香煎雞扒糙米飯配蒜茸洋蔥汁

1. 主要材料(2人份): 紅酒約100ml; 牛肉清湯1罐; 保衛爾牛肉汁約2湯匙; 糙米1 1/2杯; 洋蔥半個。

2. 雞上脾4件去骨留皮備用。

3. 糙米飯:

- 糙米 / 混合糙米用清洗後，用凍水浸30分鐘至1小時後瀝乾。(註: 如不習慣糙米，可用1杯白米混合1/2杯糙米代替~ 白米不用浸!)

- 燒熱少許橄欖油加牛油，炒香蒜茸1湯匙和1/4個切碎洋蔥，用海鹽和磨碎黑胡椒調味。

- 加入米和牛肉清湯拌勻，加蓋用中慢火煮15至20分鐘。

4. 燒熱油鑊將雞扒煎熟，先煎雞皮一面至金黃，再煎另一面，用海鹽和磨碎黑胡椒調味。

5. 蒜茸洋蔥汁: 燒熱少許橄欖油加牛油，加入蒜茸1湯匙和1/4個切碎洋蔥炒約3分鐘至金黃，加入紅酒100ml、保衛爾牛肉汁約2湯匙和糖1至2茶匙，煮至汁濃稠即可。

6. 糙米飯和雞扒上碟，淋上蒜茸洋蔥汁即成。

NOTE

 依個原係CitySuper 攞既"自煮空間"免費食譜~ 不過份量 + 煮法都經我修改過;

 我用既係由野米, 紅米 + 印度糙米既混合糙米~

野米 (Wild Rice): 野米其實係一種水生草既種子，並唔係米~  含豐富蛋白質 + 纖維素; 有助保持血糖水平平穩;

紅米 (Red Rice): 紅米比糙米保留更多表穀，所以口感比糙米更粗糙，但營養比糙米更豐富!  紅米含豐富蛋白質、纖維素、礦物質 +　維他命B; 有效降膽固醇和穩定血糖;

印度糙米 (Brown Basmati Rice): 印度米比一般白米幼長，煮熟後口感乾身爽口~ 含豐富維命B及纖維素，但澱粉質含量較白米低，熱量比其他米為低~