木樨肉

早前喺Glasgow 一間中菜快餐店餐牌上睇到木須肉一菜，
見材料非常普通(餐牌上有相)，好奇點解會有個咁既名? 
於是下上網查一下...原來木須肉正寫應為木樨肉，係一道山東家常菜~

木樨即係桂花，相傳依道菜傳入北京後，北京多太監，
佢地大都介意"雞蛋"二字(因為自己無咗 LOL)，
所以凡以雞蛋入饌既菜式都改稱"桂花"~

而最初食譜原形材料為豬肉、 雞蛋、黑木耳 + 玉蘭片(即春筍)，
但由於北京缺乏竹筍，所以後來慢慢被青瓜片取代~


1. 豬梅頭肉切片，用胡椒粉、糖、生抽和粟粉醃最少1小時。


2. 黑木耳(即雲耳)適量浸發後擠乾水份; 青瓜切成菱形片狀; 預備薑絲2片備用。


3. 雞蛋打勻，燒熱油鑊炒熟(不要炒得太乾啊!)，先上碟備用。


4. 再燒熱油鑊爆香薑絲，下豬肉炒至8成熟灒少許紹興酒。


5. 下生抽和糖調味，加入黑木耳和雞蛋炒勻至豬肉熟透。


6. 下青瓜片快手兜勻炒一下(青瓜不要炒得太熟!)，熄火後灑上少許麻油兜勻，上碟即成。