山羊奶

早排睇電視，得知山羊奶比牛奶有益，
咁啱見到超市有得賣，好奇買咗一包來試吓......

(左) 全脂牛奶; (右) 全脂山羊奶

如果單獨咁睇一杯山羊奶，
驟眼唔會分得出同牛奶有咩分別;
不過將山羊奶 + 牛奶放埋一齊，
對比下山羊奶顏色明顯比牛奶白~

味道同牛奶相似，不過甜中帶微鹹;
入口前我聞過，聞唔到有任何異味，
但入口後就隱約有些少goat cheese 既味道，
我一向好憎goat cheese 既味道，
不過山羊奶既goat cheese 味道相當輕微，
係我可以接受既程度!


咁山羊奶有咩好處呢?山羊奶含有200多種營養物質 + 生物活性因子，
當中蛋白質、礦物質及各種維他命含量均高於牛奶......

- 乳固體含量、脂肪含量、蛋白質含量分別比牛奶高5%-10%;

- 礦物質含量比牛奶高e.g. 每100克山羊奶含鈣量是牛奶的2倍，而鐵含量是牛奶的25倍;

- 山羊奶中有12種維他命含量比牛奶高，尤其維生素A + B比牛奶高1倍，對保護視力，恢復體能有好處;

- 維他命E含量高，能阻止不飽和脂肪酸氧化和分解，延緩皮膚衰老，增加皮膚彈性和光澤;

- 山羊奶中含上皮細胞生長因子，對皮膚細胞有修復作用，亦可幫助呼吸道和消化道的上皮黏膜細胞修復，提高人體對感染性疾病的抵抗力;
山羊奶含有與母乳相近的豐富礦物質、微量元素、多種維他命;而蛋白質 + 脂肪結構均與母乳相同，
含有大量乳清蛋白 + 不飽和脂肪酸，
容易消化 - 嬰兒對山羊奶的消化率高達89%以上，而且多飲都不會在體內形成脂肪堆積;核酸含量高於牛奶和母乳;
但膽固醇含量卻比母乳低，能降低動脈硬化和高血壓的發病率~

山羊奶的脂肪球及蛋白質顆粒為牛奶的1/3大小，
酪蛋白結構和牛奶的酪蛋白不相同，比較容易被酵母分解，所以山羊奶比其他奶類製品更易消化吸收，又不含牛奶中可致過敏的異性蛋白，不會引起胃部不適、腹瀉等乳製品過敏症狀，因此，對牛奶過敏或體質較弱的人都可以飲用山羊奶~
山羊奶中的免疫球蛋白含量很高，
免疫球蛋白是一種天然抗生素
效果及對人體的作用，是抗生素類藥物不能替代的，
通常感冒、流感、肺炎等由病毒引起的疾病，
抗生素並不能有效殺滅病毒，
而且更會給人體帶來很多副作用，
免疫球蛋白則能有效地消滅病毒，保護人體不受傷害~

(資料摘自"有健康網": http://www.uuuwell.com/mytag.php?id=31261)


睇咗以上山羊奶咁多好處，我會唔會再買來飲呢?
坦白講我好挣扎........ 就係因為佢陣goat cheese 味!山羊奶既膻味來自羊本身皮毛氣味 + 山羊奶中某些化學成分......
e.g. 羊油酸、羊脂酸和葵酸等~

雖然上面講過陣味係我可以接受既程度，
飲既時候絕對無問題~
但飲完後山羊奶喺胃裡面"吽"咗一陣後，
嗝氣時就會變咗一陣我至憎 - 同goat cheese 一模一樣既濃烈味道!!
咁我就真係頂唔順嘞~~~~~


我一向都有飲牛奶既習慣，而山羊奶既好處真係好吸引!
如果我可以克服得到果陣goat cheese味道就好嘞!!
但暫時我仲未決定會唔會再飲山羊奶......
或者山羊奶 + 牛奶兩溝?
或者改食羊奶片來吸取山羊奶既好處??

不過無論飲唔飲山羊奶都好，
都可以用山羊奶製既護膚品既!