倫敦好味韓國燒烤 (2012年10月20日)

上星期日約咗朋友一齊去倫敦既台灣小吃節2012，
我 + Mr.T早一日星期六先到倫敦~成日無食過野好鬼肚餓......

一落車即時去又平多選擇又好食，
喺倫敦開到梗有一間喺左近既壽司店Wasabi，
食咗盒三文魚壽司先去酒店check in!
因為一早打算是晩去食韓國燒烤，所以揀盒細既......
(比Mr.T偷咗一舊!! )

Mr.T話肚餓時唔想食凍野，所以買咗個牛肉burrito~
(我咬咗一啖，好正! )

咋咋淋食咗少少野後，
直去酒店check in......放低行李......洗個面後即時再出動!地點係之前去倫敦都幫襯過既Arirang~
上一次去Arirang時係食午餐，
無食燒烤只點咗佢地午餐set menu，
不過果餐好滿意，今次特別再去試佢地既韓燒!

剛過晩飯時間，但始終係星期六晩，
所以餐廳都好忙，好彩即時有枱唔洗等~
雖然人多，不過因為我地點韓燒，
食物一早醃好哂，所以好快就有得食......

今次小菜只有2碟(上次午餐時有3碟架!)
上面碟昆布好好味;
但下面碟"綠色涼粉"我一向都唔鍾意!

話咁快有得食嘞! 我地真係有點貪心......
點咗一份Modum Gui (豬肉、雞肉 + 2種唔同牛肉既燒烤拼盆)，
其實已經夠~ 不過我地仲要點多一份Beef Bulgogi......
我仲要食咗2碗飯!


我同Mr.T都係牛魔皇來......

不過我地都覺得拼盆裡面2種牛肉都唔夠五花豬肉 + 雞肉好味!

雖然我喺英國食過既韓燒唔多，不過全部都係韓國人主理，
暫時覺得以依間有三十多年歷史，
全英國第一間韓國餐廳Arirang 最好味!


雖然好味，不過有一樣野我 + Mr.T都好唔鍾意.......
肉來到後，侍應幫我地剪成細塊，
不過佢一路剪一路幫我地燒埋 + 夾埋比我地!
食韓燒既樂趣就係一路燒一路食嘛，洗鬼妳幫我地燒咩?
多鬼餘! 睇住佢企喺度燒燒燒自得其樂，
攪到我都唔好意思影相......

不過唔知我 + Mr.T係咪餓到懵咗?
我地完全無唸過叫佢收皮去招呼第二枱客人喎!
佢係咁燒 + 係咁夾比我地......我地就係咁食!!
Arirang 既好食程度，我地係一定會再幫襯既~
不過，下次，一定要自己燒!


成肚都係肉，我仲要食咗2碗飯，飽到捧住肚腩仔返酒店!不過返到酒店後，韓燒已經"落哂隔"......

又係時候食宵夜嘞!