西湖牛肉羹; 頭抽豬扒皇; 豬絞肉蛋卷 & 金銀蛋菠菜
上個星期好鬼懶~ 煮得一餐晚飯，今個星期要回復正常先得!
老公咋形話好耐冇食過豬扒! 我問佢: 你唔厭 / 悶既咩?? 佢話: 唔厭呀~ 妳整既豬扒，我永遠都唔會厭!!! 佢仲話如果流落荒島 + 只可以揀一樣食物既話，佢會毫不猶豫揀我整既豬扒.......(流落荒島仲有得比你揀??????) 大佬~ 你食唔厭...我都煮到悶啦~~~~~~
所以煮豬扒之餘，其他2餸1湯都係新食譜.........
- 西湖牛肉羹: 好開心!!! 由細到大都係出街食飯時，先有機會食西湖牛肉羹，V媽媽從來冇homemade 過~ 我好鍾意羹類既湯水，尤其係西湖牛肉羹! 我睇過幾個唔同既食譜，發現做法簡單，今次第一次整，本來唸住要整多幾次先得....一飲 - 係街食到既味道喎!!!!! 老公話: 我冇試過依個湯! 好好食呀~~~~
- 豬絞肉蛋卷: 我懶廢事洗多隻鑊 - 冇用平底鑊來煎，所以捲得唔靚! 不過味道唔錯~ 好送飯......
- 金銀蛋菠菜: 老公鍾意食鹹蛋，所以佢都會主動夾菜來食! (咁我應該整多d依個菜???)
今晚我有約 (老公約我!
)，所以今晚又唔洗煮! 依餐其他食譜聽日先補返~~~~~頭抽豬扒皇食譜click here~
我老公又係勁鐘意食豬扒!
回覆刪除今年年頭返香港, 去翠華茶餐廳, 唔知加幾多十蚊就可以換 t-shirt 一件, 個傻佬問我件 t-shirt 上面寫咩, 我話寫住 : "我 豬 扒", 點知佢即刻問個伙計有冇佢嘅 size, 我同佢講如果你著住呢件 t-shirt, 你就咪駛旨意拖住我; 條傻佬仲 on 居居唔明, 我老媽即問佢 : "你愛唔愛你老婆吖?" 條傻佬答: "梗係愛!" "咁啱啦, 等阿外母送呢件 t shirt 比你啦! 啱哂你着呀!" 跟住成枱人笑到反哂台, 而佢就比我柄咗鑊金囉!
等你個西湖斗肉羮食譜.......
ps: 今晚 食/玩 得開心 d !!
[版主回覆09/09/2008 17:54:00]我地都好鍾意去翠華架!!! 我就鍾意佢地海南雞飯 + 牛柳餐; 老公就鍾意雜扒餐......大件夾抵食~~~
我都想要件T-shirt 呀!!! 幾搞野呀~~~ 唔知仲有冇呢????? 等緊個passport 返來就book 機票返香港~~~~
Thank you! 不過我仲未知今晚去邊度食飯~ 佢淨係叫我今晚唔洗煮啫!
西湖牛肉羹 好味呀 我都未試過自己整呢
回覆刪除[版主回覆09/10/2008 15:30:00]好易整架咋~ 妳而家可以試吓嘞!
我等緊你個～ 豬絞肉蛋卷～食譜呀！睇個樣肥仔應該好like~難唔難整呀?
回覆刪除[版主回覆09/10/2008 15:31:00]來來來~~~~~~
一d都唔難整! 只係捲時要好小心~ 如果唔係好易爛!
甘你以後煮咩菜都加d鹹蛋, 切得細粒d, 介乎夾到同夾唔到之間, 迫佢連埋d菜食
回覆刪除[版主回覆09/12/2008 01:10:00]我唔洗食咩? 菜對我來講係必需品......餐餐食鹹蛋我地好快會釘蓋......