3至4月慳家文

好耐無寫過慳家文! 
無濕平嗎? 唔係......
真係無買過野嗎? 都唔係......
不過躝幾次街先得一次有收穫...仲要唔係豐富果種......
行親街見到既either...我已經有; 我無興趣; 我無需要......點算呢!!?!??

法國既廚具餐具真係會令人上癮!
聖誕時Mr.T 送咗一套彩色Laguiole 牛扒刀比我，超鍾意~ ❤
今次見到依一套4枝粉彩甜品叉又係好鬼靚!!!!!!

細細枝好cute 呢~ ❤

Rob Ryan 玻璃杯
Rob Ryan 係一位英國著名視覺藝術家，擅長剪紙 + screen-printing，
個人好鍾意佢作品浪漫可愛既風格~ ❤

Just Hanging 馬騮廚房用掛勾

一套3隻馬騮仔........

原來有名果喎! 但3隻一模一樣樣，分唔到邊隻打邊隻..... XDDDD

Fred & Friends Octeapus 茶葉隔

陶瓷雨靴花樽

陶瓷door knobs

終於比我搵到一個令我完全滿意既相機袋來放我部Canon 傻瓜機! 
Size 如同度身訂造.......

仲有前有後! ^^

電腦墊....本來已經有，不過依個係花花..... =P

好小朋友...但我鍾意隻鹿 + d鼠鼠，用來黐廚房! =P

鴨鴨沖涼海綿...依個齋買唔用!

台灣、韓國、日本既面膜試得多嘞!
今次試吓以色列既青瓜peel off 面膜 + 死海泥面膜~

Core 竹餐具...之前買咗灰色 + 黃色，其實我最鍾意係紅色! (上次無紅色啊~)

濃縮環保家居清潔液...倒入樽加清水開勻就用得~

搵咗好耐既長方型膠筲簊...本來唸住放棄，點知又無意中比我喺中超見到!
仲係香港紅A出品呢~ ^^

最近好多人玩sous vide，引到阿V又想玩埋一份! 正物色緊真空機~
不過有玩過sous vide 既人話其實唔一定要真空......
依隻roasting bags 可安全boiling，心急既阿V打算先用依個來做個實驗! ^^

Method 環保洗衣液...佢話唧4下就可以洗一機衫喎! 好奇買來試吓~


£1店好物..........

已有薯仔袋 + 洋蔥袋...唔爭在買埋蒜頭袋! ^^

每年一到BBQ季節，超市£1店都必定有售既燒烤網架~
不過我唔係買來BBQ...我用依個來烘多士! XDDDD
我嫌多士爐阻訂揼咗N年，間中想食多士一係用焗爐一係用白鑊去煎......
有咗依個燒烤網架夾住喺爐頭來燒，仲快過用多士爐! ^^

顏色好靚既曲奇模組...£1!

普通膠手套...買佢係因為多咗個花花袖 + £1! ^^

一套3枝迷你網絲刷...通常超市只賣用來洗燒烤爐好鬼大個既網絲刷......

無意中比我喺£1店見到依套迷你版.......

用佢來洗AirFryer 網隔超乾淨! ^^

轉吓口味...食d另類少少既野...劍魚扒、鱷魚漢堡 + 鴕鳥漢堡~

中超見到台灣入口既新品，買來試吓........

淡淡蜂蜜香味，唔太甜，好好味! ❤


同場加映........

Mr.T 送比我既小禮物 - Wooderful Life 木製音樂盒...可愛啊~ ❤