二人世界10月下旬開飯記錄 (附食譜)

繼去年Yahoo Blog 升級後取消咗訂閱功能後，
唔知大家知唔知道越改越差既Yahoo Blog，
已經喺10月25日全面取消咗"關注Blog友最新動向"依個功能?
換句話說，即係關注咗都唔知道對方有無新update!
升級一年以來功能越來越縮骨，
而且問題越來越多兼越來越無厘頭，咁攪法都唔知依度仲可以玩幾耐? 唉.........

話咁快英國又轉咗冬令時間嘞~
蘇格蘭天氣明顯比之前更凍，
上個weekend 愛丁堡仲竟然落雪!
(Halloween 都未到就落雪係咪太太太早咗少少呀?)

一下子接受唔到10月下旬就咁鬼凍，
突然進入冬眠狀態唔多願郁少咗煮飯......

2012年10月16日三餸一湯: 蘋果雪耳煲無花果; 筍尖炆五花腩; 豉汁青口 & 炒Spring Greens

天氣轉涼 + 開始變乾燥，依個滋潤既雪耳蘋果湯特別好飲!

用速煲炆既筍尖五花腩;

豉汁青口


蘋果雪耳煲無花果食譜click here~

筍尖炆五花腩(高速煲食譜)click here~





豉汁青口食譜click here~

2012年10月17日二餸一湯: 蘋果雪耳煲無花果; 梅子蒸排骨 & 蕃茄炒蛋沙甸魚

本身係想整豉汁排骨既! 不過之前一晚整咗豉汁青口......
唔想連續2晚整豉汁，於是改咗做梅子排骨~

好耐無食過蕃茄炒蛋嘞!
煮親依味我都好鍾意加一罐罐頭茄汁沙甸魚落去，絕配呢~
梅子蒸排骨食譜click here~





蕃茄炒蛋食譜click here~

2012年10月18日: 周打魚湯; 蒜蓉包; 紅酒汁慢燒牛肉 & 烚西蘭花

跟V媽媽方法煮既偷雞周打魚湯~
自己煮落足料，配幾塊蒜蓉包，可以當係light lunch 呢!


之前整燒牛肉都係買大塊rib joint，
不過唔知rib joint係咪太貴無市場呢?
已經好耐無見過Asda Tesco有rib joint 賣!
於是今次買塊平一半既brisket (牛胸肉)試吓~
上網睇過牛胸肉要低溫慢煮，肉先夠腍......


效果唔錯啊! 煮好後連同煮既配搭蔬菜都好好味呢~
偷雞周打魚湯食譜click here~





紅酒汁慢燒牛胸肉食譜click here~

2012年10月29日: 素鍋燒烏冬

是日農曆十五食齋~

天氣凍咗想食打邊爐，
本來前一晚星期日打算同老公去打邊爐，
不過晏晝食得太飽攪到無胃口，最終無打到.......

第二日十五食齋，但我依然想食打邊爐!
一於整個齋既打邊爐啦，仲好好味呢~


素鍋燒烏冬食譜click here~

2012年10月31日二餸一湯: 蘋果雪耳煲無花果; 煎豬扒 & 菠菜炒豆腐卜

天氣乾燥，飲好多水喉頭仍然有d乾涸，
反正老公好鍾意飲依個湯，煲多幾次佢都唔介意~

就好似我問佢想食乜.......佢例牌答我"豬扒"，完全唔會厭!

前一日齋火鍋剩低既豆腐卜 + 菠菜，炒埋一碟又一個餸......

咁又攪掂咗一餐!


頭抽豬扒食譜click here~


菠菜炒豆腐卜(參考食譜)click here~

2012年11月1日: 素餃子烏冬

是日唔係初一又唔係十五，
不過我從海濤法師既FB得知是日"觀音殊勝功德日"，
所以是日都食齋，將功德歸比V爸爸V媽媽~