原來九層塔會生花架!!!!
早排整"九層三杯雞"喺超市買咗盤細細既九層塔(Basil)，不過只用咗少少; 本來我唸住用剩既等佢枯咗就揼咗佢，冇唸過keep 住種~~ 不過包裝話可以好似平時種盆栽咁打理，所以我就日日keep 住淋水...點知唔死不特止，仲越生越高，越來越大棵!!!
我發現原來Basil "吸水力"相當強! 有日我忘記咗淋水，夜晚一睇 - 竟然成棵葺哂頭~ 一副奄奄一息咁既樣!!! 嚇到我即時淋返水，我仲以為太遲冇得救......但個零鐘後再睇睇佢，成棵生猛返哂! 成間屋所有既植物，係得依盤Basil 要日日keep 住淋水~~~~
尋晚(9月29日)喺廚房煮緊野，無意中見到棵Basil 有2粒白色野~ 初時我仲以為係出面飛入來既種子or 煮餸時豆粉之類......望真d原來係2朵好細既白色花來喎! 我從來都唔知原來Basil 會生花果喎~~~~~
我都未見過九層塔啲花呀
回覆刪除[版主回覆10/01/2008 02:57:00]如果唔係親眼見到，我都唔知~
啲花要剪左佢，否則九層塔好快謝
回覆刪除[版主回覆10/01/2008 02:58:00]吓? 真係架? 我有少少唔捨得......不過都要剪~ 唔該哂喎!
ＨＩ ＨＩ ０ 好可愛呀～
回覆刪除是會開花呀 , 但你打算繼續食用 , 見到有花蕾就摘咗佢 , 因為開了花的basil 會老身 , 葉會硬及basil 味道會減淡的 !
回覆刪除[版主回覆10/02/2008 19:17:00]唔該哂~ 我已經忍痛剪鬼咗果2朵花.....不過我見到又生咗幾個花蕾出來!!!
我都買咗兩盆九層塔呀, 花墟$10大大盆, 唔買都對佢唔住
回覆刪除尋日其中一盆都開咗啲花, 不過啲花係紫紫地色架, 同你嗰啲唔同, 可能唔同種卦
[版主回覆10/27/2008 04:27:00]快剪!!!!!!!!!!!!! (d花~) 其他網友話 - 唔剪好快枯架 + 唔香架!!!!!
九層塔係有好多種架~ 所以紫色花...應該係唔同種啦~~~~
咁我都要剪咗啲花先得, 但係啲花又好鬼靚喎
回覆刪除[版主回覆10/27/2008 18:56:00]係囉~ 我初時覺得好靚好得意，仲唸住要好好打理果幾朵花.......點知網友話要剪喎! 咁咪忍痛剪咗囉~~~~~~