二人世界Pasta - 9月10日 (附食譜)

白酒忌廉蜆肉大蝦配墨魚汁長通粉 & 新鮮出爐自製蛋撻

 包墨汁penne 係舊年honeymoon 時喺意大利買返來~ 墨汁意粉喺Glasgow 比較少有...喺意大利就通街都有得賣，所以我仲另外買咗包墨汁長意粉~ 兩包都係出年先過期，不過我一路唔捨得食......(食哂好難搵嘛!)
我好鍾意食蜆! 鍾意既程度去到舊年14日既honeymoon，餐餐都有蜆，食足13日!!! (最後果日搵唔到地方食......)

 依隻其實係急凍蜆來~ 係生急凍既。因為我想食蜆，但依排又唔見有新鮮既賣，所以買包急凍既來試吓! 本來明知係急凍，我都唔抱任何希望佢會好食，只係本住"好過冇"既心態......點知肉大大粒得來，味道鮮甜到可以媲美生猛蜆!!! 真係泗和行驚喜開心大發現~~~~~~

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

上星期問網友攞咗個蛋撻食譜，weekend 又買埋蛋撻模~ 於是尋日就的起心肝試一試! 我根本完全冇唸過會好食!!! 我一向唔好甜，少整焗蛋糕甜品之類既野，自然少練習; 二來我曾經試過跟西人食譜整水果撻比老公食，但個撻皮已經失敗咗.......

不過蛋撻對我來講，係少有我鍾意食既甜野! 所以我好有決心學整~ 冇唸住好食係因為初見出爐時個樣唔似餅店咁滑滑淨，心即時一沉! 我預咗最少要整多幾次，調較多幾次份量手勢先會合格......

蛋撻出爐冇耐老公就放工返來，佢見我焗好咗蛋撻但唔開心...我就叫佢先試 + 要講真話! 佢話好正好好食!! 咁我又試吓啦......雖然唔似餅店既咁靚靚，但我都真係不得不讚吓自己手勢 - 真係好好味呀~~~~~~~

 裡面好滑滑呀!!!
我尋日整咗6隻 (因為得6個蛋撻模...)，但老公一野就連食4隻! 另外2隻係我食咗......見佢唔係好夠喉，所以今日又分兩次焗多一打!!! 不過......

 尋日係老公幫我喺個模度"凳"個蛋撻出來; 今日我要自己來，但我手細又論鬼盡~ 所以冇鬼咗1個......
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

同場加影: 疑幻疑真之真假蛋撻~

 2個都係我作品!

白酒忌廉蜆肉大蝦配墨魚汁長通粉食譜click here~

自製蛋撻食譜click here~