2015年10月15日星期四

台灣 - 珍珠奶茶 (附自製黑糖珍珠粉圓 + 燜燒罐煮粉圓方法)

珍珠奶茶 自製黑糖珍珠粉圓

早於阿V來英國之前,台式奶茶店喺香港已經開到成行成市,
不過以前阿V一直只飲茉香綠茶少甜走珍珠......
直至3年前倫敦台灣小食節,我先第一次飲有珍珠既珍珠奶茶~ =P
近幾年Glasgow 珍珠奶茶店越開越多,但大部份都係迎合洋人口味偏勁甜,
最啱阿V口味果間老闆係正宗台灣人,不過逢星期日休息.......
要隨時想飲都有得飲,最好就係自己沖! (廢話!!)


先做珍珠奶茶既靈魂 - 黑糖珍珠粉圓

珍珠奶茶 自製黑糖珍珠粉圓
1. 菱粉(Tapioca Starch)150g,水100ml,黑糖65g


菱粉 Tapioca Starch
菱粉 Tapioca Starch


2. 菱粉放在大鋼盆中,水加入黑糖煮溶煮滾後,立即沖入菱粉中拌勻。


珍珠奶茶 自製黑糖珍珠粉圓
黑糖水沖入菱粉後溫度一下子會降低,可能會唔夠熱令菱粉糊化不足,
混合物就會呈半固體半液體粉漿狀,依個情況好常見~ 有2個做法......

- 照搓! 雖然混合物半液體,但澱粉遇水後既特性一樣可以搓成小圓球
(好難用文字去形容,依點要自行體驗!)不過要準備大量菱粉作為手粉,
而且要花太長時間先搓好!

- 煮滾一鑊水,將鋼盆坐入滾水裡面隔水加熱混合物,一邊用刮刀拌勻混合物
(所以最好用鋼盆!) 直至混合物糊化足夠可以搓成粉糰為止~


珍珠奶茶 自製黑糖珍珠粉圓
3. 糊化足夠的混合物可以搓勻成質地如泥膠的不黏手粉糰。


珍珠奶茶 自製黑糖珍珠粉圓
4. 將粉糰壓扁切成小塊並搓成珍珠粉圓。
搓粉圓前先預備一碗水 + 一碗菱粉 - 粉圓太乾時加少許水; 若太濕就加少許菱粉~


珍珠奶茶 自製黑糖珍珠粉圓
5. 搓好的珍珠粉圓放在乾淨大碗中,灑入菱粉篩勻防黏,用粉篩篩掉多餘的菱粉,粉圓可以即時煮食,未煮的粉圓攤開放在通風處風乾24小時。


珍珠奶茶 自製黑糖珍珠粉圓
6. 盛入乾淨食物盒,放在冰格裡保存。


珍珠奶茶 自製黑糖珍珠粉圓
自製鮮珍珠粉圓用手指可以捏碎,相對起市面現成乾硬粉圓煮既時間短好多~
(阿V未買過現成珍珠粉圓...因為喺英國我只見過一個牌子.......
包裝騎呢地有齊哂中文、英文、日文 + 韓文,
明明寫住"源自台灣"但就Made in China! 太詭異...唔敢買!!!)


7. 燜燒罐用滾水預熱。


8. 煮滾一煲水 - 水的份量不妨多一點,要足夠讓粉圓在水中自由滾動,而且一定要等水大滾後才放入粉圓。


珍珠奶茶 自製黑糖珍珠粉圓
9. 剛放入珍珠粉圓時,粉圓會沉在煲底,要即時攪拌防沾鍋,待粉圓煮至浮上來後,轉中小火(keep 著水微滾!)繼續煮10分鐘。


10. 10分鐘後撈起粉圓,(7)將熱罐的水倒去,放入粉圓再加入適量滾水,旋緊蓋子燜焗30分鐘。

P.S. 若不用燜燒罐,Step(9)轉中小火繼續煮25至30分鐘,熄火蓋上鍋蓋焗30分鐘。


珍珠奶茶 自製黑糖珍珠粉圓
11. 等待燜珍珠時,以2:1 熱水和黑糖拌勻至完全溶化成黑糖液備用。 


珍珠奶茶 自製黑糖珍珠粉圓
12. 燜好的珍珠粉圓先用篩瀝水,再用凍開水沖至全涼,加入(11)的黑糖液拌勻,黑糖液份量以剛好蓋過所有煮好的珍珠粉圓為標準。


珍珠奶茶 自製黑糖珍珠粉圓
煮好的珍珠粉圓拌入黑糖液,可防止粉圓黏結和增加黑糖香味~ ^^


珍珠奶茶 自製黑糖珍珠粉圓
13. 滾水泡紅茶5至10分鐘後拿掉茶包(不要按壓茶包! 否則茶太濃會苦啊!!),放至微溫。


14. 一個容量約350ml 的高身杯子,先放入1/3珍珠粉圓(連黑糖液)。


15. 紅茶約300ml,趁微溫加入砂糖1湯匙和奶精2茶匙(coffee-mate)拌勻。


Coffee-mate


16. 將(15)放入shaker 內,加入冰塊3至4粒,搖勻後,倒入(14)即成。

P.S. 以上沖珍珠奶茶方法由一位曾經喺台式奶茶店工作既朋友提供! 
要自行調較砂糖份量去配合自己口味~ ^^


我另外有個懶人屈機沖奶茶法,一樣可以沖到同街買珍珠奶茶一樣~
就係用Lipton 依種即沖奶茶粉!
以即沖奶茶粉1包、coffee-mate 2至3茶匙、砂糖1.5茶匙,熱水300ml 拌勻......
取代Step 15,其他步驟一樣~ ;-)


珍珠奶茶 自製黑糖珍珠粉圓
Mr.T 話依杯自製珍珠奶茶同街買一樣咁好飲呢!
記住珍珠粉圓唔好搓得太大粒啊! 要大飲管吸得到先有風味嘛~ ^^








8 則留言:

  1. 好犀利啊,可以自己整粉圓!thumbs up 👍🏻

    回覆刪除
  2. 你真係好勁呀! 咩都識整嘅!

    回覆刪除
  3. 好勁, 估唔到一杯小小珍珠奶茶有咁多工序!!你好勁!

    回覆刪除
    回覆
    1. 過獎啊! 其實都唔算太麻煩,當然出街買容易得多啦,但自己整清楚知道裡面有乜野,唔洗怕咩塑化劑,飲都飲得安心 :D

      刪除
  4. 連隻杯都咁台式店, 唔夠你玩呀, 哈哈, 堅係勁!

    回覆刪除
    回覆
    1. 我隻杯好耐好耐之前喺£1店買(我有2隻),我本身都唔知原來台灣奶茶店都係用依種杯,都係最近台灣朋友話我知,我先知道同春水堂隻杯一樣 =P

      刪除

Related Posts Plugin for WordPress, Blogger...