乜野係"柳拖"呢???
人稱結婚9週年為"柳婚週年紀念"，喻意結婚9年既夫婦好似楊柳咁 - 風吹雨打不能拆; 咁拍咗拖9年，應該可以叫做"柳拖週年紀念"! 
9年前既今日...即係99年9月9日，有個傻佬成功地追到個癲婆!
就係咁做咗對又癲又傻既9男女......
就係咁做咗對又癲又傻既9男女......
轉吓眼...9年後既今日 - 2008年9月9日~ 傻佬 + 癲婆已經結咗婚快2年嘞!
癲婆有好多野想多謝傻佬.......
- 以前成日三更半夜打電話嘈醒你，只為咗問一份唔趕住交既功課! (果時我竟然覺得係奉旨既......);
- 縱容放肆既我，我想點就點~ 有時明明係我做錯野 (連我自己都知!)，但你唔想我feel bad...會夾硬話係你 or 其他人既錯......(咁縱我...你係咪自己攞來呢???? );
- 咁有耐性地去氹冇乜耐性既我~ (癲既係冇乜耐性架啦!!!);
- 無論我做錯乜...做錯幾多次 + 幾錯都好...你都會原諒我~ (係咪因為你係傻既????)
- 我病時煮d好難食既通粉比我食~ (快熟通心粉你都可以煮得咁難食!!!!
由此可見你應該真係傻既.......);
由此可見你應該真係傻既.......);
癲既仲有好多好多野要多謝傻既........癲婆最感謝傻佬比我蝦足9年都咁鍚我 + 毫無半句怨言! 癲婆今後會"盡量嘗試"蝦你少d.....嘗試至喎~ DON'T get your hopes up 喎!!!
唔知再過9年...會唔會更癲傻???
好鬼sweet喎,
回覆刪除想妒忌死人咩??
[版主回覆09/09/2008 16:11:00]Thank you~ 乜我地唔係癲傻到嚇死人咩???
你係咪癲我就唔知, 但你老公揀着你咁嘅老婆就一定唔係傻囉!
回覆刪除我發覺好多 bbc 都極度縱容自己嘅老婆, 呢點好多香港男仔都做唔到;
在此希望嫁咗比 bbc 嘅姊妹們永遠幸福快樂!!
[版主回覆09/09/2008 16:09:00]我反而覺得係: 好多 bbc 都極度縱容自己喺香港 / 大陸來既老婆 - 依個至真!
因為我身邊有一咋朋友，兩公婆都係bbc...唔好話縱唔縱容老婆嘞，亦唔去同其他老公比較...齋單一來睇，雖然老公唔係去滾，但對個老婆即情可以用衰來形容!!! 反而老公係bbc，老婆來自香港 / 大陸既話，就真係好似妳話齋 - 對老婆極度縱容!
不過係咪嫁bbc 都好啦~ 我祝所有老婆永遠幸福快樂 + 老公越來越鍚!!! (包括我自己在內~)
好 sweet sweet呀～
回覆刪除T生有無睇到依條咁sweet嘅片呢?
[版主回覆09/09/2008 15:48:00]尋晚比咗佢睇嘞! 佢一路睇一路話: 依張影到我(佢自己~)好大眼袋...果張影到我好肥....
佢睇完之後叫我讀比佢聽我寫咗d乜...尋晚臨瞓時佢問我 - 有冇後悔嘥咗9年時間同個傻佬一齊喎!
靚太, 首先恭喜你倆柳拖紀念快樂, 更希望你倆永遠都恩愛如昔 ,只羡鴛鴦不羡仙, 送上久已感到很貼合你老公愛你的深情情歌 騷靈情歌 [純屬個人見解,不喜勿插 ]作為薄禮一份,仲有就係.....個人認為老公縱老婆係應該嘅,因為當女人真愛一個男人,係會將所有心思精神甚至乎一生都會投注落去,係一個好大嘅賭注,所以.......唔駛同佢客氣.呵呵呵~~~
回覆刪除[版主回覆09/09/2008 15:40:00]thank you~ thank you~
多謝妳首歌喎! 阿稀客~ 妳咁耐冇浦頭，一浦就送歌， 我點會不喜or 插呢?
(btw how are you? 我仲以為妳休息睇奧運添...)
唔...妳都講得好有道理! 等我來緊既一年加多兩錢肉緊去蝦我老公先!!!
好 sweet wor....... 恨死 neighbour la!!!!!!!
回覆刪除在此衷心祝你們19年... 90年... 99年後仍然恩愛如悉........
P.S. 期待你們愛的結晶, 記緊通知我 wor!!!!
[版主回覆09/09/2008 15:31:00]Thank you~
如果我地有咗小朋友，當然會話比大家知啦!
好sweet呀 恨C隔離
回覆刪除[版主回覆09/09/2008 17:56:00]嘻嘻~~~ 我仲以為我地張癲傻相嚇C隔離添!
Wow so sweet ah. Hope you both have a BB soon. But don't teach your BB 蝦你 husband la. (Just joking)
回覆刪除[版主回覆09/10/2008 15:33:00]Thank you~
哎呀, 人地響office睇你個blog架..d音樂甘大聲, 我關speaker都關唔切喇
回覆刪除[版主回覆09/12/2008 00:00:00]咁你原本一定開到個speaker 好大聲啦! 首歌mp3 file upload 咗上個website，係咁大聲就咁大聲架嘞....
我好羨慕妳，真係好sweet!!
回覆刪除[版主回覆09/15/2008 17:47:00]多謝啊~ 我祝妳早日遇到同妳一齊sweet 既真命天子!
I was just thinking..were you and your husband moved to tears on your wedding day? I think i might if i'm marrying someone i love..
回覆刪除[版主回覆05/11/2009 04:29:00]haha~~~~~ actually i was in tears and nearly unable to continues when i was reading the vow! my husband held my hand tight to give me support~~~~
you can see my wedding here: http://hk.myblog.yahoo.com/veronicams_tsim/article?mid=5323
I was just thinking..were you and your husband moved to tears on your wedding day? I think i might if i'm marrying someone i love..
回覆刪除惦解你老公個樣好似張張相都唔係好同?因為時肥時瘦?
回覆刪除[版主回覆09/09/2009 17:54:00]一係因為佢冇我咁上鏡!
二係因為d相係random 既 - 新舊相撈勻相間~ 而且我每日整咁多野比佢食，佢真係食哂架!