西芹海蓬子炒蝦球

好耐無見過有海蓬子賣嘞! ^^
之前喺Asda 買過海蓬子來炒蛋(食譜)，不過洋人唔多鍾意試新野，
可能唔係好受歡迎，已經好耐無賣......
今次比我喺Waitrose 再見到，貴價超市確係唔同d!
Asda 果d trim 得唔乾淨，食落有點硬梗; 
Waitrose 既trim 得乾乾淨淨，洗吓就食得，價錢貴少少都值得~


1. 大蝦開背挑出沙線，抹乾水份，用胡椒粉、紹興酒、少許鹽和粟粉抓勻備用。


2. 西芹洗淨抹乾，打直切半後再切成菱形備用; 紅蘿蔔花數片(optional)。


3. 海蓬子適量，略洗後用廚房紙抹乾備用。


4. 燒熱油鑊爆香薑片和拍扁蒜頭，下大蝦快炒至變色。


5. 再下西芹和紅蘿蔔花炒勻後灒紹興酒，以少許糖調味，最後下海蓬子略略兜勻，上碟即成。

海蓬子，英文名Samphire，又名海人參、海菜豆、海蘆筍，鹽角草，
一種利用海水來灌溉種植既保健蔬菜~
口感脆嫩，由於用海水種植，所以帶有海水天然鹹味，烹調時不用加鹽調味!
海蓬子能增強人體消化力，促進胃腸蠕動，消除便秘，分解附著腸壁上脂肪廢物，
長期食用可降低血壓、血脂和血糖，預防心腦血管疾病，仲有清熱排毒、降脂減肥功效~