有型可愛V媽媽~

其實大部份時間V媽媽都係可怕多於可愛!!! 因為V媽媽係一個好勞嘈既人，我既性格應該係被溫和既V爸爸中和咗~ 不過自問自己性格仍然係偏向V媽媽果邊......

  V媽媽可怕之處係佢勞嘈; 但佢之處可愛...都係因為佢勞嘈!!!!
來咗英國十幾年，V媽媽習慣每星期打幾次長途電話比我閒話家常 + 講吓三姑六婆野~~~~ 我結婚後都一樣，不過我會主動打多咗電話返去。早幾個月同V媽媽傾緊計，佢"扮哂"不經意地問......

 V媽媽: 妳今年唔返來架啦?

 我: 咩唔返呀? 返!!! 不過遲d先返......
當時我知道8月要寄走passport 搞居留，所以唔想多講太detailed! 所以就咁輕輕帶過咗! 點知之後果個星期某日......

 V媽媽: 妳今年唔返來架啦? (用帶有少少挑釁既語氣!)

 我: ........都話咗返咯!! 不過未定日期之嘛~ 我平時都唔係依個時間返來架啦! (果時仲未到4月~) 不過今年要遲少少，因為8月要搞居留.......

 V媽媽: 哦......
事後我同老公講返同V媽媽既對話~ 老公話: 妳媽咪真係得意! 點解佢唔用直接d既方法話掛住妳 + 想妳返香港????

之後我同V媽媽就繼續好似平時咁...直至中秋前一星期，有一日我打比V媽媽，發現佢聲音有異，問一句答一句~ 即時搞到我都冇心情同佢傾計!

 求其講幾句就收咗線，當時我有d唔開心......

中秋節前幾日，發現V媽媽好多日冇打電話來，心唸佢上次可能bad day，而家應該冇野...於是就啱鐘數打比佢! 點知屋企 + 手機都冇人聽! 於是我打比V爸爸......但V爸爸話佢果日休息冇落舖頭，應該喺屋企...不過我打多幾次都仍然搵唔到V媽媽......

 我非常唔開心~ 老公放工返來我就同佢呻! 老公聽完就好得戚咁話......

 老公: 嘿嘿~~~ 我就知點解呢!

 我: 點解呀?

 老公: 而家就來10月嘞~ 肯定妳媽咪以為妳今年唔返香港啦!

 我: 我都有咁唸過...不過如果真係咁，點解佢唔問我呢?

 老公: Honhon...妳第一日識妳媽咪咩? 佢不嬲都係咁架啦!!!

 我: Hey~ She's my mum! not yours!! you think you know my mum better than I do?

 老公: She IS my mum as well......in law!

 我: 咁點算呀? 佢好似唔想睬我.......

 老公: 咁啦...星期日我打電話比佢"扮"祝佢中秋節快樂...順便提吓妳寄走咗個護照搞居留，所以未返得香港囉~~~
於是老公中秋節果日就打電話比V媽媽，同佢講咗我未攞返個passport......不過中秋當日V媽媽心情唔多靚! 事關佢中秋正日破財 - 跌鬼咗條特別訂造既罕有冰種玉頸鍊......

不過中秋第二日......V媽媽即刻生猛返哂! 打來傾咗粒幾鐘; 前日傾咗2粒幾鐘; 今日1粒鐘......可見老公見解係啱既! (老公你真抵鍚~~~

) 不過.......講到氹V媽媽，老公講1句好過我講10句~~~~~~
V媽媽有型語錄:

V媽媽打電話來講三姑六婆野......

我: 咪住先! 襯我仲記得...我想問妳整"榨菜蒸豬潤"落咩野去醃?

V媽媽: 唉~ 妳成日問埋我依d咁既問題......

我: 我想肯定吓啫! 想好味嘛~ 咁即係用乜去醃呢??

V媽媽: 咪好似平時咁醃囉....妳咁大個人唔識既咩?

我:.....即係咩呀? 係咪好似醃榨菜蒸牛肉咁呀????

V媽媽: 比d糖呀、胡椒粉呀...咁囉!!

我: 淨係糖同胡椒粉???? 豉油 + 酒唔洗架???

V媽媽: 係囉~ 豉油囉....妳自己都識啦~~~ 仲問我!!!!

我: 係咪好似平時醃肉咁醃呀? 仲有乜要落呀?

V媽媽: 妳鍾意落乜就落乜啦!

我: 落d朱古力落去得唔得?

V媽媽: 妳鍾意咪落d落去囉! 問完未呀????

之後V媽媽急不及待將佢既八卦野講我知.........

>>>>>>>>>>>>>>>>>>>>>>>>>>>>>>>>>>>>>>>>>>>

V媽媽性格...有不滿唔鍾意講出口; 想知既野又唔問; 掛住我竟然係用發脾氣既方式來表達......有時我真係比佢搞到哭笑不分~~  

 老公話: 妳咪又係一樣! (嘻嘻~~~ 冇錯! 我嬲老公時，可以幾粒鐘都唔講一句說話!!! )