我回來了 ^_^

睇到依份鮑魚飛機餐，好明顯我已經返咗英國! ^^

返香港前棉花糖突發胸前生咗個大腫瘤，
做咗切割手術後忙於照顧佢 + 帶佢返去獸緊復診，都無心情update;
返到香港除咗FB都好少上網......

今次返咗香港個幾月，玩得食得買得都好開心!
尤其今次搭Emirates 有30kg 入倉行李，
Mr.T 都有返香港，好合理地佢果30kg 即係我既30kg (哇哈哈~~~~)，
Mr.T 只返咗香港8日先行返英國，順便幫我將上半場戰利品帶返英國......

戰績彪炳! 返英國果朝早，我同個喼搏鬥咗3粒鐘先砌得掂掹住30kg 邊緣唔超重.......

入倉行李脹卜卜掹車邊，但手提行李過重3kg，好彩無罰錢~ ^^


喺香港買得開心...但返到來英國就要付出沉重代價!
一方面要整理大咋香港戰利品，
另一方面又要將被Mr.T 搗亂過既廚房還完，
仲有大堆污糟衫臭襪等住我待候!
仲要抽d時間英國夏季大減價水尾視察一下，嘻嘻~~~~~
(我突然醒起西班牙之行只寫咗一半!!!)


依篇同大家分享一下我返英國當晚去機場前食既V媽媽靚正餸晚餐~

是晚我夜機9.50pm，7點幾到機場，所以我5點半已經開飯........

花膠螺頭煲雞腳

花膠成條過! ❤

家鄉南乳鴨 (鴨肶無斬成隻食! XDDD)

豉汁蒸大鷹倉 (奄尖既阿V倉魚只食鷹倉! =P )

蜆肉煎蛋 (依味係我點名要食! ❤)

油爆大扇貝

當然仲有我至愛既V媽媽拿手炆鮑魚! ❤

喺屋企食飽飽再打包咗12隻鮑魚上飛機再食過~ ❤ ❤

噢...btw 我又剪短咗頭髮呢! =P
返香港前頭髮已生到膊頭，
原本打算返香港係咁二修吓佢留返長，
不過一落機我已經決定要有咁短剪咁短!
今年香港仲熱過舊年，長頭髪會黐線架!!