鮑魚淮杞圓肉湯; 白切雞; 發財好事; 西蘭花炒帶子; 年年有餘蒸鱸魚; 蟹肉扒豆苗
因為感冒未清所以年三十冇煮團年飯; 大年初一又要返62度逗利是順便食飯...
(冇錯~ 逗利是先係首要任務!!!! 今年6299利是加咗碼喎~ 返去食餐飯銀包多咗幾百鎊! 正唸到頭痕 - 究竟應該洗咗d錢佢...定係儲埋佢呢???? 哇哈哈~~~~)
既然連續2日都冇機會補煮團年飯，咁就唯有尋晚初二煮餐開年飯啦!
婆仔既我好相信"意頭"! 反正一年一次，所以就算得我 + 老公兩丁友，我都想盡量煮夠好意頭number 咁多道菜 - 最好係8啦!
不過8道菜真係太太太多for 我地2個嘞!!! 但4、5、7都唔好喎...咁就6啦 - 六六無窮! (連埋個湯~ 
)菜式方面同我感冒前一早計劃好既菜單有少少分別! 因為原來菜單有炸野既，不過咳剛剛先好轉，都係唔好食炸野住嘞......
"發財好事" - 發財好事係過年必食~ 不過老公好衰 - 佢唔食髮菜!
不過婆仔既我迫老公食髮菜......
白切雞 - 平時我整雞，多數只會買超市普通既平雞，因為有調味就可以搭夠; 不過整白切雞，我就一定會買靚雞! 因為白切雞太簡單 + 著重雞味......新年嘛! 食好d都不為過~~~
V媽媽4舊水買隻雞過年都係咁啦!!
鮑魚湯 - 已經有白切雞，而且又唔想煲個太燥既湯，所以個鮑魚湯冇落雞改用瘦肉~ 不過我就將蒸雞既雞汁 + 罐頭鮑魚湯都加埋落湯度，煲出來成屋都係鮑魚湯既香味 + 湯好鮮味!
"年年有餘" - 年飯一定要有蒸魚! 喻意"年年有餘"嘛~ 不過尋日Asda 竟然1條魚都冇!!!!! 為咗煮好年飯，我唯有行遠d去Tesco Extra，好彩皇天不付有心人~ Tesco 有好多靚鱸魚 + 黑立，最後我都係揀咗鱸魚~ 撞啱尋日佢地仲有好大粒好新鮮既帶子添!
為咗意頭，尋晚都食剩幾多餸! 今晚應該要食隔夜餸~ 一年先一次唔緊要啦!
依幾日紛紛收到好多朋友既賀年sms，內容不外乎問攞利是 + 話要上來食飯! 睇來又係時候搞次飯局嘞......過咗年先 - 唔洗派利是比佢地!
祝大家牛年豐衣足食!
鮑魚淮杞圓肉湯食譜click here~
白切雞食譜click here~
發財好事(冬菇髮菜蠔豉)食譜click here~
西蘭花炒帶子食譜click here~
蟹肉扒豆苗食譜click here~
生財鮑脯(生菜蠔汁鮑脯)食譜click here~
想問一問.... Mr. T 又係竹昇黎GA 咩?.? 有時見你2公婆D對話... 有D以我同JC...哈哈 JC好曳GA...唔中意GE野... 就會扮===> I dun know ~"~
回覆刪除[版主回覆01/28/2009 22:01:00]係呀~ 我老公竹升來架! 除咗佢自己 + 我個中文名之外，佢乜中文都唔識睇 + 寫架~ 而且寫時筆劃錯到離哂大譜!!!!
見到你覆蕃薯媽, 我想講肥佬都係唔識寫中文, 除了自己名和一些簡單的字, 如: 金等。佢叫 "寫中文字" 為 "畫中文字"。係佢眼中, 原來中文字是畫出來, 而不是寫出來。
回覆刪除[版主回覆01/28/2009 22:15:00]OIC! 睇見佢地寫中文字真係想暈低.....
除咗寫之外...我老公仲有好多中文笑話架! 搵日話妳地知~
嗚...見到阿蚊的回應... 忍唔住問JC... 中文字係寫定畫... JC 答我係===>畫出黎GA.... 激死我啦... Mrs. T, 你今晚又試下問Mr.T 係寫唷???定係畫唷... 我好想知道個答案.... kaka...
回覆刪除[版主回覆01/29/2009 04:42:00]哈哈~~~~~ 咁Mr.T 經過我9年幾既訓練，已經知道字係寫而唔係畫出來既!
真係可以用嚟宴客呀, 同喺香港食嘅無分別, T太果然掂!
回覆刪除[版主回覆01/29/2009 04:39:00]過獎~ 過獎~~~
如果我喺香港就唔洗自己煮咯!!!
Mrs T! They all look very yummy! How do you cook the fish?? I would love to have steamed fish but whenever I go to the supermarket the fish there seem to have been there for months, not very fresh...
回覆刪除[版主回覆01/29/2009 04:37:00]thank you very much! i just steam the fish with ginger + spring onion - chinese style~
do you know most fish mongers dont open on Mon? cos they only get the fresh stock once a week! so try to buy fish on Tue, usually there are more fresh stock on Tue~
結果呢餐餸 食左幾多日呀? 其實今年我都想試下整餐團年飯 不過得2個人 真係好難諗 樣樣小小咁
回覆刪除[版主回覆01/29/2009 18:48:00]依餐係初二開年飯~ 尋日初三清咗條魚、炒帶子 + 豆苗; 今日初四剩返雞 + 發財好事囉! 應該食埋今晚啩
我開年都淨返啲餸，尋日(初四)都清晒lu
回覆刪除[版主回覆01/30/2009 18:03:00]妳又係初二開年呀? 一陣過去睇~
我又係尋晚初四清哂d餸咯!
豐富到極呀！
回覆刪除我由年２８開始到現在都未煮過一餐呀！晚晚都去人地屋企／出街食～（除左煎糕 ）
[版主回覆01/30/2009 23:04:00]咁我都係初二煮咗一餐咁大把啫~ 本來想煮團年飯架! 不過年三十仲好咳，所以咪改煮開年飯囉!
你個到買鷄咁鬼貴... 你都係好老婆, 都會整番幾尾俾老公食。
回覆刪除平時如係街買煮熟咗嘅鷄, 老公都叫我買白切鷄唔好買豉油鷄喎! 佢話白切鷄係新鮮整, 而豉油鷄就係用買唔曬嘅白切鷄整架喎!
[版主回覆02/01/2009 21:01:00]我今次買依隻係free range 雞嘛~ 係貴好多架! 依隻OK啦~ 今年香港d雞咪仲貴! V媽媽喺香港就買咗隻$400 嘞!!!!!
依度都有平雞既，不過平雞我只會用來整有味雞e.g. 豉油雞~ 整白切雞都係用隻靚d架啦!
哈哈~~~~ 過獎嘞! 其實我都唔算咩野好老婆! 我鍾意煮野食嘛~ 咁老公唔食，我都要食架!!!
你二個人都整咁多...食吾食得晒呀.... 我今年開年飯係年初一晚食咗...因為我老公年初二要返24小時工...所以提早一晚食...我都整左好多餸呀...但掛住食冇影到相呀...有魚翅响螺花膠煲雞湯...横財就手..蒸蝦碌...齋菜...魚...當然吾少得白切雞啦....尼餐餸我都食到年初二早一餐晚一餐才食完咋....即係總共食左三餐才搞掂....仲係7個人5大2小...先搞得佢掂....因為每碟餸份量實在太大碟...
回覆刪除[版主回覆02/03/2009 07:32:00]咁妳放完大假未呀?
依餐飯初二晚煮，初三 + 初四晏晝我食第二d野，所以初三晚 + 初四晚搞掂哂d餸~ 我地都係食咗3餐! 我地人丁單薄...不過一年一次，求個好意頭嘛~~~~
乜妳咁大意冇影相架!!!
老實講, 我未見過HK賣400蚊一隻鷄, 請問邊到買架? 點解咁貴? 係咩鷄嚟架?
回覆刪除[版主回覆02/04/2009 16:58:00]乜妳唔知今年過年香港d雞好貴咩? 雞檔生劏果d雞，唔係冰鮮雞~ 報紙賣哂頭條$400先買到1隻生雞喎!!!
V媽媽就喺旺角街市買咗隻$380~ 佢打電話來叫我估幾多錢，我估咗成10次都冇唸到咁貴!!!