原本有好多篇網誌想update，
不過我今日心情真係好差~
尋日英國時間下午3點幾開始我一直留意住新聞update，
由最初希望所有人平安無事大步欖過，
到傍晚公佈死亡人數8人，
再到臨瞓前死亡人數突然急增至25人，
心一直不停往下沉，
默默禱告希望數字唔會再增加，
但今朝起身第一件事開電腦開電視，
見到數字已經增加到36人...37人.......38人.........
今日唔係好想講野，
心裡面只不停地唸: 點解開開心心出發去睇煙花最終會攪成咁?
點解撞到人地架船下沉可以不顧而去?
世事無常，生命脆弱，請好好珍惜眼前人~
P.S. 其實唔係好想講依句，不過真係忍唔住!
各位抽水政客高抬貴手暫時收手啦，
尊重一下死傷者及佢地既家屬!!
沉船死者RIP!
回覆刪除睇到呢單新聞，我個心好唔舒服呀!
回覆刪除我個日都係晚上返到屋企時先知件事咁嚴重,初初話無人傷亡,我仲係度慶幸緊,但第2日睇遇難人數已經係38人,唉!真的..人地已經好傷心,點解仲要攪咁多野,攪抽水..而且覺得中電d處理手法真係一般
回覆刪除[ok回覆10/09/2012 11:03:42]係呀..就係個班!係囉!我之後睇返都覺得有D問題,所以下次我睇野時真係要小心唔好再俾人誤導先...
[版主回覆10/06/2012 18:36:38]我唸我知道妳講邊班人，係咪走出來搞記招果咋? 果班人"自稱"收到家屬求助走出來插港燈，說穿只係一幫抽水政棍! 人都未救哂就大大聲嗌賠賠賠!! 我網誌尾中提及高抬貴手就係指佢地!
關於名單既講法，如果當時港燈有名單，我相信佢地無理由會收埋特登比人鬧! 當晚港燈活動唔止出一架船，邊個參加者上咗邊架船...加上參加者唔一定係港燈職員...依d資料處理的確需時! 果班人出來抽水時，救援工作仲未完，名單真係咁重要咩?
[ok回覆10/06/2012 18:00:20]哎呀!我又攪錯名了..
咁他們依D係善後幾好的.我係睇電視話之前D死者家屬代表話他們遲遲都未交待人數明單..唔好..但之後再睇返原來係真係要計都真係需要時間..有時真係好難講..總之希望快D查出真相啦..
[版主回覆10/06/2012 06:20:39]唔係中電，係港燈~ 兩間唔同公司來架!
我覺得今次港燈處理得好好喎! 公司第一時間發放緊急援助金; 基金有攞3000萬出來幫家屬; 李嘉誠果日離開咗香港，知道發生事就即時飛返來，一落機即時去機場探傷者，話哂佢都幾十歲，見佢受訪問時仲想喊...佢地已經做得好好架嘞!
逝者已矣. 希望劫後餘生嘅生還者同被慘劇破碎左嘅家庭能早日振作. 祝平安.
回覆刪除大家都要好好珍惜眼前人!
回覆刪除RIP. hope those who are injured will recover asap esp that 9 years old girl
回覆刪除同意你的感受和傷痛,今天睇新聞一幕幕重播在眼前,不禁眼濕起來,我好眼淺無法實太難受了,由知道那天起我都唸經祝願各死難者安息一路好走,願各位危殆的朋友早日康復.
回覆刪除心情一直沉重, 願各死難者一路好走, 願各危殆的朋友早日康復
回覆刪除