Yummy lunch to celebrate Mr.T's promotion@The Fountain (2012年11月10日)

星期六(11月10日)Mr.T正式升職，
喺愛丁堡office 有個簡單而隆重既儀式~Mr.T上一次升職時，撞正美國大老闆過來英國，
喺酒店有個大conference，不過當日我病咗無去到錯過咗!
今次Mr.T一星期前已催我揀定著咩衫配咩手袋配咩首飾.......
到時一定要陪佢出席，因為要睇佢致詞喎!

Mr.T回歸蘇格蘭後，第一次去佢office~ (之前只去過樓下!)
一入門口office reception，
見到牆上有個40吋screen 打咗恭賀message!

無乜點影到相......
因為雖然老公既boss 我一早已經見過，
不過Mr.T大部份staff 都係佢回歸蘇格蘭之後請既，
我第一次見佢地，身為Mr.T另一半點都要同佢地social吓~
二來話哂Mr.T係佢地既boss，
我無理由成個遊客咁渣住部相機周圍影影影咁失禮架嘛!


Social 完一大輪後，簡單而隆重既升職儀式開始嘞~

Mr.T致詞......

Mr.T眉飛色舞 + 大動作，
攪到張張相都好似靈異照片咁款梗有一撻濛查查......

唉......我放棄鳥!!


Mr.T致詞中突然多謝我........
成個conference room 既人即時拎轉來望住我拍手掌!
好驚喜好揀動~~~~ (爭d喊咗出來....)
又好尷尬好難為情......


儀式完咗後又一輪social，已經到咗中午~
是日無到食早餐，好鬼肚餓......
本來我同Mr.T 打算2個人去撐枱腳慶祝，
不過Mr.T有2位帶埋女朋友來既staff 話要同Mr.T慶祝，
於是一行6人去咗其中一位staff 提議既The Fountain食lunch!

去親愛丁堡都好少去Haymarket 果頭........

一入到去The Fountain 見佢一間trendy pub 咁款有d失望!
不過睇過餐牌後......就好有期望嘞!!


上菜後我即時對依間trendy pub完全改觀.......

老公既頭盆係是日special~
千其咪以為果4塊紅卜卜係吞拿魚來喎，
查實係唔知咩特別既煙三文魚來!
配上cream cheese + 蜜糖汁......
依份頭盆雖然少得可憐，
但依隻三文魚真係好好好好食!! 完全唔似一般煙三文~

我既頭盆 - Chicken Liver & Pancetta Paté
好香好moist 又夠大份，好味!

Dave + Yvonne一齊share 既火腿芝士 + 油浸橄欖拼盆~

Matt 既是日special 頭盆Surf Clams with cream sauce~
雖然我既頭盆都好好食，
不過我有少少後悔無點到依個Surf Clams......
(漏咗Matt 女朋友Katie 個risotto 頭盆唔記得影!)

老公、Dave + Yvonne 都係要依個雞胸......
雞胸好軟唔乾，不過底既chorizo 似乎煮得太耐無哂味~

我 + Matt 都係要依個烤鴨胸......依個鴨胸就無得頂嘞!
完全唔肥唔油膩~
仲有後面果兜燶燶地既薯仔，外脆內軟，好香好好食~

Katie 既炸魚薯條~
睇相睇唔出依份炸魚薯條有幾巨型.......
我只可以講 - 我未見過一份咁巨型既炸魚薯條!一頓好味又開心既午餐~

I'm so proud of you Hon!