Shopping Sunday (2012年11月4日)

Mr.T下星期又升職，佢話想買套新老西~
揀老西依d重大決定，
當然要由有品味既老婆去幫吓眼啦!
(話就話幫眼，實情我就係話事人!)
揀好西裝，有品味既老婆仲送佢一條新呔襯套新老西，
但有人新屎坑，有新老西新呔，
等唔切下星期已即時著咗返工，來唔切影相!

Anyway 反正西裝 + 新呔都係佢既，我唯有影我自己既收穫!反正行親街街我無走雞緊有收穫! 呵呵~~~~

完全唔飲咖啡既我，想買coffee grinder 好耐......用來磨香料~
唔知係咪大部份鍾意飲咖啡既人都好講究呢?
睇咗一段時間，我覺得電動coffee grinder 幾貴!
我用來磨香料，唔洗要靚牌子，
格過哂價依個雜嘜最平，個樣又唔太醜樣，就佢啦!

雪已落過...冬天正式來鳥~ 長boots 們又係時候出籠!
買多幾條skinny jeans 來襯長boots~


美國可口可樂廠決定停產192ml細玻璃樽可樂，
(不過香港方面會繼續生產細枝裝! )

依枝都係美版玻璃樽可樂! 不過唔係普通192ml.......

而係多咗8ml 咁大把既200ml 版! 比較罕見啊~


話咁快下個月就聖誕，唔知係咪因為咁，
TK Maxx 多咗好多食品......

依舊叫做Pandoro 既野，每年臨近聖誕我都見唔少，
睇佢包裝盒上圖片，加上又印住"Italian Cake"，
我一直以為佢係一件蛋糕來......
睇佢個樣好似幾好味~
不過之前見過既大部份都有我唔鍾意既提子乾，
見今次依件係plain 既，買來試吓.......
根本就唔係蛋糕! 係麵包來!!
仲要係一件同Brioche 一模一樣既麵包!!!

喜瑪拉雅山粉紅岩鹽
自從試過第一樽後，
我決定以後屋企一定要長備依隻粉紅鹽!

黑松露linguine


一輪shopping 好鬼肚餓~
最近天氣涼咗，FB見好多朋友紛紛打邊爐，
攪到我 + Mr.T都好想食......

我地一於打埋一份啦! (真係好鬼耐無食過咯~~~~ )

今次涼拌小菜有麻辣牛肉、卥水豬脷 + 卥水雞腎~


--------------------------------------

星期一(11月5日)有煙花睇，
唸住帶埋三腳架去影相.......

我屋企大大話話有成4、5個三腳架!
第一個係大學時為咗做project拍片特登買既;
其餘既就係之前去旅行，次次都唔記得帶埋三腳架，
於是次次都走去買隻新既.......
越買越多，於是將最pro果隻長期放喺Mr.T架車車尾箱，
以備不時之需~

成咋三腳架當中，只有最pro果隻啱DSLR用，
其餘只適合傻瓜機.......
偏偏Mr.T上年年尾換完車後，pro腳架失蹤鳥!

好好地放喺車尾箱，換車時有手尾點會唔見吖?
整唔見我d野緊係要賠啦!

經朋友介紹，買咗依枝新既! 黑色襯香檳色幾靚......
仲靚過我舊果枝呢! ♥ Mr.T今次都總算錯有錯著~
Thank you Hon for losing my old one!