雞絲炒銀針粉 (附銀針粉做法)

記得細個時喺屋企整過銀針粉放湯煮，
不過我地唔叫做佢銀針粉，叫做"老鼠仔"~
搗蛋既我除咗搓老鼠仔之外，
仲搓咗幾個(粒)"波"比d老鼠仔玩.......
結果果煲變咗"老鼠仔踢波"!
炒既，今次我都係第一次食~
而Mr.T就係成世人第一次食銀針粉!

1. 先做銀針粉........

(a) 澄麵粉400g、木薯粉20g和鹽1茶匙在大玻璃碗中篩勻，中間挖一個洞。


(b) 加入滾水約500ml，邊加入滾水邊用木匙或矽膠匙勻成糰。
P.S. 拌勻成糰就可以，暫時不用理會粉糰中未被拌勻的乾粉粒!


(c) 蓋上濕毛巾待5至10分鐘至粉糰稍涼。

(d) 從碗中取出粉糰搓至光滑無乾粉。

(e) 撕出一小塊約波子大小的粉糰先搓圓，再搓成中間粗 + 頭尾尖的條狀，放在掃上油的碟子上。

(f) 隔水蒸5分鐘至熟，用少許生油拌勻防止粉條黏結。

2. 雞上肶去皮去肥膏後切絲，用胡椒粉、生抽、糖、麻油和粟粉拌勻醃2小時。

3. 雞蛋拂勻後煎熟切絲; 火腿、椰菜和紅蘿蔔各適量切絲備用。
(材料隨個人喜好隨意!)


4. 燒熱油鑊，先下雞絲炒熟，灒少許紹興酒兜勻，盛起備用。


5. 再燒熱鑊下點豬油和剁碎乾蔥頭爆香，下椰菜絲、紅蘿蔔絲和少許清水炒至軟身。
(當然可以唔用豬油啦!)


6. 下火腿絲炒勻，再下做好的銀針粉兜勻，下適量糖、生抽和珠油調味炒勻。
(可用老抽代替珠油!)


7. 雞絲回鑊炒勻後熄火，最後加入蛋絲略略兜勻，上碟即成。