紅菜頭紅蘿蔔粟米煲瘦肉

返香港時同V媽媽去一位auntie 屋企食飯，
auntie 煲咗依個湯，又香又甜飲過翻尋味! ❤
返到來英國正好紅菜頭當造，大大札好新鮮價錢又平，自己煲飯返夠本~ ^^


1. 瘦肉汆水後沖洗乾淨; 粟米洗淨一開二斬開; 紅蘿蔔去皮切件。


2. 紅菜頭不用去皮，用蔬菜刷洗擦乾淨後切塊; 紅菜頭的莖和葉洗淨切段備用。


3. 水大滾先放入瘦肉，再放入其他材料和蜜棗數粒，煲至回大滾，繼續以大火煲約20分鐘待出味。


4. 轉小火續煲2小時，以海鹽調味即成。


NOTE

Beetroot 紅菜頭又名甜菜根，
含有豐富的鉀、磷、鈉、鐵、鎂、糖分和維生素A、B + C、抗氧化物和葉酸，
有降低膽固醇和調節軟化血管的功效，
幫助預防貧血、腫瘤、高血壓、甲狀腺腫、動脈粥樣硬化等疾病~