙薰魚 + 薯仔既香味~ 濃稠既湯係因為有薯茸，完全唔需要加入麵粉!

- Bouquet Garni (混合香草束)係煮好多西式餐湯或stew (炆燉菜式)，必需既香料! Bouquet Garni 有新鮮 (一札札)，亦有乾既 (多數係超市有售既小樽，裡面有好似茶包咁既香料包，每次用一個已夠!); Bouquet Garni 有好多唔同"配方"~ 但最主要一定會有Parsley (歐芹), Thyme (百里香) & Bay Leaves (月桂葉 / 香葉);

P.S. 傳統既做法...步驟1 & 2其實應該用清水烚魚; 而步驟3 就用魚骨 + 魚皮放入烚魚水中熬約30分鐘成魚高湯~

不過我買唔到正宗既連骨原條Finnan Haddie，所以我用既係一般染咗色既煙黑線鱈魚 + 罐頭魚高湯代替.....(慳返好多時間!)