My Colourful World - 熱身

最近填色本"秘密花園"爆紅，引到多心阿V又柴娃娃埋一份! =P


我shopping 時有句名句(藉口): 工欲善其事...必先利其器! ^^
所以喺正式開工油顏色之前，先來盤點 + 補充一下工具~
填色...當然要先有填色本........

最紅既Secret Garden，最基本點少得佢!

喺Amazon 訂咗依兩本........

Secret Garden 同一作者Johanna Basford 第二本作品Enchanted Forest~

日本作者田代知子Fairy Tale~ 依本係日文版，英文版要10月先出，
依本內頁圖畫實在太太太太靚 ❤ 等唔到10月...... =P

Secret Japan...依本畫風同其他3本非常唔同，
最主要係...裡面有一頁日本美食吸引到我! XDDD


填色本已有...當然都要有顏色筆先可以開工........

Copic Ciao 36色雙頭marker
係N年前唔記得乜野週年紀念，我送比Mr.T 既禮物，
只記得當年買好鬼貴要過百英鎊.......

有鮮色又有粉色，不過聽聞用佢來油Secret Garden 會過底......@@

好耐之前買落既Paperchase 70色水筆...麻麻地唔太好油，應該唔會用!


明明記得我有一盒無印良品36色木顏色 + 一套Staedtler 20色fineliner，
但搵咗好耐都搵唔到! 於是..........

Asda 開學文具勁減價，依套50枝木顏色平到跳樓!

不過古惑包裝捲住一半，拆開包裝後先發現每隻色其實有2枝! 唔係50色!!
雖然依套好平，但中伏心有不甘.......

依個時候比我見到依套36色水溶性木顏色......半價!

顏色又好靚，忍唔住手! =P

水溶性木顏色加水可以做出水彩效果...喺美術用品店買咗依套灌水式水彩毛筆~

一套3枝有齊大中細! ^^

頭先講過我有套Staedtler 20色fineliner 搵唔到......
依套有30色，原本£20勁減到£6...補返數! ^^

超市超平金屬色木顏色(10色)

後來網上見到有12色金屬色木顏色......

價錢超平 + 免郵 + 貪心......殺!


世事總係咁 - 當你要搵一樣野時，發哂茅都搵佢唔到; 
當你放棄唔再搵時，果樣野就會無啦啦自動彈出來!
當我買哂上面咋野 + 拆哂包裝無得退錢........

我搵到返套無印良品!!!!!!!!!!

仲要36色一枝都無少到........

連套Staedtler fineliner 都搵返!

最吹脹係...我發現本身已有一套12色金屬色木顏色!!!!!!!!

結果而家齋係金屬色木顏色，已經有34枝! @@

Bonus 係同時摷到幾枝閃粉gel pen~ ^^

曬冷! 好誇張哎....... =P

搵到果幾枝閃粉gel pen 唔齊色...依pack 有6色......

文具依家野，真係豐儉由人~
買咗上面果套6色Crayola 閃粉gel pen 後，先比我喺£1店見到依套10色!
Believe it or not - 竟然£1 cheap 野好油過大牌子!! 而且色更靚~

超市好平金銀色marker

咁多木顏色，當然唔可以漏咗筆刨! cute cute~~~ ❤


大家填色填得興起之餘亦買得興起~ ^^
依股填色熱潮，喚醒咗大家心裡面既文具控，
同朋友傾開，大家都好懷念讀書時代無咩地方洗錢，
零用錢花得最多就係買文具之上......

有咁鬼多顏色筆，咁我開咗工填色未呢?
未呀! 最近唔係全日都有半日藍天白雲，
蘇格蘭既夏天咁短，無理由要我宅喺屋企架嘛!
當然要先好好享受一下陽光啦~ ^^