2015年5至6月煮食全紀錄 (附食譜)

5月5日晚餐: 蕃茄薯仔排骨湯; 玫瑰豉油雞; 砂爆魚肚炒西芹肉碎

睇開我網誌食譜既blog友應該會發現 - 除咗麵包蛋糕食譜之外，
我其他大部份食譜都只有材料而無份量!
因為我深信一句說話 - "Cooking is an art, baking is a science!"
藝術當然唔應該有計算有限制要自由發揮啦~ ^^

就好似今次整依半隻豉油雞咁，(因為懶)個豉油雞汁我只依照之前寫食譜時記下既材料，
但每樣材料既份量都只係隨意求其加落去，估唔到出來效果好有驚喜! ^^
今次依鑊豉油雞汁太好味，所以我仍然保留樽汁喺冰格深處~

玫瑰豉油雞食譜click here~

V媽媽比左超多砂爆魚肚我，就來無地方擺!
就算唔係餐餐食，間唔中都要食吓清吓貨........

砂爆魚肚炒西芹肉碎(參考食譜)click here~
(P.S. 用肉碎代替雞雜!)

蕃茄薯仔排骨湯食譜click here~

5月7日: 黑椒鴕鳥肉; 西芹海蓬子炒蝦球

黑椒鴕鳥肉食譜click here~

西芹海蓬子炒蝦球食譜click here~

5月8日: 韓國龍蝦紫菜飯卷

是日整依粒野...邊整邊食...即整即食...話咁快就無鬼哂 + 飽哂! XDDD
好彩一早留咗8粒靚既比Mr.T，否則我怕自己忍唔住食鬼埋..... =P

韓國紫菜飯卷食譜click here~

5月9日: 玫瑰豉油雞翼; 鹽麴炒意大利羽衣甘藍

是日一人前，簡單一肉一菜就夠食嘞~

自家豉油雞汁真係好味! 今次用來整雞翼~ ❤

玫瑰豉油雞食譜click here~

5月11日: 韓國紫菜飯卷(平民版)

早幾日整過一次後成日心思思想食! 今次用午餐肉整平民版，一樣好好食啊!

韓國紫菜飯卷食譜click here~

5月13日: 鹽板燒

是日突然好想食韓燒! 不過時間問題來唔切醃肉，唯有食唔洗醃肉既鹽板燒啦.......

5月17日: 佛跳牆

是日又係一人前，由於第二日農曆初一我食齋，所以是晚食好d!

佛跳牆食譜click here~ 

5月22日: 鰩魚翅螺頭花膠海參煲鮑魚; 香煎鹹魚肉餅; 韓式涼拌菠菜

早幾日整佛跳牆發多咗乾鮑，本來想放冰格雪住佢先，
但打開冰格見到有之前發好咗既花膠 + 海參.......
咁不如浸多幾個乾螺頭...揼塊瘦肉 + 兩塊鰩魚翅煲個湯啦! ^^

依個超好送飯呢! 香煎鹹魚肉餅食譜click here~

韓國涼拌菠菜 Sigeumchi Namul 食譜click here~

5月23日: 燜燒罐瑤柱蠔豉陳腎粥; 齋腸; 香煎鹹魚肉餅 (隔夜餸)

是日想食粥...食開粥又想食埋腸粉! 尤其而家有個Miele，蒸腸粉方便得多~ ^^

自製香滑腸粉食譜click here~

燜燒罐煮粥方法click here~

5月28日: 五香燻蹄; 野蒜炒蛋

超市見到新鮮豬蹄...即時忍唔住幻想佢成為燻蹄後既樣...再之後忍唔住流口水! =P
可惜包燻蹄時我發軟蹄包得唔夠實，散散地初得唔靚，不過一樣好味~ ^^

五香燻蹄食譜click here~

早一日喺郊野公園摘咗新鮮野蒜葉，用咗一咋來炒蛋 ^^

摘返來既野蒜葉仲整咗2樽青醬.......

Mr.T 買咗半打巨size 新鮮langoustine 返來.......

用Miele 蒸熟佢地.........

5月30日: 拆肉加野蒜青醬拌意粉...野蒜青醬香langoustine 鮮甜......正!

野蒜青醬做法click here~

6月12日: 香鴨(現成急凍貨); 清蒸水蛋; 韓式涼拌菠菜

返香港前煮既最後一餐.......
仲有幾日就返香港，又要忙於照顧病咗既棉花糖，煮得比較簡單，廚房準備收爐.....

超市急凍包裝無骨香鴨半隻，揼佢落AirFryer 叮脆佢就攪掂! ;-)

清蒸水蛋...以前未有Miele 時，間中蒸水蛋都會失手變蜜蜂竇.......
不過自從用咗Miele 蒸水蛋後每次都嫩嫩滑滑如豆腐 ^^

清蒸水蛋(參考食譜)click here~

韓式涼拌菠菜Sigeumchi Namul 食譜click here~