回歸慳家文 (超長~~~~~~)

依篇唔係香港既戰利品! (香港果d已整理得七七八八，不日發文~)
依篇先講一講我返香港前 + 後既收穫 ^^

今次返香港不停狂逛12蚊店，返到來英國行返£1店真係覺得好廢!!
當我覺得好沮喪既時候，突然有一度神聖既光芒射埋來......

我屋企附近就快開TK Maxx 嘞!!!!!!!!!!! ❤
Mr.T 話: 以後我返到屋企唔見妳既話，我知道去邊度搵妳嘞~ XDDDD


廢話少講，入返正題.........

韓燒烤盆...有! 粉紅鹽板...有! 今次輪到石板燒!!
依隻迷你版唔阻訂啱啱好for 2個人，返香港前買既，返來後仲未有時間開光......

想買依類麵包發酵藤籃好耐，不過一直覺得太貴唔捨得~
返香港前終於比我搵到依隻under £10，不過我係買咗之後先即興決定返香港，
否則返香港先買應該仲平!

Lékué 矽膠steam roaster...比盒面印住果條鹽焗魚吸引咗......
喺香港Sogo 見到依個roaster 賣$300+，我暗爽!
咁我買咗幾多錢? 都係唔好講嘞...廢事大家妒忌我 XDDDD

靚 + 可愛又唔貴既tea set

最鍾意係佢隻saucer ❤

鼠鼠焗爐手套

浴室個鐘仔壞咗，本來買咗依個cute cute 士多啤梨鐘補上，
但依個款似乎襯廚房多d，所以最後去咗廚房......

聖誕開始搵巴黎鐵塔Nanoblock，但一直都斷貨，返香港前終於有貨，
仲有埋荷蘭風車! (返香港前已經砌鬼哂 XDDD)

依盆野叫做Sorrel，中文名酸模，係一種唔香但帶微酸既香草，
通常用來整沙律，我覺得佢一d都唔好味!
亮點係 - 每朝早我起身去到廚房都會見到佢變成咁既衰樣.......

不過淋水後個零鐘再望吓佢...佢就會變返好精神既正常樣! XDDDDD

原粒蜂花粉...據聞係super food 來! (點super 法? 自己睇啦...連結 )

個樣係咁既~ 每朝早空肚食一小匙 (可就咁食或沖水)
味道有點微甜，又有點蜂蜜香氣，唔難入口，已經食咗一排，唔知係心理作用定乜，
真係覺得全日都好精神呢! ^^

我好鍾意食車仔韭菜豬紅，一直都好想自己試吓整，
唔洗下下等到返香港先有得食，但喺英國你叫我去邊度搵豬紅呢?
終於...終於...終於......中超有得賣! 太感動~~~~~


以上既係返香港之前買落既，上半場完結! 繼續下半場......

遲唔壞早唔壞...依隻用咗6年既象仔偏偏喺我香港返來唔夠一星期就漏水!
上網research 過係內部零件老化，用家建議買過隻化算過維修~

不過喺英國買象印唯一途徑係網上，但又貴又少款揀;
有d不知名雜嘜牌子功能相若且價錢較相宜，但款式顏色太樣衰買唔落手......
我依種全日經常飲熱茶 + 暖水既人，用慣咗保溫壺好難返轉頭用返kettle!!!

英國正值夏季大減價水尾，無意中比我喺Lakeland 大減價中搵到依隻靚仔!

Vektra 係全世界第一隻煲完水後真空唔洗用電保溫既環保電水煲~
用咗已個多星期我非常滿意! 靚仔不特止，1.7L容量煲水比普通kettle 快，
真空保溫功能好好，啱哂不停沖茶既我，而且肯定比象印慳電，
要雞蛋裡挑骨頭就係 - 不銹鋼煲身比較重囉~ ^^

依枝野叫做Danish dough whisk~ 專用來打麵糰，
網上好多用家大讚依枝野好用，不過無講點好用法.......
我又未幫佢開光未知佢有幾好用! XDDD

可愛尼斯湖水怪湯殼 ❤
真係夠哂諷刺 - 明明我住喺蘇格蘭，但買依隻尼斯湖水怪要網上訂......
仲要由大陸寄過來!!!!
(P.S. 早幾日終於比我見到愛丁堡有一間店有得賣，
價錢當然比我網上訂貴好多啦!)

依把香草剪一直有好多人話好廢，但我一直覺得用佢剪一下就等如用普通較剪剪幾下，
好tempting...既然減到£1咁平，咁我就買來感受吓佢有幾廢啦! XDDD

已經下定咗決心唔再買煲...不過仍然可以繼續copper! ;-)

超靚又超平既魚魚碟...點忍到手?

尤其係細依個，條魚圓碌碌好cute~ ^^

矽膠Happy Birthday 朱古力/翻糖牌模，原價£6.50我一定唔會買，
減價£1.50咁就差唔多 ^^

星期日去IKEA 食早餐兼想買個牆架，結果牆架揀唔啱，但都買咗咋野.......

廚房盆rosemary 返香港前又瓜咗，去gardening centre 本來想買過盆新，
但盆盆狀態都好差買唔成，但比我發現依盆貌似薄荷既香草，
佢叫做Pineapple Sage (菠蘿鼠尾草)，同普通鼠尾草外型非常唔同，
最得意係搣開一塊葉，真係有濃濃菠蘿香味呢~ ^^

順便買兩盆肉葉植物小盆栽來襯返兩個香港買既豬豬花盆仔~

依個早幾日買，都好得意.........

不過...Made in Japan? really?? 
咁點解我喺淘寶見到一模一樣仲賣得好平既呢?

又到扮靚靚時間...韓國製既中藥配方保濕日霜

香香玫瑰味hand lotion

喺香港買咗部新手機Samsung Galaxy J1，唔太大 + 好薄!
其實我唔一定要用手機套，不過依部機又滑又薄，薄到會經常跣手......

由於我從來唔追手機款 + J1唔係最紅既model，所以喺香港完全買唔到手機套，
唯有返到來網上order...超平£1.99仲要免郵，款式簡簡單單唔醜樣~

雖然相比之下，英國£1店完全唔係香港12蚊店既對手，不過都唔係完全唔可取既......

例如依pack 10色金粉gel pen，顏色靚而且順滑好寫過某大牌子!

Hello Kitty BB嘔奶布~ 正版吉蒂手工精美，我就緊係唔會嘔奶啦，我買來墊野既啫!

最近因為開始玩填色，突然變咗文具控! 依隻桃紅象仔其實係膠紙座...£1~


我好鍾意室內香噴噴，所以睡房、客廳、浴室甚至廚房既垃圾桶都要有香香~
不過室內香香依d last 唔太耐要經常換新既野，除非減價啦，否則我絶少會買大牌子!
而我最常買香香既地方就係£1店，但我揀香香並非只一味平就得喎，
大前提係 - 當然要係我鍾意既香味，而且一定唔會買Made in China......

其實£1店既香香好多都係made in China，不過亦有部份係歐美製造，
所以我揀啱香味後，一定會check 吓邊度，
有時會遇到一d無註明邊度造既古惑產品，我會選擇唔買!

依隻薰衣草味無火香薰油係波蘭製既，香味自然，專用佢來放浴室~

同系列既衣櫃香包

£1店一樣有大牌子好野...Air Wick 薰衣草 + 洋甘菊，
細細個£1有2個，最啱用來放喺車 + 廚房垃圾桶裡面! ^^