韓國 - 紫菜飯卷 Gimbap

一直都有個疑問 - 韓國紫菜飯卷同日本壽司卷究竟有乜分別呢?
疑問還疑問，但又無的起心肝去搵答案，
直至早前喺FB見到朋友食gimbap 食得津津有味，順口問吓......
主要分別在於飯既調味方面 - 壽司飯用米醋調味; 而紫菜飯卷既飯用麻油 + 鹽調味~

1. 米1杯煮熟後放入大鋼盆，趁熱下麻油和海鹽調味拌勻試味(飯微鹹即可!) 略蓋保濕，待入味放涼備用。

韓式飯卷無特定用咩品種米! 
我就鍾意用黏性較高既日本越光米~ ^^

2. 紅蘿蔔1/2條切幼絲; 韓式醃蘿蔔切粗條; 午餐肉1罐先切片，略煎後切粗條備用。

韓式醃蘿蔔

3. 菠菜數棵，整棵洗淨後放入滾水中川燙20秒，撈起菠菜以冷水沖泡，擠乾菠菜水份，切去菠菜根部，用少許麻油、海鹽和糖拌勻調味備用。

4. 壽司蓆上放上紫菜片。(紫菜片有一面比較光滑，光滑一面向下~)

5. (1)的麻油飯平均地鋪在紫菜片上，紫菜片頂留一點空間不要全鋪滿。(麻油飯要薄，不要鋪太厚~)

6. 在麻油飯中間的位置放上各種材料後捲起來。

7. 刀沾水將飯卷切開即成。 

午餐肉可以煮熟雞肉、牛肉、香腸、罐頭魚等取代; 另可加入煎蛋、青瓜等不同材料，變化隨意!

除咗午餐肉平民版飯卷，我另外整咗一個奢侈版 - 用龍蝦來代替午餐肉! =P

急凍熟龍蝦解凍取肉.........

龍蝦頭超多膏! ❤

個人認為韓國紫菜飯卷比日式壽司卷更好味呢! ❤ ❤ ❤