大家估唔估到我件褸上面既係乜野來????
尋晚(1月5日)同老公去Tesco 買野，因為我有成張list 既野要買，所以叫老公去睇雜誌等我，咁我就可以慢慢行......
行到去放衣物柔順劑既貨架...我一向用開白色既"Comfort Pure"，不過我想試吓其他香味，所以攞咗枝紫色既"Comfort Passion Flower and Ylang Ylang"，開咗個蓋來聞......
依個時候貨架上突然有枝紫色Lenor 跌落來!!!
就係咁我手上既Comfort Passion Flower and Ylang Ylang...大約有3份1枝淋喺我右邊面、頭髮 + 全身(右邊)!!!
當時真係好狼狽~~~~ 超(火羅)!!!!
我去咗洗手間抹咗足足10分鐘先係咁二叫做搞掂!!! 因為仲有其他野要買，所以唯有繼續行......
一路行仲一路聞到殘留喺我面上、頭髮上 + 褸上既Comfort Passion Flower and Ylang Ylang 香味，香到攻鼻 + 頭都痛埋~~~
不過我最後都有買到枝柔順劑~~~ (緊係唔係倒瀉咗果枝啦!
)
咁洗唔洗得返件衫呀?
回覆刪除[版主回覆01/07/2009 18:57:00]我件褸係防水既~ 沖乾淨d柔順劑浪返乾應該冇問題!
我以為係鮮奶...好彩無淋到眼!
回覆刪除[版主回覆01/07/2009 18:58:00]有呀~ 不過我反應快合埋咗右眼咋!!! 我用衫袖抹咋......
哈.......你下機衫唔駛落柔順劑啦~
回覆刪除[版主回覆01/07/2009 19:00:00]最弊依件野唔可以機洗呢!
跌落嚟果支野可能想叫你,"買我啦買我啦"咁,
回覆刪除[版主回覆01/07/2009 19:01:00]我都有同感呀!!! 因為唔同牌子~~~
你都興聞下先買架！
回覆刪除[版主回覆01/07/2009 19:05:00]唔聞吓點知香唔香? 洗潔精我都會聞架!
冇乜是嗎 ? ......
回覆刪除我1月27日至2月1日會到倫敦呀 !
[版主回覆01/07/2009 19:06:00]Thank you~ 冇事! 只係成身都係柔順劑啫!
淨係去倫敦呀???
我初初以為係牛奶tim....咁淋在你身上個支野洗唔洗你比錢呀.
回覆刪除[版主回覆01/07/2009 19:10:00]緊係唔洗啦~ 係佢地放貨放得唔好，枝野先跌落來整親我! 而且都冇staff 知依件事~~~~ 不過我唸就算佢地知道，都唔會要我比錢!
支Comfort Passion Flower and Ylang Ylang梗係香得滯，攪到Lenor暈得一陣一陣，跌咗落黎啦
回覆刪除可以想像你當時真係好狼狽，好彩你老公係度 同埋支Lenor係撞到支Comfort，唔係撞正你個頭，如果唔係真係撞到頭痛
[版主回覆01/07/2009 19:13:00]我唸枝Lenor 其實想我買起佢!
如果撞到我個頭的話，我唸我可以告Tesco! 因為係佢地放貨放得唔好，我先會整親!
我真係好好彩! 因為我當時聞緊枝野架嘛~ 容乜易撞崩我個鼻!!!!!
妳真係好抵架啫,買1就送1/3 ,不過攪成咁都真係乜行街mood都無晒~
回覆刪除[版主回覆01/07/2009 19:14:00]我去買餸 + 買日用品啫~ 我唔當係行街shopping 果喎!
中獎! 恭喜你! 今年有運行!
回覆刪除[版主回覆01/07/2009 19:15:00]不過蘇文峰話我今年冇橫財喎......
我是1月20日先去歐洲 ( 意 , 瑞 , 法 ) 1月27日至2月1日在倫敦 !
回覆刪除[版主回覆01/07/2009 22:06:00]OIC! 咁妳咪喺歐洲過農曆新年囉~~~~
I think is milk at first...
回覆刪除[版主回覆01/07/2009 22:05:00]it really looks like milk!
我開頭一睇相以為你倒瀉奶tim~~~
回覆刪除[版主回覆01/07/2009 22:04:00]開頭叫得妳地估...點會咁易比妳地估到????
鴻運當頭呀你,哈哈哈,大難不死,必有後福!!
回覆刪除[版主回覆01/08/2009 22:07:00]當面之喎...仲要係當半邊面!
Aie..Aie.. it's good to know that you haven't got hurt and that's the most important! So, for washing your jacket, you don't have to add any fabric softener....
回覆刪除[版主回覆01/08/2009 22:54:00]unfortunately jacket is dry clean only.......
i will try to wash off the fabric softener by hands and see what happen~~~
好彩我無諗邪野呢...
回覆刪除[版主回覆01/14/2009 00:02:00]妳咁講...似乎有少少"此地無銀三百兩"喎!