星期六(1月10日)去咗Silverburn 行街，順便去食YO! Sushi 既6拆壽司!
Silverburn 係全蘇格蘭唯一一間YO! Sushi~ 以前Glasgow 有另一間叫OKO 既迴轉壽司店，不過早幾年轉咗做落order 點菜既日本餐廳，所以而家要食迴轉壽司，就要去Silverburn 既YO! Sushi......
第一次食YO! Sushi 係喺Manchester Selfridges 裡面~ 感覺係 - 好鬼難食!
年多前有人話我知新開既Silverburn Shopping Centre 裡面有迴轉壽司食，去到Silverburn 先發現原來係YO! Sushi，當時有少少失望架! 不過果次都有照食，而且感覺比Manchester 果次進步咗......
早幾個月收到朋友email 比我既YO! Sushi special offer，就順手去YO! Sushi 網站登記咗，之後不停有優惠email! 一早已經收到今次6拆優惠券，但當時仲未用得，之後我就當冇咗件事...好彩後來睇到一位英國網友既blog 講依個優惠，我先醒起收到個email!
英國既迴轉壽司...同香港相比，真係又貴又唔好食! (其實好多野都唔及香港...!!!
) 不過用來止壽司癮好過冇咁解~~~~
依餐我地總共食咗20碟，本來應該要£6X~ 但有6拆，所以埋單只£38!
如果冇優惠，比得£6X...我就唔食YO! Sushi 嘞~~~~ 
P.S. 優惠券話每人限最多10碟 (即食多過10碟既話，只會計10碟既錢6拆~)，不過我地唔係咁cheap 特登食20碟架!!!!!!!!!! 咁啱食到20碟架咋!!!!!!
>>>>>>>>>>>>>>>>>>>>>>>>>>>>>>>>>>>>>>>>>>>>>>>>
星期日(1月11日)繼續shopping，天氣繼續衰到貼地!!!
不過天氣唔好都要食野...我地喺Glasgow Fort 買野，就求其入咗Frankie & Benny's~
Frankie & Benny's 係一間英國連鎖式既家庭餐廳，自稱"New York Italian Restaurant" (紐約意式餐廳...咁即係咩呢?????)
基本上Frankie & Benny's 係我 + 老公唸唔到食乜先會去既餐廳! 所以冇乜好講~ 就當做個紀錄啦!
睇完你個BLOG...發現..香港真係美食天堂.....
回覆刪除[版主回覆01/12/2009 22:31:00]絕對!
件吞那魚壽司個樣真係唔多掂
回覆刪除迴轉壽司都係返黎先食啦
[版主回覆01/13/2009 17:41:00]果舊野直頭似淨飯!!!!
返來先食....我頂唔到咁耐呀~~~~~~~
六折又真係食得過..........比我都係會淨食十碟, 唔益佢~
回覆刪除[版主回覆01/13/2009 17:49:00]YO! 最近頻頻做special offer...希望6拆完咗之後再有新offer 啦~ 我唸住同老公喺6拆到期前再去食多一次!
終於都見識到妳成日話英國無好食嘅壽司喇,齋睇相我都覺得個吞拿魚壽司真係.........,所以返嚟香港真係好好哋咁食喇~
回覆刪除都係下面啲相吸引力大好多,我好想食果個焗薯
[版主回覆01/13/2009 17:58:00]鬼佬根本唔識食! 佢地食中國野只識咕嚕雞; 食壽司時就 專揀d菜呀蛋呀依d咁既熟食....咁不如唔好食啦!
其實英國係有好好食既壽司既! 仲要係非常好食果隻!!!!! 因為係正宗日本人開既......不過間野喺倫敦!
知嘞~ 知嘞~~~ 我爭妳個焗薯仔食譜嘛!
個d sushi 真係=___=" 以前我係FL都好好多...
回覆刪除[版主回覆01/13/2009 17:56:00]總好過連食都冇得食~
我來咗英國後學會要求降至最低......
中哂! 身同感受!
回覆刪除[版主回覆01/14/2009 00:10:00]都係唔好彈三彈四咁多...
一個唔覺意執埋就大吉利是!
見到Burger又想食啦
回覆刪除[版主回覆01/14/2009 00:11:00]個burger 賣相麻麻至喎!
香港有得食MOS 咪仲正~~~~~
妳都無解嘅,人哋又唔係崔妳交功課,妳咪慢慢嚟囉......我只係覺得焗薯上面個啲醬好吸引之嘛
回覆刪除[版主回覆01/15/2009 18:03:00]哈哈~~~~ 我講笑! 我知妳唔係咁既人來既!
個焗薯上面既係soured cream 來~ 佢地冇落chives (細香蔥)咋! 落d chives 仲正呀~~~~~
我好鍾意食JACKET POTATO咖~~
回覆刪除加BAKED BEAN係我最愛呢~~~
靚姐姐我又要食~~!!!
[版主回覆07/10/2010 00:36:00]jacket potato 我鍾意加勁多牛油 + tuna mayo~