SKK鑽石鑊用後感

早兩星期買咗既SKK 鑽石鑊已經喺追月補做節當晚開咗光嘞!
之前講過鑽石鑊標榜傳熱快，
鑊面受熱平均; 用油量少夠鑊氣;
不黐底易清潔;  
易潔塗層非常堅硬，不易刮花或脫落......
今次就炒碟"芹菜節瓜片炒雞柳"， 
圖文並茂來講一講用後感，毒一毒大家!

1. 傳熱快 + 鑊面受熱平均

凍鑊落1小匙油後加熱，雖然鑊有個碗底設計，
不過加熱時整個鑊面連鑊邊都好熱，讚!



2. 鑊氣強勁

係咁二兜咗兩兜已見部份雞柳變金黃!

盛起雞柳後我無再落油，原鑊去炒節瓜片 + 芹菜，節瓜片 + 芹菜落鑊後我轉身係咁易洗下對手......
前後只幾秒鐘時間，節瓜片已微微金黃!
證明隻鑊好夠熱好夠鑊氣~


3. 用油量少

我只開頭落咗一小匙油就炒起成碟餸!


4. 不黐底易清潔

最後我用咗蠔油來調味兜勻雞柳，餸菜盛上碟後，
我用一張全乾既廚房紙係咁二抹一圈，
水都無用一滴，隻鑊已經乾淨到好似無用過咁款!


5. 易潔塗層堅硬，不易刮花或脫落

補做節當晚我用來炒有殼既青口，鑊面原好無缺!

始終係一隻易潔鑊來，所以我都係用返矽膠鑊剷保護鑊面~
依隻孖人牌矽膠鑊剷同鑽石鑊簡直係最佳拍檔，
連外型都好襯呢!


Verdict:

依隻鑽石鑊係我用過所有不同易潔鑊之中，
鑊氣最強勁既易潔鑊!
(我仲係用無火煮食hot plate 爐頭喎!!)
除此之外用油量 + 易潔度亦係眾易潔鑊之冠!

我另外仲發現一個優點.......
可能鑽石鑊既設計比較高身，
縱使鑊面比我平時用既易潔鑊較淺，
我發現炒餸時有鑊氣得來但彈油既情況大大減少咗好多，
炒完餸爐頭周圍明顯少咗好多油跡!

Overall 隻鑽石鑊so far 只用過2次，
但我已經完完全全愛上咗佢!
佢已經超越咗每一個我以往用既鑊集合哂所有既優點!!
若要雞蛋裡挑骨頭搵佢既缺點......
我只可以話佢係一隻幾重既鑊!
(不過一定比生鐵鑊輕! )
我強力推介!