9月尾收到FB一個台灣文化交流group 邀請，
通知我10月21日倫敦會舉行台灣小吃節~
舊年愛丁堡都舉行過台灣小吃節，
我 + Mr.T都有去，仲食得好開心! (網誌)
之後一直希望佢地會再舉行同類型活動......
雖然今次地點山長水遠喺倫敦，不過我 + Mr.T鍾意台灣既程度直情想入籍做埋台灣人，
當然唔可以錯過啦! 隨口問埋朋友有無興趣.......
於是約埋朋友一齊去擦餐勁!
一早網上訂定第一輪11am - 12noon 入場既票，
10.30am 同朋友們喺地鐵站會合，
一齊搭的士直接去會場 - London Irish Centre......
會場外大大隻醒目紅底白字"TAIWAN"，
Luckily 我地到達時門口未有算有太多人排隊.......
都係以餐券形式付款找贖，餐券單位為£10一張~
排緊隊時有職員先前來售賣餐券，
我地 + 朋友各人先買一張，唔夠的話場內可以再買!
終於入得場嘞~~~~~~~
入場後好似去冚咁要"了"隻龜喎~
幫自己個blog 宣傳吓先! (用錯咗幼筆!! 失策.......
)
我唸去過台灣既人都會去過夜市，
小吃節所售賣既就係台灣夜市既特色小食!
台式珍珠奶茶喺英國越來越普遍，
Glasgow 都開咗2間!
之前我一直都係走珍珠......
因為我好少飲凍飲，
買親珍珠奶茶都係因為我真係好好好頸渴，
有珍珠即係少咗奶茶!
而且我之前以為珍珠似涼粉之類既物體，
我唔鍾意涼粉......
第一次食珍珠........
原來珍珠煙煙韌韌咁好食果喎!!!!!!!!!
結果飲咗2杯.......
(以後我都唔走珍珠咯!
)
見到依檔美食廚房有大鍋滷得香香既五花腩......
原來係其中一樣我至愛既掛包!
見隔離檔有台灣炒米粉，即時又整一兜........
今次掛包比上次愛丁堡美食節既掛包大隻好多 + 好味好多!
我右手肥美掛包左手美味炒米粉，大滿足!
依檔台式麻辣滷味好好好好好好味道!!!!!!!!!
我地要咗麻辣牛肉、麻辣鴨舌、麻辣百頁結，
滷得非常入味，真係又香又麻又辣......回味中~~~~~~~
(可惜後來太飽無食到佢地既餃子! 遺憾中.......
)
Mr.T被穿著熱褲既辣妹sell 佢買咗兜魯肉飯......
之後向我投訴......咁少肉既!!!!!!!!
肉確係少咗d，不過幾好味~
一兜仔有2隻......
雖然依個係小吃節，不過除咗野食之外，
仲有一d食得又玩得既推廣文化小遊戲......
依個"漢字巧克力"，先抽一張咭，咭上有條簡單問題，
玩者要喺餅乾上用朱古力寫上答案~
我自己無玩到......
其實場內仲有好多野食......蚵仔煎、鹽酥雞、蔥花麵包......
豬油拌飯、炸熱狗、茶葉蛋、紅燒牛肉飯........
不過有部份食物好快已經賣哂!
我食唔到蚵仔煎啊~~~~~~~~
反而朋友買咗來試，食後感 - 完全無豬血味!
(我喺度唸: 喺英國佢地去邊度搵豬血呢?
)雖然有好多食物都無食到，
不過由我地一入場就開始一輪狂風掃落葉不停食食食.......
(後來我仲買多咗一張餐券，
只係場內人迫迫唔方便一路食一路影相!)
我地點零兩點鐘離開時已經食到好飽!
值得一提既係 - 我自己整既鹽酥雞好味好多啊!
(大概係場內人流多，佢地炸唔切炸得唔夠透影響味道吧?)
Blog友仲大讚Mr.T真人靚仔又好fit，攪到Mr.T面紅喎!!
(我而家先知原來Mr.T仲曉面紅......哈哈~~~~~
)飽住個肚滿足地離場shopping去~~~~~
去返上次我同Mr.T去過既Caffe Concerto 抖一抖~
本來我好想試吓佢地既Afternoon tea set，不過我唸地4個食台灣小吃食得真係太飽......
喉頭不停嗝出麻辣既味道!
每人一塊蛋糕~
不過食完塊蛋糕就真係飽到乜野都再食唔落咯......
所以連晚飯都無食就一齊搭車返Glasgow~
滿足地結束依個買飽食醉既行程!
以前係澳洲我都好鐘意去美食節架! 好懷念有次去泰式小食節食咗小食....勁好味
回覆刪除[版主回覆11/01/2012 18:54:30]英國依邊亞洲人比澳洲少，所以大部份美食節都係歐洲美食節e.g. 法國、德國、意大利...居多，亞洲既美食節非常少
明星呀!
回覆刪除[版主回覆11/01/2012 18:51:58]咪笑我啦Mrs Leung!
我唸我喺blog友心目中一定係一個好為食既人.....因為依位blog友同我講，佢買票時唸過我會唔會去....
我一家勁愛台灣,台食簡直無得彈,你們可以有此機會,好開心又有口福更可以一次品嚐咁多不同款式,或許不是款款稱心或好味但機會難得又何妨.
回覆刪除食咁多你們還可以外出再吃,服了你
[版主回覆11/01/2012 18:49:49]其實居英台灣人成日攪依類活動，只係英國地方大，無可能每次喺唔同地方攪都去得到，不過要食台灣野其實唔一定要去美食節，蘇格蘭有台灣餐廳
我都勁中意食台灣地道小食﹗除左你相裏面嗰啲，仲有胡椒餅、蚵仔麪線(我只中意食龍山寺附近既陳記蚵仔麪線)都好正﹗
回覆刪除[版主回覆11/02/2012 19:24:58]其實果日我仲食咗好多野，不過攞住野又人迫迫....影相好唔方便呢!
Cool! Mouth watering! Does it hold every year around this time? Any organizer's link or site? Thanks!
回覆刪除[版主回覆11/02/2012 19:37:20]im not sure whether they hold the event every year. however if youbhave a fb, you can like the following page, they keeps updating uk taiwanese community news: https://www.facebook.com/TWfestival?ref=stream
「喉頭不停嗝出麻辣既味道! 」？！但仲可以一人一件蛋糕？好勁！
回覆刪除[版主回覆11/02/2012 19:20:09]哈哈~~~~~ d台灣麻辣好鬼勁!
如果唔係之前飽成咁，我真係想試吓佢地個afternoon tea set!
Glasgow同london 都好遠吓, 平時多唔多/ 願唔願出london 嫁?? haha...
回覆刪除[版主回覆11/03/2012 06:32:42]無話多唔多或願唔願去，有野做或想去咪去囉! 今年已經去咗倫敦3次~
台灣野食真係super yummy..
回覆刪除但冇大腸面線? heehee
[版主回覆11/05/2012 21:13:19]我無話過無大腸麵線，我只係話有好多野我無食到或無影到
今次輪到響倫敦都比blog友認出，我諗起自己上次叫妳的情形啊，hehe
回覆刪除[版主回覆11/08/2012 22:23:27]係呀~ V媽媽咁啱打電話來! 其實如果V媽媽無打來，妳可能聽唔到我講廣東話...咁妳可能唔會留意到我....咁我地就擦身而過嘞!
[海迪回覆11/06/2012 00:14:37]我都係果日由倫敦剛到曼城，從酒店安頓好就準備去manchester united行下，行緊去車站身邊有個講廣東話的女仔講緊電話，響外國聽到廣東話喎，仲唔望下咩，哎呀...咁熟口面...再望到妳最愛品牌的o急同手袋，仲唔係妳
[版主回覆11/05/2012 20:58:14]哈哈~~~~ 我都唸起上次我地相遇既情景呢!
今次依位blog友佢正喺倫敦讀書，大家都喺英國，相遇機會始終較大;
我覺得同你地相遇真係好特別! 你地來渡蜜月，咁啱果日喺曼城，我又咁啱果日去曼城...咁啱我班車早咗30分鐘到站，咁啱我落咗車你地又行緊返酒店......早一分鐘或少一分鐘都撞唔到，真係好多巧合先相遇呢!
台灣美食真係好正
回覆刪除[版主回覆11/08/2012 22:20:54]慶幸台灣美食飄洋過海來到英國都無失水準~
我都好鍾意台灣小吃
回覆刪除[版主回覆01/23/2013 03:46:03]台灣既食物真係好吸引!