2009第一擊

Boxing Day 果日開始大減價，同老公出去行咗成日，完全冇收穫~ 因為我睇啱既衫 + 鞋，通通太大冇我size!!!!

自從Bonnie 來暫住後，少咗行街shopping......一來成日落雨，帶埋Bonnie 出街的話，佢污糟時又會整污糟架車~ 而且我一行街就要行全日，要留低Bonnie 自己一個咁耐，我又唔於心不忍! 加上Bonnie 要定時定候食野，行到興高采烈時，要返屋企餵佢，真係好掃興 + 冇癮......

之前都心大心細想養隻西施...不過我而家決定都係唔養狗嘞!!!!

依個weekend 返咗6299度食飯，返親去食飯都要幾粒鐘，所以帶埋Bonnie 去~ 食完飯已經成3點幾，又要趕住5pm 前去圖書館還書...9千幾樣野要做!!!!

不過我真係忍唔住嘞!!!! 於是老公先車我去City Centre，放低我後就帶埋Bonnie 趕去還書，而我就爭取時間大減價作戰~~~~

短短唔夠2粒鐘，收穫已經好豐富!!!

本來仲想行耐d...不過得我一個人，再買野都冇手攞!!!

Boxing Day 果日一件衫都買唔到，而家補返數......

 Mango 買既半價褸~ £90 減到£45!  一著上身我已經好鐘意  仲要細碼只得返一千零一件!!

 依2件喺Primark 買既~ 超鍾意件灰色恤衫!!!  我已經搵咗依種款既雪紡恤衫好耐，依件符合哂我所有要求，又平又靚!!! 而且都係一千零一件8號~~~~

 買咗2對屋企當拖鞋著既暖暖襪比我對凍腳，又舒服又暖!!! 

 
等我過兩日買多幾對寄比同樣係凍腳人既V媽媽先!


我去shopping 點少得買廚具......

想買個電炸鍋好耐!!! 之前已經物識格價 + 型號一段時間!

 之前喺Lakeland 見到依個Moulinex Minuto，靚仔的式唔阻訂~ 於是決定買佢!!!

不過尋日行緊去Lakeland 時突然心血來潮，走咗去John Lewis 及及...竟然比我發現John Lewis 平過Lakeland £8 喎! 呵呵~~~~

 之前買咗個黑色Le Creuset stoneware casserole 都仲未用過~ 早排見到個oval dish 又心思思...於是扑槌買埋佢!

 順手換咗個搪瓷焗爐用焗盤~~~

 本來想買套純白被單，不過睇唔啱之餘，反而買咗2個新枕頭......

仲有好多野想買但又未買!!! 如冇意外Bonnie 主人會今個星期接返佢...咁下個weekend 就可以多d時間行街!

>>>>>>>>>>>>>>>>>>>>>>>>>>>>>>>>>>>>>>>>>>>>

尋日喺Mango 買野時，撞到College 舊同學Vijiha~ 大大話話我地冇見成6、7嘞，如果唔係佢主動嗌我，我都唔認得佢!  College 時我地大家都幾close，不過college 之後Vijiha 冇讀大學，就係咁我地失咗聯絡~~~

談及近況...知道佢最近正失業~ 希望新一年新開始，Vijiha 會快d搵到一份理想既工作啦!