3粒鐘倫敦Shopping - 2012年10月21 日(plus 立雜)

無論去倫敦係咩目的都好，
(雖然十次著咗十次都係去hea去飲飲食食......)
每次去親倫敦，shopping 都一定係重點活動，
皆因倫敦有d店係Glasgow 無既!

台灣小吃節有一檔賣台灣茶葉......

買咗2罐烏龍茶~

喺台灣小吃節食飽飽後，
我地一行4人去咗附近既Camden Market 逛咗一陣......


3月時我同Mr.T去倫敦時已經去過一次Camden Market，Camden Market 太大，一日根本唔夠時間行!
加上是日天氣麻麻，所以走馬看花，
不過我都有收穫喎........

古董相機T shirt
鍾意影相既我，一見到依件T shirt 已經好鍾意! ♥
無獨有偶.......
上一次我喺Camden Market 買咗個差不多款式既古董相機呢! (網誌)


另一樣野又係外型"好相機"，但其實都係同相機完全無關既......

佢看似一個單反鏡頭，但其實係一個kitchen timer!

邊個係真? 邊個係假?? so cute~~~~ ♥


因為當日天氣唔係好好，
係咁二亂逛Camden Market 大約1粒鐘左右，
我地就搭車去Piccadilly Circus 繼續shop!先去Uniqlo.......

寶藍 + 灰間條長身娃娃top~ ♥

再帶朋友去對面Japan Centre，見到1kg低筋麵粉減價......
雖然屋企仲有低粉存貨，不過忍唔住手買咗2包~
反正有Mr.T幫手攞!

天氣差加上買咗2包麵粉，朋友又無乜野特別想買，
於是我地早d去車站準備返Glasgow~



以下依咋係去倫敦之前或之後買落既立立雜雜......

♥ 型天燈~
舊年同Mr.T玩過放天燈 (網誌)，不過果隻天燈係普通白色圓形......
今次見到依隻心型有顏色，買咗2隻紅色 + 1隻粉紅色，
過幾日睇煙花時同Mr.T去放，睇吓係點既先!

依set 貝殼型既匙羹好靚啊~ ♥

早前喺Home Bargains 買既靚靚白蘭花，
激筍價£2.99! 足足有2呎7吋半咁高~

曲奇模套裝


上次整雙色餅乾，本來想整心形，
但因為無細心形曲奇模，唯有改為整星形......

所以，其實我買依套野，只係想要依個細心型!

日本品牌Soga 水晶玻璃糖罐

我好少食糖，而且就算我好鍾意食糖，
我都唔係果種會特登用個水晶糖罐裝起d糖咁巴閉既人!
不過，依個糖罐真係好好好靚呢~~~~
(暫時仲未唸到用來裝乜........)