去年今日並唔係中秋節...(btw 祝各位網友"中秋節快樂啊"~ 
)
)
去年我地喺香港影完婚紗相3日後，就起程去台北"薇薇新娘"再影過! 不過我地非常勇...........
(1) 2007年9月13日朝早最早果班機去台北~ 但我地9月12日晚同朋友唱K玩到差唔多通頂! 仲要係未執行李果隻!! 清晨4am 返去執行李 + 沖涼...瞓都冇瞓過就去機場食早餐~ 不過上到機未起飛就瞓死咗.....
(2) 到酒店check 咗in，洗個面就出去食野~ 食完野老公仲去咗西門町紋身!!! 之後再直落薇薇揀衫.....
(3) 返到酒店沖涼 + 準備第二日行裝.....終於零晨2am 先上床覺覺豬! 不過第二朝晨早6點就要起程去薇薇化妝.........
簡直能人所不能!!
另外仲有卷5呎真人size 海報都係太大......遲下返香港要唸吓有乜方法可以安全地攞返過來英國~~~
個人覺得台灣既婚紗 + 晚裝比香港既靚! 可能我一向偏向鍾意設計簡約; 而且台灣婚紗 + 晚裝超多款式，揀衫揀到眼花!! 我有6個造型，件件都好鍾意! 
尤其係第1件露腿婚紗、紅色色丁露背 + 黑色low cut 晚裝~~~~~~~
尤其係第1件露腿婚紗、紅色色丁露背 + 黑色low cut 晚裝~~~~~~~
香港既婚紗相已經影咗studio ，所以台灣依輯係全外景......
化妝師Leon、攝影師大莊、助手葉肥 + 出租車司機，個個都好nice 好好玩! 不過我地一d都唔surprised - 因為今次係我地第二次去台北; 06年夏天，我地第一次去台北，已經發現台灣人相當熱情友善! 可能因為環境靚，地靈人傑~~~ 依個亦係其中一個我地咁鍾意台灣既原因......
台灣婚照小插曲.......
(1) 因為老公影相前一日手臂紋咗身，著住西裝焗咗汗，傷口隔一陣就要換紗布! (麻鬼煩~~~ 
) 葉肥完全唔介意做埋臨時護士 - 幫老公洗傷口 + 換紗布! 照顧得我地細心周到~~~~~
) 葉肥完全唔介意做埋臨時護士 - 幫老公洗傷口 + 換紗布! 照顧得我地細心周到~~~~~
(2) 影外景時換衫既地方都係室外，我記得影完套紅色晚裝之後，去咗一個郊野公園既公廁換衫，郊野公園果日好多人好熱鬧，仲有好多幫襯唔同婚紗店既新人，都喺果度等緊換衫......
我落車時，咁啱有一團旅行團喺郊野公園入口拍大合照，於是焦點就集中哂喺我 + 老公身上...領隊叫團友"一二三"就一齊指住我大叫: 小姐妳很美! (普通話~)
之後一二三再指住老公大叫: 先生你很帥!
我向佢地鞠躬道謝，老公問我 - 佢地講乜野? 
跟住旅行團解散自由活動，有個團友走埋我身邊問我: "很美"的廣東話怎麼說?
跟住旅行團解散自由活動，有個團友走埋我身邊問我: "很美"的廣東話怎麼說?
我答: 好靚.......跟住佢就同我講: 妳真"Hi" 好"令"啊!
(3) 影相時我著住高踭鞋喺草地泥地行來行去，好鬼論盡!!! 所以大部份路程都係老公抱起我......大頭蝦老公竟然將帶去既旅行袋鎖匙反鎖咗喺旅行袋裡面~ 搞到要剪爛旅行袋個扣!! 老公當時以為跌咗鎖匙，走咗去搵; 當時我有少少想發脾氣，不過攝影師大莊好好人......
大莊: 笑嘛~ 不要生氣!
我: 你不覺得他(老公)很麻煩嗎?
大莊: 麻煩??? 不會呀~ 他很愛妳才是啊!!! 你看他一整天都在抱著妳走...妳有沒有看到其他人的老公抱著她們??? 我想他們抱不起來......
本來想發脾氣既我，就咁比佢淋熄咗!
(4) 我第二套婚紗 (一層層蛋糕設計果套) 影相既地方，係一個有條河既沙灘，果度有幾間木屋，但周圍人影都唔見多隻。去到果度時已接近黃昏~ 由落車一刻，我一路都聽到間斷既小朋友笑聲，好似玩得好開心咁款~ 不過當我周圍望......完全唔見有任何小朋友!!! 
我: Hon~ 你聽唔聽到有小朋友玩緊既笑聲????
老公: 聽到呀! 不過我唔見有小朋友喎......
我: ......好恐怖呀~~~~
跟住我地一行人蹺過木屋行過河既另一邊...就見到有幾個小朋友喺度玩跳水!!!!
(5) 影完相返到婚紗店落埋妝已經成8、9pm~ 我地又未食野好肚餓......好好人既助手葉肥，自告奮勇出動私伙車送我地返酒店! 除此之外我仲要多謝佢，幫我攞返我爭d留低咗喺沙灘既心愛水晶高踭鞋~~~~~~
(6) 影相當日天公造美~ 非常陽光普照! 但第二日去揀相，已經開始落大雨落不停!!! 我地離開台北果日仲打大風添.........
(7) 後來返到英國我仲發現，原來大莊就係幫譚小環影婚照既攝影師!!
去台灣影婚紗相對我地來講係一個好好玩既經驗 + 好值得回味既回憶! 雖然我 + 老公都覺得影足全日好辛苦，但辛苦得來好enjoy 過程!!! 我地決定結婚5週年時會再去影多輯~~~~~ 
嘩...好開心咁woo...不過聽過而家去台灣影相好唔抵呀...我d fd結婚本身都想去台灣影但最後係揀左返大陸影..哈哈.
回覆刪除[版主回覆09/15/2008 17:39:00]我都有唸過去大陸影架! 不過大陸婚紗攝影剛開始，暫時質素仲係比較參差~ 我有朋友影過，佢果幾套衫老土到......
我地反而覺得去台灣影物有所值啊! 我地輯相影咗25xxx HKD(當然唔包酒店機票啦~)，total 有125張相; 我地又玩得開心，而且 薇薇係台灣連續幾年最佳婚紗攝影!
如果結婚我都想去 台灣 影相，真係影得好靚！
回覆刪除中秋節快樂！！
[版主回覆09/15/2008 17:28:00]影相之餘，仲可以當旅行 + 玩!
今晚追月快樂啊~
真係好靚呀！（我有啲親戚朋友都在薇薇新娘影架～真係好靚！）
回覆刪除中秋節快樂！
[版主回覆09/15/2008 17:26:00]多謝~
薇薇應該係台灣影婚紗相最好既選擇~ 我見佢地台灣門市放咗好多獎狀出來 - 連續好多年都係台灣最佳婚紗攝影!
今晚追月快樂啊!
中秋節快樂!!!
回覆刪除[版主回覆09/15/2008 17:23:00]補祝妳中秋節快樂 + 追月快樂啊!
You have married to a very good husband!!!!!!
回覆刪除中秋節快樂!!!!!
[版主回覆09/15/2008 17:21:00]Thank you!
妳成日讚我老公，佢睇到會囂架! 不如妳下次讚我老公用中文吖? 用中文佢就唔識睇嘞!
好靚啊! 中秋節快樂!
回覆刪除[版主回覆09/15/2008 17:18:00]Thank you~
＊ 妳哋真"Hi"好"令"啊! ＊
回覆刪除（４）嗰part你哋好攪笑
[版主回覆09/15/2008 17:18:00]thank you!
雖然當時同4位猛男一齊(我老公, 攝影師, 助手, 司機)，但真係有少少驚架! 妳知啦~ 台灣特別多鬼怪傳聞......
請問你是邊個攝影+化妝?
回覆刪除[版主回覆10/11/2008 09:56:00]我上面咪講咗攝影師係大莊 + 化妝師係Leon 囉!
不過大莊冇喺薇薇做嘞! 佢去咗高雄呀~ 想知多d既話，妳可以去大莊既網上會客室:
http://www.chuangphoto.com/jan_bbs/index.php
我想問下你們去邊間酒店，
回覆刪除我12月就去薇薇影相...
[版主回覆10/27/2008 04:56:00]我地住"長虹"囉~ 我 + 老公係夜鬼來! 要方便我地躝街嘛~~
咁妳知道邊個化妝 + 幫妳地影相未呀? 我地個攝影師大莊已經唔喺薇薇度做嘞~~~~
祝你地玩 + 影得開心! 影多d靚相~~~~
今曰打電話去薇薇，諗住confirm一下4月9日青靖+詹經理係唔係可以跟我們全日影pro-wedding，點知一打去就話你係有book4月9日拍攝，但無confirm邊個攝影+mua，
回覆刪除喂!大哥!!!我早一年前打電話俾負責人「秀鈴姐」confirm左個期和人，點知佢而家話「秀鈴姐」無做啦!!她無幫我book喎!!!你個期已被人book左，真是激死人啦!!點做生意ga!!!簡直是「黑店」。太過份啦!!!
第一，佢地令我的計劃受到影響!!!
第二，無理由我打電話booking，係佢地個 「秀鈴姐」失職就要我蒙受損失!!!
第三，無理由要我就佢地日子!!!
第四，係我們book先的，係佢地職員搞錯，點解要我們讓人，唔係4月9日那對新人????
薇薇真是好唔掂呀!!!!
我一定追究到底!!!
[版主回覆10/31/2008 00:16:00]連秀鈴姐都冇做?????
- 我想問妳所謂"book 咗果日"，有冇落到訂?
因為據我所知，妳book 時間時，佢地會順便約埋妳幾時去比訂金 + 比埋張單妳! 舊年我打長途電話去薇薇香港門市book 日期，都要親戚幫我去比訂，佢地先會落實果日係影我地!
如果妳有落訂，有單有據既話，絕對有得同佢地拗! 但如果妳豆零都未比既話，我唸應該冇得傾.......
- 我唔知而家係咪改咗? 不過帶化妝師出去全日，好似係冇得事前book 定架! 我舊年影時，佢地話去到時先自己同化妝師講，要唔要化妝師全日跟(要加錢架!)，到我去到我話帶，但第二日化妝師Leon 話我之後佢仲有booking~ 所以跟唔到我出去!
我1月13日已落左訂，訂左下年12月影指定詹經理+青靖，但之後就唔到時間，就係電話改期，改4月，點知佢而家話我無book喎!!但我一定有打電話俾秀鈴姐，同左佢講，今年7月婚紗展先探過秀鈴姐，佢仲介紹青靖+詹sir俾我們認識，秀鈴姐介紹時仲話佢地係當日幫你們影相+mua!!!
回覆刪除而家算點先!!!!十級憤怒!!!!
[版主回覆10/31/2008 08:35:00]哇! 咁就惡搞嘞......
佢地已收咗妳錢，但冇幫妳改期~ 咁佢地有冇同妳講打算而家點做???
係咪秀鈴姐有野唔妥薇薇...所以劈砲唔做之前玩野呀????
我都唔知秀鈴姐同薇薇有咩問題，但唔好央及池魚嘛!!我們而家都唔知點做，昨日打電話去又話個店主不在，又話要等婚紗展之後先處理，擺明係拖延!!!!!
回覆刪除我一定追究到底!!!因為錯不在我，係佢地公司的人!!!!
有咩理由我book左4月影相，唔book埋攝影+mua!!!!我一定有講，我早一年前打電話俾秀鈴姐book,但點知而家一句「佢無落簿」,我們就真係死啦!!!
[版主回覆10/31/2008 18:14:00]恕我直言~ 其實我覺得妳都有少少責任......我唔係話幫薇薇講說話! (關我鬼事? 我又冇得分既...)
我意思係 - 雖然妳落咗訂 + 有單據...但我覺得妳電話改期後，點唔得閒都要搵日去問佢地攞返白紙黑字! 因為妳1月已落訂喎~ 當妳真係好唔得閒...都可以叫佢地寄返已改既單據比妳，咁妳拗起數上來都有根有據嘛!
希望妳唔好介意我咁講! 我絕對唔係幫佢地~ 我係企喺妳果邊既! 只係我覺得妳真係有少少大意咗!
建議妳去薇薇個website 留言區，開個topic 講依件事出來! 將件事公開等個個都睇到...薇薇焗住一定會回 / 幫妳搞架!!!
http://www.vivibride.com.tw/
妳試試依個方法~ 希望幫到妳啦! 結果係點...記住話聲我知喎! good luck~~~~
多謝你幫忙呀!!!其實我早已落訂，而落訂時已訂了12月影，不過之後我唔得閒，佢地話隨時可以打電話來改期，唔需要白紙黑字，咁我信佢地，就打左2次電話confirm，咁個職員答話ok，咁俾你都信佢啦!!!萬萬都估唔到佢地竟然無落單。
回覆刪除[版主回覆11/01/2008 01:09:00]我知妳一早落咗訂，不過妳改期後都應該攞返update 咗既單據! 如果好似妳咁既情形發生喺我身上，我真係唔會信唔洗單據喎! 我果時越洋打電話book，但我都搵親戚喺香港幫我落訂幫我跟~ 親戚攞咗單據，仲scan 咗email 比我對吓有冇錯漏~ 口講冇憑嘛! 打幾多次電話confirm 幾多次都冇用~ 白紙黑字最好! 唔洗口同鼻拗......
咁妳有冇去薇薇留言區開topic 呀? 點都好啦~ 希望妳 + 薇薇可以搵到一個令妳滿意既解決方法啦!
我有係薇薇留言區開左個topic,立即得到台灣老闆回覆，而家佢地由4月9日改4月8日影，但我好難安排，因為我4月7日仍未放假，較難請假.........除非扮病取醫生紙................唉
回覆刪除你講得o岩是我自己有點疏忽，因為佢地話打電話就得，唔需要單，咁我就信佢啦!!!咁就搞成咁............
[版主回覆11/02/2008 05:00:00]4月8日影...妳有冇應承?
不過妳4月7日都未放假，咁幾時試衫呀????
係佢地不是在先，緊係要佢地就妳啦! 點到佢地話改幾時就幾時架?????
不過仲有幾個月，妳可唔可以請到早d假呀?
提提妳 - 雖然佢地而家話幫妳改到4月8日，但妳一樣要抽時間去紅磡門市攞改咗期既單據呀!!!! 如果佢地推妳話唔洗單，妳都一定要堅持!!! 話比佢地知 - 佢地之前咁搞法，妳對佢地冇哂信心之類....總之有咁大講到咁大......妳自己自由發揮啦! ，要佢地重視妳個問題呀~~~~
多謝你的幫忙和意見呀!!!我今日去婚紗展搵左香港的店主傾，佢地話4月9日盡量安排，過幾日再打電話俾我confirm d細節，我希望妖到好消息啦!!!起碼唔駛請假先啦!!!!
回覆刪除[版主回覆11/03/2008 00:26:00]唔洗客氣~ 咁我祝妳快d收到好消息啦!
搞掂後就唔好再嬲嘞~ 祝妳有個開心愉快既婚紗相經驗! 影多d靚相喎~~~
睇完下面,我都有d驚呀! 我都係4月去影,不過我就 有mark單,外出帶mua都有mark,不過佢冇寫明外出帶mua係幾錢,佢去到會唔會任佢開價!
回覆刪除[版主回覆12/01/2008 17:34:00]妳有keep 單咁就冇問題啦~ 始終我自己非常滿意薇薇既經驗! 下面果件事只係個別事件.... 只要妳想知既野，全部叫佢寫哂去單上面，就算到時冇乜問題都唔洗拗餐死~~~~~
我舊年影時外帶mua 好似要$2000港紙~ 妳怕佢地臨時開價既話，妳咪打電話or 去薇薇門市問吓囉!
下....$2000蚊咁貴?....我而家見eds d sis都係1600蚊咋! 你係咪計埋d安瓶錢呀? 冇理由咁貴.......
回覆刪除[版主回覆12/01/2008 21:32:00]我唔係好肯定嘞~ 因為已經係1年前既事! 安瓶錢應該係另計，因為計台幣既......
其實我最終係冇帶到Leon (我個 mua)出去~ 因為我之後佢仲有booking，跟唔到我出去! 不過我問佢時好似真係$2000~ 可能而家經濟唔好減價啩!!!?!?!?
Hello Mrs T
回覆刪除Your Taiwan wedding photos are wonderful! Would you mind giving me the contact of the photographer? It's because my brother'll get married soon and he plans to go to Taiwan to take wedding photos as well. After seeing your beautiful photos, I think perhaps I can give him a good address....... Thanks for you help in advance.
[版主回覆01/06/2009 19:51:00]oh...is your brother planning to go to Taipei? cos the photographer has left Vivibride last year, he's not working in Taipei anymore. he has returned to his home town - Kaohsiung! i think he's now working at "Ferriwedding" (翡麗婚禮)~
翡麗 doesnt have an official website, but you can contact him through his blog (you need to register 1st!):
http://www.chuangphoto.com/jan_bbs/
however, since there is no official website or HK office of 翡麗, i think it's a bit hard to organise things before going to Taiwan! unless your brother can speak good mandarin.....
Thanks for your information which I'll send it to my brother! He has been to Taipei several times and perhaps it's a good opportunity for him to go to Kaoshiung and to visit south Taiwan. Unlike me, he speaks very good Mandarin and calling there for information won't be a problem though!
回覆刪除THANKS for your kind help!
[版主回覆01/06/2009 23:49:00]you're welcome!
ive been to Taipei twice~ and i just love it!!! such a beautiful place~ friendly people, nice food, lots of good books.......i would like to visit other parts of this beautiful island in the future~~~
我4月會去vivi影相呀!!請問你著幾件婚紗和幾件晚裝呢? 你拍攝的路線是點ga??
回覆刪除[版主回覆03/04/2009 23:06:00]講掂數嘞?
我個package 有6套衫~ 我選咗2件婚紗 + 4件晚裝囉!
妳問我路線我真係唔知喎! 除咗陽明山 + 唔知咩花場之外，其他地方我完全唔記得地方名.....sorry~