我 + Mr.T約埋2位朋友一齊去大飽口福~
(網誌容後update，要密切留意啊!)
我同Mr.T比朋友們早一晚星期六先到倫敦，
喺一間位於Oxford Circus 既韓國餐廳食完韓國燒烤晚餐後，
慢慢沿著Oxford Street 大街步行到地鐵站準備返酒店，
經過Oxford Street H&M 時......
見到有座咁既野大刺刺棟正喺H&M大門口!
當時有2個人喺座野上辦緊事......
唔知係我飽得滯飯氣攻心未來得及反應?
還是我太震驚一時接受唔到??
一時間我唔肯定依座係咩來!
直至Mr.T同我講"Disgusting"，
同時我留意到座野上既淺藍色公仔標誌，
我先恍然大悟.........
佢係一座可以同時供4位男士小解既爆開放公廁!
辦事人A已經喺我攞相機期間速速攪掂兼鬆咗人;
綠色箭咀所示既係辦事人B~今年去咗幾次倫敦，
不過依座咁嘔心咁爆既開放公廁我真係第一次見!
其實我最震驚並唔非依座公廁本身......
來英咁多年，加上我豐富既夜蒲資歷，
好老實鬼佬無論醉酒與否，
佢地當街小便我已司空見慣!
不過除非佢地真係醉到癲咗，
否則就算喺大街大巷，
佢地都會搵一個比較隱蔽既角落辦事，
所以如果依座野喺橫街既話，我唔會覺得出奇，
亦唔會咁震驚， 雖然仍然會覺得非常嘔心!
星期六晚10點幾雖然落緊雨，
但整條街仍然充滿出緊去蒲既人，
喺人來人往兼且眼望望既情況下，
我真係好佩服果2位辦事人可以若無其事成功完事!
其實我並非第一次遇見奇怪公廁......
之前喺巴塞隆拿一個shopping mall 裡面，
見識過一個男女同廁，
最攞膽係每個廁格都係透視玻璃門!
當時我本來死都唔肯去，
但最後因為太急而屈服，
唯有叫老公企喺廁格門前擋住~
不過入到去先發現 - 原來廁格門上鎖後會神奇地變到唔透明，
我先放開懷抱安心疴得出!
講到爆，真係唔夠依個倫敦鬧市核突開放公廁咁爆!
雖然只限開細，但大街大巷完事後無水洗手......
嘔心到我差d嘔返哂d韓燒出來~~~~
lee 個係holland 都有ga!!!!
回覆刪除[版主回覆10/24/2012 13:38:31]Holland 我唔知，不過我知德國都有~
they have many in central london like china town because people just pee on street after they are drunk in soho..
回覆刪除[版主回覆10/29/2012 04:17:26]that's what i thought!
[cherry回覆10/25/2012 14:41:35]sorry..typo.. i meant there is
[版主回覆10/24/2012 23:51:41]this one is not outside SeeWoo, it's outside H&M at Oxford Street!
or did you mean "There is one outside SeeWoon"?
[cherry回覆10/24/2012 22:36:06]this is one outside SEEWOO..LOL
[版主回覆10/24/2012 21:52:23]didnt see any at chinatown but found this one at Oxford Street....SHOCKED!!
起四幅牆圍住佢都唔係咁難遮!
回覆刪除開仲H&M出面, 我會唔入去囉!
簡直反文明~
[版主回覆10/24/2012 21:54:00]真係好爆! 我同老公返到酒店後成晚既話題都係圍繞依個公廁.....
唔知日頭個公廁仲會唔會喺度，如果日頭都有的話，H&M真係好慘!!
回覆刪除[版主回覆10/24/2012 21:55:04]
已經唔係接唔接受..
回覆刪除而係偉生 hahahaa...
好嘔心呀!!!!
[版主回覆10/24/2012 22:01:23]唔怪之早排有調查話英國有3成人手上沾有"殊殊"或"唔唔"......
[熊遊商埸回覆10/24/2012 19:42:30]衛生 :)
好嘔
回覆刪除[版主回覆10/24/2012 22:01:46]實物仲加恐怖呢!
無法想像到呢個情況....咁女仔要去點算好呀?有無門呢?
回覆刪除[版主回覆10/31/2012 06:48:52]英國人鍾意飲酒嘛! 酒鬼飲醉酒仲點會同你紳士? 其實每個國家都有咁既人，英國亦唔係人人都係咁~
[緊張大師-小女人回覆10/29/2012 08:48:01]啊~明白晒,我無去過英國完全唔知,以為英國人咁紳士唔會咁,只有日本人才會..多謝你呀Mrs.T你無講解我都不會知道咁多
[版主回覆10/29/2012 04:14:24]我唸分別係 - 英國男士們不驅小節當街小便已經係家常便飯(每年票控英國政府賺唔小罰款!)，依座野係倫敦市政府為咗鼓勵男士唔好周街小便整污糟地方; 而女士們跟本就唔會周街疴，所以普通正常既女性公廁已經足夠~
[緊張大師-小女人回覆10/25/2012 21:48:29]只供男仕,我以為隔離係女生的......咁只得男生會急女生唔會,咁得意....
[版主回覆10/24/2012 22:26:21]依座野只供男士使用!
一眼睇哂係無門既~ 妳見到果個窿，男士面向個窿就咁當眾疴落去架咋.....
一山還有一山高，如果呢座野係嚮中國大陸，你哋實會當笑話咁恥笑！
回覆刪除[版主回覆10/24/2012 23:49:10]我而家都係當依座野係笑話咁恥笑呀!
唔係咁玩呀, 咁個窿咪裝哂, 點倒咖, 會否滿寫咖
回覆刪除[版主回覆10/29/2012 04:10:22]我相信同一般流動公廁一樣會有人定時清理
反智的設計噃！最重要係無水洗手，唔衛生！真嘔！
回覆刪除反置的位置，位置係竟然是倫敦OXFORD STREET，真是.....詭異的！簡直係對英國文化的重擊！PEEING 戰勝 CIVILIZATION！
應該說是體貼民情，抑或是回歸自然！
[版主回覆10/29/2012 04:09:41]唔知座野邊度設計，但以我所知唔止英國有，德國 + 荷蘭都有，而且都係喺人流旺既地方......政府放喺度固然奇怪，有人大庭廣眾去光顧就更奇!
呢坐嘢好嘔心...重要咁當眼都會有人去...真 R 頭
回覆刪除[版主回覆10/29/2012 04:05:43]如果果晚我唔係親眼見到有人用緊依座野(仲係有2個喎!)，我都唔信會有人敢用!
嘩!真係大開眼界呀~!真係好恐怖....
回覆刪除[版主回覆10/29/2012 04:04:20]果晚第一次見到我都嚇到呆咗!
真係幾嘔心.
回覆刪除[版主回覆10/29/2012 04:03:43]點止幾嘔心呀.....直情極度嘔心!!!!
成日都好鬼happy 既Mrs.T
回覆刪除~望落去, 似流動洗手間. 倫敦係咪有特別節目攪, 所以, 擺放當街當行, 擺出市中心, 當眼處!!!
~但無門遮住, 倫敦又時常落雨, 依座野嘅氣味都唔應該唔少. 個設計好唔得呀!! 見到毛管動!!
[版主回覆10/29/2012 04:02:16]係男性專用流動廁所~ 不過唔係因為有特別節目...通常有events 既流動廁所係同香港果種(即好似個箱 + 有門)一樣! 依隻係倫敦市政府為咗鼓勵d人唔好周街小便喎.....
果晚我經過時都唔敢行咁埋，所以唔清楚有無味.....但依座野好似喺歐洲開始普遍，德國 + 荷蘭都有! 救命~~~~~~
Oh my god!
回覆刪除Peggy
[版主回覆10/29/2012 03:53:36]should be "WTF"!
H&M 無理由唔投訴擺件咁污穢嘅厠所係公司問前，英國人都唔係好文明喎，週街小解？！？？
回覆刪除[版主回覆10/31/2012 06:45:21]Cooking Mama 妳都係住外國，洋人當街小便家常便飯來喎! 妳無理由無聽過吓哇? 歐美各國都好普遍
我個陣去荷蘭都見過呢個TOILET, 見到個陣都呆左..... 珮夫人
回覆刪除[版主回覆10/31/2012 06:42:22]我幾年前去荷蘭仲未見到依座野，所以我估應該係近期既傑作來......
放e個位咁唔好睇
回覆刪除[版主回覆10/31/2012 06:40:30]依座野無遮無掩，擺喺任何地方都唔會好睇!
擺係咁當眼嘅地方，唔係咁好囉!
回覆刪除[版主回覆10/31/2012 06:39:56]依座野無遮無掩，擺喺邊度都唔好啦!
原來唔止係強國,鬼佬都係咁周街呵~~不過點都好,應該設計方面文明少少
回覆刪除