台灣 - 大腸蚵仔麵線

第一次食麵線喺台北士林夜市，當時根本唔知麵線係咩來，
只係樣樣夜市小食都試吓......結果一試麵線就愛上咗! ❤
晚晚都要去夜市整一碗先安樂，食到連檔主都認得我 + Mr.T，
檔主問我地: 你們每晚都來不厭嗎? XDDDD
好味既食物，當然多多都唔會厭! ^^

1. 豬大腸1條反轉，用粗鹽和粟粉擦勻內外，用清水洗淨。


2. 燒滾一鍋水，加入酒和薑片，放入豬大腸汆水5分鐘，取出沖淨白泡。

3. 台灣滷包1個、薑2片和片糖1/4片，加入清水適量(e.g. 足夠蓋過豬大腸)，煲滾後轉小火小滾10分鐘至出味。


4. 放入(2)的豬大腸煮至回滾，蓋鍋蓋小火續煮30分鐘，熄火後不要打開煲蓋焗2小時。

5. 取出滷好的豬大腸切片備用。(怕麻煩的話可以買市售滷水豬大腸!)

6. 台灣紅麵線70g，用清水浸10分鐘。

7. 瀝乾水份，剪成小段備用。

台灣紅麵線

8. 蚵仔200g (韓國急凍蠔)洗淨瀝乾放碗中，加入地瓜粉2茶匙用手抓勻。

9. 煮滾一鍋水下(8)的蚵仔，熄火待30秒後，撈起蚵仔備用。

10. 不下油燒熱鍋，下(5)滷好的豬大腸炒香後盛起。

11. 湯鍋中加入清雞湯500ml、清水100ml、柴魚片(或蝦皮)5g 和(7)的麵線煮至開始滾。


12. 加入豬大腸和蚵仔、油蔥酥1.5湯匙、生抽2茶匙、糖1/2茶匙煮至滾。

油蔥酥 - 即炸過的乾蔥頭


13. 勾粟粉水芡煮至再回滾熄火，吃時盛入碗中灑上切碎莞茜，加入適量黑醋和白胡椒粉。