有血有汗既蘿蔔糕 + 二人世界碟頭飯 - 2009年1月13日 (附食譜)
依排我身體既右邊"血光之災"好旺盛! 只係右邊之喎~~~~
繼"蒜頭插傷右掌心"、"柔順劑右邊兜頭淋"...2個騎呢意外後，一向煮野食時好少整親既我，今日再來個"刨手指公" - 都係右手喎!!!
今日第一次嘗試整蘿蔔糕......
刨蘿蔔絲時連自己隻手指公一齊刨埋......
啱啱整到時我唔覺痛喎~ 所以我仲傻吓傻吓繼續刨! 直至見到個刨血跡斑斑，我先知道整親手指......
好彩製成品好成功!
老公放工返來緊係承機嗲吓佢啦!
見仲未係時候dinner，叮返熱2大舊比佢試吓~~~~~ 老公一向好憎食蘿蔔糕 
不過我就好鍾意! 
所以去親飲茶，我都要自己搞掂哂成碟......
我叮緊時佢已經不停話好香，跟手三扒兩撥就搞掂2大舊~~~ 佢竟然話好鍾意喎!
我: 其實你係咪見我咁慘整到手指先話鍾意架?
老公: 我真係鍾意架! 同酒樓果d好唔同~ 我唔鍾意會話唔鍾意架啦!
總算冇白廢我手指咁大犧牲!!!!
無論蒸 or 煎，食蘿蔔糕一定要有V媽媽寄比我既至愛 - "余均益辣椒醬"!!!!!
是晚dinner 係照返香港時，喺CitySuper 攞既免費食譜 - 香煎雞扒糙米飯配蒜茸洋蔥汁~ 食譜用既係糙米，屋企一早有包混合糙米，正好開光! 不過可能始終一下食唔慣糙米，照足包裝方法煮，我都係覺得太硬，下次試吓混d白米先煮!
>>>>>>>>>>>>>>>>>>>>>>>>>>>>>>>>>>>>>>>>>>>>>
哈哈~~~~~ 打緊依篇blog 時，先突然醒起 - 3年前...2006年1月13日，係老公同我求婚既日子喎!
依1日我係永遠都唔會忘記既! 除咗因為我果晚好鬼high 之外(飲醉咗~ )，仲因為2006年1月13日係星期五 - Friday the 13th 黑色星期五!
>>>>>>>>>>>>>>>>>>>>>>>>>>>>>>>>>>>>>>>>>>>>>
蘿蔔糕食譜click here~
香煎雞扒糙米飯配蒜茸洋蔥汁食譜click here~
回覆刪除be careful next time!!
[版主回覆01/14/2009 21:11:00]thank you~ i will be very careful next time!
哎呀甘唔小心呀,冬天整親真係痛到入心呀!!小心小心!!
回覆刪除你甘比心機整野食,你老公點會話唔好食呀?就算真係味道差dd,愛心都搭夠啦.......如果我煮野有你一半功力,我老公肯定開心到呢...............哈哈.........
[版主回覆01/14/2009 21:11:00]我下次會小心架嘞! 今次係我太心急......
哈哈~~~~ 我今次信老公佢真係鍾意喎! 佢頭先打電話比我話唔記得帶銀包，所以冇錢食lunch，跟住佢話: 早知我帶舊蘿蔔糕返工啦!
嘩..你小心d呀...咁多血...心痛死你老公呀.
回覆刪除[版主回覆01/14/2009 21:04:00]我影相時已經抹咗好多血架嘞! 點都係我手指痛d~~~~
嘩血案呀 乜你咁唔小心呀
回覆刪除天氣凍真係界親界損都唔覺，前幾日我用把新菜刀，批薑皮嗰陣又係界埋隻手指都唔知，不過就冇你流咁多血，把刀一用就見血，勁呀
點知我老公返黎見到，佢幾衰呀：乜你咁抵死架，界親隻中指
[版主回覆01/14/2009 21:03:00]係啦~ 一定係天氣凍所以手指硬哂啦!!!
妳把刀一開光就見血...因住把刀成精喎!
小心啲呢,靚女,我諗你老公唔會想食人肉蘿蔔膏......,更唔想你有任何損傷,所謂傷在你身,痛在佢心!!
回覆刪除糙米飯我ok喎,仲覺得香過白米飯潻,但容易胃痛嘅人真係要小心啲,唔好食太多!!
[版主回覆01/14/2009 21:01:00]我會小心架嘞! 依排都唔知做乜鬼? 唔知係咪天氣太凍，個人手腳都凍到硬哂冇咁靈活呢?
我都覺得糙米飯OK! 而且有咁多好處~
余均益辣椒醬!!!!!!!!! 我至愛的辣椒醬!
回覆刪除同蘿白糕簡直天生一對! 缺一不可!
我每次返香港都會買幾枝, 不過好奇怪, 百佳係無得賣! 一定要去雜貨鋪先有賣......
英國最最接近余均益的是冠益華記, 不過都係同余均益無得比!!
[版主回覆01/14/2009 20:42:00]余均益記得要買細枝裝! 大枝裝係用來交比食肆，味道淡好多~ 我唔知邊度買架，因為我返香港時好少會帶玻璃樽野過來，多數都係靠V媽媽寄來架咋!
冠益華記我都啱! 不過冇試過辣椒醬，但我超鍾意佢地既"桂林辣椒醬" - 但其實係辣椒油來!
Ai ai... you must be more careful when you cook next time! Don't hurt yourself.....
回覆刪除[版主回覆01/14/2009 22:06:00]thanks~ i will! cos it's really sore~~~~
下次你真係要小心！
回覆刪除[版主回覆01/15/2009 01:13:00]我唸住今個星期再整多次!
我今次會小心d架嘞~ thanks!
你個蘿蔔糕真係整得好靚,好想食呀!不過現在唔夠擔食咁多蘿蔔
回覆刪除[版主回覆01/15/2009 01:14:00]多謝!
哈哈~~~~ 妳而家直情唔好食蘿蔔啦! 等twins 出咗世先啦~
果然有血有汗嘅蘿蔔糕喎,妳呢排真係幾唔好彩喎,希望妳農曆新年後唔好再係咁啦.....
回覆刪除我又好鐘意食蘿蔔糕,不過我就只係愛食我奶奶整嘅,佢真係整我好好食,我都諗住遲啲問佢點整,希望我都會的起心肝試整先........
[版主回覆01/15/2009 17:53:00]我今年農曆年犯太歲呀......
V媽媽整既蘿蔔糕好正! 我整前都問過佢...不過佢話好難講我知份量 + 用料~ 要自己摸索喎...... 所以我都係用一貫方法 - 睇好多個唔同食譜，再mix 埋佢! 至於我99......佢係其中一個我見過最唔識煮餸既女人......
妳快d試吓啦! 原來一d都唔難整架~~~~
果然有血有汗嘅蘿蔔糕喎,妳呢排真係幾唔好彩喎,希望妳農曆新年後唔好再係咁啦.....
回覆刪除我又好鐘意食蘿蔔糕,不過我就只係愛食我奶奶整嘅,佢真係整我好好食,我都諗住遲啲問佢點整,希望我都會的起心肝試整先........
見你整..我又心思思想整添.....你個傻妹整到個刨咁多血都唔覺痛....真係成份心機放在蘿蔔糕度喎....好在你老公咁鐘意食....
回覆刪除[版主回覆01/15/2009 18:00:00]整返底來應吓節啦! 好味又唔難整~ 我今個weekend 去買料再整多次!
可能天氣太凍，所以整到時唔覺得痛囉~ 跟住成過過程右手都要帶住手套整野切野(好薄果種手套)，好唔方便 + 焗住開始覺得痛!
哈哈~~~~~ 老公鍾意食我緊開心啦! 不過就算佢唔鍾意食我都會照整 - 我鍾意食嘛!
等我又試下先~~
回覆刪除你下次都小心d..唔好整親0刺~~
[版主回覆01/15/2009 17:54:00]係啦~ 試吓啦! 應吓節嘛~ 又好食又易整!
我下次一定會小心d架嘞! thanks~
小心d la next time
回覆刪除[版主回覆01/16/2009 19:41:00]thank you! 我下次會小心架嘞~~~
唔好有下次啦 (講緊你整到流血呀) 小心d丫麻~ 我都好鐘意食蘿蔔糕 不過 我比較鐘意食蒸既 新鮮蒸起 真係好好味~ 但係香港而家 好小酒樓 有新鮮蒸起既呢 就算有 都唔好食 ~ 而家為有要食就要自己整 不過香港呢排好凍呀 我連入廚房都唔想呀 對手一"惦"到d水 真係赤赤痛
回覆刪除[版主回覆01/16/2009 22:52:00]thanks~ 我下次會好小心架嘞! 個刨新買未用過...我都唔知咁鬼利......
我一向都係鍾意食煎多d架~ 不過今次自己整依底，唔知係咪因為足料特別好味 ，我成盤清哂都係食蒸既! 老公叫我依個星期再整過~~~~
係呀! 我睇新聞 + 聽V媽媽講，依幾日香港好凍呢! 果日香港得7、8度，英國依度竟然有成10度喎! 天氣痴哂線~~~
真係好凍呀香港而家 我呢幾日連飯都唔想煮呀~ "惦"到d水 對手都赤赤痛呢~
回覆刪除[版主回覆01/17/2009 00:45:00]其實我好難想像香港會好凍好凍......因為我已習慣咗英國氣溫，7、8度對我來講唔算凍!
唉~ 反而我依排長開暖爐...遲吓電費單來時一定好金!!!!!
嘩...妳隻手都刨得好甘噃! 下次記得小心啲啦。不過整到妳 HONEY 一直唔食最後都鑽既蘿蔔糕咩都抵返啦
回覆刪除[版主回覆01/18/2009 19:50:00]我下次會好小心架嘞~ thanks!
我都好surprised 老公會鍾意食! 所以都可以話係抵既~