天寒地凍唔多想煮飯!
不過唔煮又唔知食乜好......
既然V媽媽寄咗咁多臘味來，就整大砵臘味飯啦! 不過我屋企冇煲仔~ 就算有我都冇咁好氣用煲仔慢慢煲熟d飯.....不過我又唔鍾意放臘味入電飯煲同飯一齊煲喎 - 我覺得水會煲到臘味好淡味!
所以我就先煲熟飯，再鋪臘味喺飯上面，然後成砵攞去蒸15分鐘~ 蒸臘味既汁會流入飯裡面，香噴噴!!!!
我冇煲仔飯豉油，所以唯有用甜味既雞飯老抽 + 少少頭抽代替~ 一樣好好味架!
再整碟油菜...又快又方便又好味，咁又搞掂一餐!
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
尋日收到YO! Sushi 既email - 原本只做到19號既6拆壽司優惠，
) 一早都唸住依個聽日星期六再去食過，不過今次約埋Vicki + Waikee 佢地一齊去~~~
嘩..咁多???食得哂嗎?..不過真係好正啊....想問下其實金銀潤係咩黎???
回覆刪除[版主回覆01/17/2009 18:50:00]我地都係為食鬼來....
金銀膶係用豬膶包住肥冰肉既一種賀年臘味~ 中間係一大舊肥豬肉，不過我只食外面既豬膶! V媽媽話平時係冇得賣既，只有農曆新年期間買得到~~~~~
臘味基本上都夠晒味了 可以唔加豉油呢~ 有冇整多碟菜食下呀~ 講起菜 我又諗起你媽咪速遞D菜比你了
回覆刪除[版主回覆01/17/2009 20:33:00]我見香港d煲仔臘味飯都有豉油嘛~ 而且我地果隻雞飯老抽甜甜地，都唔鹹既，好好味架!!!
有呀~ 我講咗整咗碟油菜啦! 我冇影相之嘛~~~
上圖碟飯你１個食呀?好多料喎，食唔食得晒呀?
回覆刪除平時我懶都會用電飯煲整方便煲仔飯架^^<<<<<真係懶～以前我係會用煲仔煮架......唉!
[版主回覆01/17/2009 21:00:00]上圖 + 下圖係同一砵飯來架~ 我唔同角度影啫!
砵飯其實好大砵架(3杯米)，我同老公2份，仲有碟油菜冇影到相~ 食哂嘞!!!
其實我都好想用煲仔! 不過我無火煮食用煲仔會餓死飯都未熟......
喂~ 我見依度有鐵煲仔賣呀! 妳知唔知煲仔飯可唔可以用金屬煲仔架????????
使唔使甘多餸呀....飯少餸多...無益架..整d黎食下啦...........
回覆刪除[版主回覆01/18/2009 19:30:00]個底好多飯架! 就係因為多飯先要咁多餸嘛.....而且仲有碟油菜架!
吓~我唔知喎~我用傳統大排檔用嗰啲炸~
回覆刪除你係咪諗住金屬煲仔傳熱會快啲呢?
[版主回覆01/18/2009 19:29:00]係呀! 因為我冇火煮食，炒餸時燒熱個鑊都要等.....
香噴噴! 暖粒粒!
回覆刪除[版主回覆01/18/2009 19:28:00]冬天佳品~
係 bor, 我都有好多臘腸潤腸同鵝肝腸 bor......
回覆刪除今晚都跟你整臘味飯先!!
不過我一家四口都未必可以好似你地兩個人食o甘鬼多!
[版主回覆01/18/2009 19:26:00]哈哈~~~~ 妳睇咗我blog 仲睇慣我地咁大食咩??
我都去咗Yo!啦~ 好彩靚豬睇你個blog, 之前print咗四張出嚟
回覆刪除我哋有三個人28碟, 個manager玩嘢, 埋單嗰陣話: 一張vocher只可以有十碟discount咋噃.......
我哋即刻好招積咁話: 哎唷...... 我哋有三.......唔係, 係四張voucher, 咁得未呀?
佢即刻無聲出, 呵呵~
[版主回覆01/18/2009 19:23:00]妳地3個人28碟...咁應該28碟全部都有拆呀~ 果個manager 真係cheap!!!! 好心佢啦~ 佢又唔係老闆，咁搞法盞搞壞名聲，唔想撈定嘞!!!!
我地尋日(星期六)又去咗呀! (我地去果間個manager 好好人!)，2個朋友臨時有事唔來得，所以我地印多咗果2張voucher，比咗隔離對couple!
我都未見過金銀潤添,原來係咁架,但係臘味入面我只會食臘腸,其餘嘅我都唔係咁鐘意食
回覆刪除不過妳話用電飯煲啲水會溝淡啲臘腸,其實啲人都係將啲飯煲再10幾分鐘後,先放啲臘味落去一齊煲,所以唔會有水溝淡啲臘味架
[版主回覆01/18/2009 19:15:00]金銀膶平時冇得賣嘛! 要農曆新年先有架~ 臘味裡面我最唔鍾意食既反而係臘腸喎~ 我最鍾意就係金銀膶 + 臘鴨!
我上網見人地好多食譜都係話臘味 + 飯 + 水放入飯煲一齊煲，咁我試過，整到d臘味好淡! 原來係分開放架~~~~
我個電腦飯煲煲飯好快熟果喎! (不過我冇計過幾耐...)煲飯10分鐘先放臘味，咁到飯全熟時臘味熟未架???
我一向用 Le creuset 煲來煮煲仔飯, 15-20mins 有得食. 好正 ga! 你都試 la..
回覆刪除[版主回覆01/18/2009 19:08:00]Le creuset 我只買過焗爐用既stoneware，我係冇火煮食，cast iron 可唔可以用? 會唔會好耐先熱???
我自己就用砂鍋嚟煲,咁我就將啲飯煲8分鐘左右就加1條臘腸落去煲,但係.....可能我得"1條"臘腸,妳就係幾樣臘味,咁可能時間上就要耐啲都唔奇,因為我8分鐘後先加上去都夠時間熟亦唔會溝淡,但一定唔係一開始就加埋落去整囉.......,仲有就係真係要睇下妳自己個飯煲,因為我用火,咁我先可以大火後再轉細火,呢樣而經大家都唔同喇......
回覆刪除[版主回覆01/19/2009 18:15:00]如果我用砂煲...餓死咗都未有得食!
我都係好鍾意食臘味飯架！
回覆刪除[版主回覆01/19/2009 18:13:00]其實臘味飯我麻麻地架咋! 不過天氣特別凍時食，特別覺得好味~~~~~
好正喎,但係會唔會多得滯呢??
回覆刪除得閒搵下鵝肝腸同金銀潤嚟試下先, 唔知難唔難搵呢??
v媽媽響邊買架??
[版主回覆01/19/2009 18:11:00]鵝肝腸平時都應該有; 不過金銀膶要農曆新年期間先有得賣架!
鵝肝腸V媽媽喺 鏞記買既，金銀膶我就唔清潔! 不過我知元朗大榮華 + 鏞記，2樣都有得賣!
金銀潤好肥仔唷... 特別係D肥唷... 我只係食皮GA 炸... 不過見到你D飯飯...搞到我又想整TIM...
回覆刪除[版主回覆01/19/2009 18:07:00]係呀! 我都好似妳咁頂唔順果大舊肥肉!
我都係只食外面既膶~
回覆刪除我又係唔鐘意食臘腸，淨係鐘意食潤腸同臘鴨，不過我老公唔食潤腸
我都諗住今晚整臘腸&潤腸飯，最近好攰，唔想攪咁多野
[版主回覆01/19/2009 18:05:00]咁多種 臘味裡面，我最唔鍾意既就係臘肉，其次就係臘腸!
依排依度天氣好衰，我 + 老公又一齊病.....
我係用電磁爐 ga. Le Creuset 既 cast iron 同電磁爐係好 match, 夠厚身夠曬鑊氣, 好快熱 ga. 你都試下 la.
回覆刪除[版主回覆01/19/2009 18:01:00]我其實都考慮過買Le Creuset cast iron 架，不過攞起手咁鬼重...真係好turn off!
等我搵日再慢慢研究吓先! thanks~