鮮蜆肉煎蛋

 

1. 鮮蜆吐沙後略略沖淨外殼，用生果刀將蜆肉開出。
(不要過份沖洗蜆，因會洗走鮮味!)

開蜆最好用依種生果刀~

將生果刀依part 比較圓而薄既部份，攝入蜆殼夾口，在殼內2邊各劃一刀，關鍵係要切斷蜆肉連在殼上的4個骹位。

2.  雞蛋數隻打勻，用少許胡椒粉和雞粉調味。

3. 切碎青蔥和莞茜，拌入蛋液內。

4. 鮮蜆肉開出來的蜆汁較多，所以將蜆肉放入蛋液之前，先要略略隔走蜆汁。

5. 將蜆肉加入蛋液內拌勻。

6. 燒熱油鑊，倒入蜆肉蛋液煎至兩面金黃即成。
(如蛋液太多，可分開多次來煎!)

NOTE

- 依個餸既重點係"鮮味"~ 所以要用活蜆，或未經煮熟既急凍蜆(有殼)! 市面上有已經煮熟既急凍蜆肉並不適用，因為蜆肉一經離殼 + 煮熟，隨住蜆汁流失，鮮甜味好快會消失;

- 我用既係急凍蜆~ 若用生猛活蜆既話，買返來既生蜆要用鹽水養數小時讓蜆吐沙; 另外喺水中放入金屬物品，亦會幫助蜆吐出沙粒;

- V媽媽係開活蜆高手 - 平均4、5秒開一隻!  不過我用既係急凍蜆，所以比較易開~ 坊間有人suggest 先用熱水稍燙活蜆，讓蜆殼微微打開，但不要過份，以免燙熟蜆肉讓鮮味流失!

- 嫌開蜆肉麻煩的話，聽V媽媽講香港既街市有某d海鮮檔，有新鮮已開蜆肉賣~