2015年4月煮食全紀錄 (附食譜)

返香港前後都少咗update 煮野食，但唔代表我偷懶無煮喎飯喎! ^^
時光倒流...回到4月份.......

4月2日午餐: 孜然炒羊肉; 蕃茄炒蛋; 鹽麴炒春綠

由於餐館收得比較夜，所以好多時都係我自己先食晚飯，
不過而家我午餐唔會再"求其食d野"，會煮豐富d同Mr.T 一齊食~ ^^

以前一直都唔太鍾意孜然既味道，嫌佢陣味太"中東feel"......
但自從用孜然來炒過羊肉之後我就愛上咗! 孜然同羊肉真係好夾，
而家我一見到靚既羊肉就會買來煮依味~ ❤

孜然炒羊肉食譜click here~

久唔久就突然間會好想食既一味餸 =P

蕃茄炒蛋食譜click here~

4月2日一人前晚餐: 車仔咖喱豬皮魚蛋魷魚; 清蒸Lemon Sole; 鹽麴炒春綠

上次整依個時買咗cheap cheap 急凍魚蛋，攪到成煲野失哂色.......
今次買價錢double 有凸既新鮮銀魚仔炸魚蛋，果然係一分錢一分貨!
再加埋自家水發魷魚，三個字 - 無得彈~~~~ ^^

車仔咖喱豬皮魚蛋食譜click here~

浸發水魷方法click here~

依條Lemon Sole...薄唧唧無乜肉地，好睇唔好食........

大腸蚵仔麵線...依個係口痕整來做下午茶!

大腸蚵仔麵線食譜click here~

4月15日晚餐: 氣炸醬油麴雞翼; 蕃茄炒蛋; 鹽麴炒意大利羽衣甘藍

餐館逢星期三休息，是日本來想出街食，
但好懶唔想出街又唸極都唸唔到食乜.......
雪櫃有雞翼有雞蛋...有包菜又有幾粒蕃茄，
最方便係有醬油麴又有鹽麴! ^^

雞翼用醬油麴醃個零兩粒鐘已經好入味，揼入AirFryer 叮熟佢乾手淨腳! ;-)

自製醬油麴做法click here~

氣炸鹽麴雞翼(參考食譜)click here~

蕃茄炒蛋食譜click here~

自從用咗鹽麴之後，炒菜幾乎只用鹽麴，連蒜蓉都懶得落! =P

有時前一晚有剩低冷飯，第二朝我會用飯素 + 搗碎罐頭魚(e.g. 三文魚或吞拿魚)，
用一張保鮮紙包住整成飯糰波波，簡單快手，好味又飽肚既早餐，啱哂大飯桶阿V ❤

4月17日晚餐: 花旗參無花果煲瘦肉; 鮑魚炆雞; 氣炸軟殼蟹; 鹽麴炒意大利羽衣甘藍

鮑魚炆雞(參考食譜)click here~

氣炸軟殼蟹........

軟殼蟹係Costco 買返來既急凍現成野~ 本身已上粉漿，
用AirFryer 炸一陣熱辣辣外脆內juicy，點沙律醬食，方便又好味! ^^ 

花旗參無花果煲廋肉食譜click here~

4月25日一人前午餐: 醬油麴魷魚仔蒸肉片; 韓式涼拌茄子

逢星期六Mr.T 全日都好忙，所以逢星期六我午餐晚餐都要一人前~
不過習慣咗午餐食豐富d，所以好多時就算一人前我都會照煮! ^^

本來想剁肉餅，但太懶...肉片上算數! 不過一樣好好味超好送飯呢~ ^^

醬油麴魷魚仔蒸肉片食譜click here~

除咗涼拌菠菜之外，依個又係一個令我食到停唔到口既涼拌蔬菜餸! ❤

韓式涼拌茄子Gaji-namul 食譜click here~