蟲蟲~ 你地究竟想點?? 唔好咁過份喎!! (9月4日)
依幾日天氣好明顯涼咗d，個人好懶唔係好想煮飯! 係咪因為我偷懶，所以懲罰我???
繼上星期老公幫我喺廚房sink 盤捉咗隻大蜘蛛...尋日(9月4日)老公放工返來，準備出去超市買野食~ 佢換緊衫時，我發現電腦房窗上有隻好似5毫子咁大既蜘蛛! (計埋腳長~ 不過冇影相!)，咁老公捉咗順便出街時放走咗佢......
去完超市返到屋企，我喺廚房準備食物...又有隻死人daddy long legs 施施然咁喺我面前行過!!!
我即時大叫"呀"咗一聲~~~~ 都未嗌老公，佢已經衝咗入來廚房問: 又有呀? 隻死野走鬼咗入去微波爐底，老公"了"緊佢出來時......
比我發現廚房牆上仲有隻長腳蚊!!!!!
依2隻長腳野唔係同一隻來架! 檸檬茶果隻係daddy long legs 蜘蛛，有8隻腳; 牆上依隻係長腳蚊，得6隻腳! 計埋出街前果隻(係garden spider)，我已經比佢地嚇到就來嘔白泡!!
我: 屋企係咪有個蜘蛛巢穴?
老公: 傻妹~ 緊係唔係啦! 妳冇發現隻隻蜘蛛唔同種既咩? 妳估隻蜘蛛毑好濫交...所以隻隻BB有唔同種老豆咩?????
我: ............咁點解今年會特別多蟲蟲?
老公: 夏天嘛~ 鬼叫妳要開哂d窗?? 可能佢地想invite 妳返去蟲蟲皇國做佢地個queen.........
我: .......................
好彩次次見到佢地，老公都喺屋企啫!
你老公咁好笑既 "invite 妳返去蟲蟲皇國做佢地個queen"
回覆刪除[版主回覆09/06/2008 21:07:00]佢見我就喊就喊咁既款...不過我地咁既白痴對話多的是!
比我一日見幾隻實嚇死！好彩你老公次次都喺度！
回覆刪除[版主回覆09/06/2008 23:48:00]我應該要唸吓 - 如果老公未放工我應該點做????
換轉係我實拍死佢
回覆刪除[版主回覆09/07/2008 00:03:00]拍死咗佢我都要捉佢落垃圾桶.....
佢地唔係害蟲...都有生命~~~
佢地唔知訂"中"咗入來啫!
Really don't understand why there are so many daddy long legs in UK.
回覆刪除I will scream loudly as well, but usually i need to kill them by myself........
You are so lucky!!!!!!!
[版主回覆09/07/2008 00:26:00]there are so many daddy long legs is because...they live in UK 囉!
actually im not afraid of them that much~ just they scare me suddenly...
我總覺得我的人生安全受到威脅!!!!!!!!
回覆刪除I will have to face them sooooooon..............
[版主回覆09/07/2008 00:38:00]只係佢地突然出現我先怕~ 加上我唔敢捉佢地...如果比佢地走咗唔知去邊我仲驚!
TOTALLY AGREE WITH U!!!!!!!
回覆刪除I am so scared that they will hide up and couldn't kill them...... If they are in the open area, i will have more confident to kill them.
In order to prevent this HAZARD..... I normally close all the windows!!! And also do you know that HK can buy window size or door size's 防 insects web, which i think they are quite useful. i didn't have to kill even a daddy long legs last year!!!
妳真係好人事,咁都唔拍死佢哋,我都唔你鐘意亂開殺戒果啲人,但就真係忍受唔到佢係我屋企範圍飛嚟飛去囉,所以一比我發現呢類小昆蟲未得我同意下就入嚟打攪晒,我通常都你有殺錯,就無放過
回覆刪除[版主回覆09/08/2008 16:33:00]佢地唔係喺我屋企入面飛來飛去...佢地只係最鍾意浦我個廚房 - 個窗開得最大! 我要空氣流通...其他地方其實好少見佢地踪影~~~~~
我會唸 - 雖然我係驚佢地個樣，但佢地冇咬我又冇傷害我...可能佢地只係路過返緊屋企 + 我咁啱線撞入來.......而且蜘蛛係益蟲; 長腳蚊又唔吸血...我覺得佢地罪不至死喎!
好耐之前試過入冬後，有隻蜜蜂飛咗入來，伏咗喺窗邊抖大氣就死咁款...我見到佢好似好辛苦，於是我攞個玻璃杯反轉裝住佢 + 滴咗一滴蜜糖入去~ 我睇住佢猛咁食!!! 好得意~ 食完佢喺杯入面飛 - 好似冇哂事咁! 於是我放走咗佢.....到依家我都唔知點解冬天都會有蜜蜂?????
唉....每日困擾我家騎樓的...係 小強 呀...
回覆刪除最高紀錄係一晚掃左 9隻 呀, 我都就黎出篇blog歌頌下佢地架喇
[版主回覆09/08/2008 16:36:00]小強就唔同講法嘞~ 如果比我發現小強，我一定要見到佢條屍先會安樂!!!!
不過我來咗英國10幾年，一隻都冇見過!!! 可能天氣比較凍? 呵呵~~~~~~