2015年5月7日星期四

Häagen-Dazs 限量版柑橘柚子雪糕

La Cuisine De Veronica Häagen-Dazs 限量版柑橘柚子雪糕

阿V唔好甜又唔好雪糕雪條,
基本上唔係熱得好緊要既話,我都唔會食雪糕飲凍飲!
偶一為之亦唔會話上癮 + 變到好鍾意......


西班牙旅行時喺酒店附近一間甜品店Pastelerías Roldan
食過一小杯令我驚為天人既檸檬雪糕!
無錯係檸檬雪糕,唔係雪葩 - 檸檬既味道但雪糕既質感,同sorbet 係兩回事!!
檸檬味香濃,酸酸甜甜好refreshing 超好味~

當時我仲以為因為西班牙天氣比較熱我想食凍野既原故,
所以我先鍾意依個檸檬雪糕;
但我返到蘇格蘭後天氣一直仍然好凍,
不過依個檸檬雪糕經常無啦啦出現我腦海,每次唸起仲會流哂口水.........


La Cuisine De Veronica Häagen-Dazs 限量版柑橘柚子雪糕
得知Häagen-Dazs 最近推出咗個限量版柑橘柚子雪糕,
包裝令我即時唸起果個美味無窮既西班牙檸檬雪糕!
加上有雜誌介紹時形容味道"酸酸甜甜"...有朋友食完亦大讚好味~
心想味道應該會差唔多 ^_^

好興奮知道英國都有得賣! 尋日滿心期待買完即刻返屋企開來食........
影緊相時心情好緊張,準備食第一口時可以好享受咁"唔~~~~~~~"一聲,
殊不知食咗一啖...只覺得所謂既柚子香味似有還無,
口腔內只有一鼓甜完繼續甜既甜味! 當下失望到想喊.......
雜誌說好的酸酸甜甜呢????????
雜誌說好的酸酸甜甜呢????????
雜誌說好的酸酸甜甜呢????????
雜誌說好的酸酸甜甜呢????????   

連甜品焚化爐Mr.T 既評語: 香又唔夠香,sharp 又唔夠sharp,creamy 又唔夠creamy,一味得個甜字...唔值!
見佢係限量版,我仲慌死執輸買咗2盒...唉..........
再一次印證了 - 希望越大,失望越大既道理...今次失望到爆!!!!!!








4 則留言:

  1. 這樣想吧, 你的犧牲是有回報的, 看了你的介紹, 我就決定不買了, 本來滿心歡喜, 打算咳完就去買來吃.

    回覆刪除
  2. 我都買咗黎食, 的確唔香柚子味又唔酸, 係令人失望呀!

    回覆刪除
    回覆
    1. 我唔會話佢難食,但真心覺得唔好食囉!

      刪除

Related Posts Plugin for WordPress, Blogger...