2015第一篇"慳家文" - 聖誕誇年buy 乜鬼 (長篇!)

依篇唔係敗家文，而係慳家文~ 抵買 = 直接或間接慳家 = 非敗家! ^^


聖誕節前一星期，各店已紛紛開始減價.......

之前貪得意喺62餐館攞咗2塊鐵板，不過只得24cm x 14cm，放得塊肉放唔夠飯......
但港式鐵板出名抵食夾大份嘛! 見依種鐵板唔貴，買咗2塊大少少~

依塊有34cm x 19cm，夠大但唔太大，唔會阻訂! ^^

仲有埋鐵叉方便拎起塊鐵板~ 以後唔洗等返香港都可以食港式大大份鐵板餐嘞! ^^


本來唸住去IKEA 買個架仔，但搵唔到架仔反而買咗少少其他野.......

玻璃茶杯...又薄又輕，手工唔錯拍得上百貨公司貴價貨，舢舨可以充吓炮艇! XDDD

用開既木匙有點殘舊，係時候換一隻新既~

以前Wilton d野郁d都要兩位數唔捨得買，近排周不時見到少量平價Wilton 野，機不可失!

買比鼠鼠既聖誕禮物 - 蒲公英聖誕老人~

依套聖誕theme 3樽糖減到半價...其實我只係想要果3頂帽仔! 心水清既blog友會知道我用果3頂帽仔幫鼠鼠影聖誕相~ (網誌)

依盒聖誕衫仔帽仔其實係聖誕樹裝飾~ 本來想用來改裝做鼠鼠聖誕衫影相，但唔得閒...唯有留返出年聖誕啦! =P

可以放自己相片既聖誕樹掛飾

£1雪人毛公仔...個樣幾靚 + 手工質地都幾好 + 一千零一個.......

£1一個陶瓷聖誕樹掛飾...個樣唔係好靚 + 手工亦麻麻，買來只係做後備蛋糕裝飾! 
最後無用到掛咗上聖誕樹........

£1比薩斜塔硬卡紙立體砌圖...玩完就揼! XDDD

99p波波倉鼠公仔


扑星day 係聖誕後第一日大減價，但病咗無去湊熱鬧! 
其實無咩所謂，聖誕新年大減價又唔止一日，而且又無咩特別想買......
不過又唔代表真係乜都無買既!! 哈哈~~~~

聖誕前我已經睇仲咗依套朱古力曲奇模兩三個月，不過每次都見到有好多貨，我心唸: 過咗聖誕一定會減價! 不出我所料...聖誕過後6折! 即時扑槌~~~ ^^

內含金屬cookie cutter、食譜 + 4個有8款式既朱古力模~

8個扮哂唔同國家郵票既朱古力模.......

紅卜卜Joseph Joseph 量杯

依個量杯有乜野特別呢?

最大容量有550ml.........

倒轉另一邊係小容量單位.......

最細單位係1茶匙即5ml~ 毫升、杯 + 安士對照，好方便呢! ^^

廚房櫃筒刀叉盆太殘舊又太多格格，越來越多刀叉...感覺越來越亂雜!
趁新一年換個只得三大格既新刀叉盆，感覺整齊咗好多~

Core 竹造既刀叉匙

來咗英國咁多年，往年1月1日周圍死城一樣乜都唔開門...今年元旦竟然屋企附近兩間大超市都開門喎! 當然要去支持一下啦~~~~~
2015第一慳 - 勁減深灰靚靚cast iron round grillit~ 雖然係超市自家品牌，但唔太厚身又唔太重，手工精細媲美LC! ❤
個價錢仲靚 - 減價後足足比差唔多款式既LC 平£100!! ^^

英國超市自家貨，質素的確唔差! 依個鍍紅銅筲簊真係靚到"揼"一聲!! ❤

 

Le Creuset 20cm classic saucepan

早前整西班牙海鮮飯一次就用咗d差唔多1g番紅花...一次過入返4g慢慢用~

早前買咗件抓毛熊貓睡衣...見到有熊貓拖鞋，襯返! ^^

鴨鴨指甲刷

Fondant roller

手提式石油汽爐...以前覺得依種手提爐好危險，
所以買咗個hotplate 電爐來打邊邊，但用落覺得唔夠火力，
本來唸住趁新年大減價買個手提電磁爐......

不過我又買咗依個室內無煙韓國燒烤盤......
只可以用石油汽爐或電爐，電磁爐唔啱洗!

所以最後都係買咗手提式石油汽爐! 
睇過YouTube 用家示範點用後，原來都好易用又安全! 放心哂~
依個爐又有半價...半價後既價錢係我原本睇中既電磁爐1/10呢!!
有埋存放膠盒，連去露營都可以帶埋去~ ^^

講返我個無煙烤盤...有3個配件: 燒烤面、盛水環 + 熱石盤~

熱石盤放喺盛水環中間.......

再放上爐頭，火力燒熱熱石盤，所以用好細火已經好夠熱! ^^
食物油份會由圍住燒烤面既長形孔流入盛水環既水裡面，所以無煙 / 少煙~

台灣製啊~ ^^

竹筒...(竹筒飯用!) 
舊年6月返香港時已經想買，喺上海街搵到一間店有售依種竹筒，
當時只剩返一千零一隻，但個蓋明顯唔啱位蓋唔埋，我估之前有人買時求其調亂咗個蓋......
咁我問店主仲有無其他貨，店主堅持我手上果隻竹筒個蓋係來自同一碌竹，
仲同我講"d竹會轉彎"...唔係吓化!!?! 我只見過富貴竹轉彎囉!
真係吹脹~~~~ 當然買唔成啦!

依個竹筒夠大隻，質優兼手工精細，價錢同上海街差唔多~

竹蓋上刻有編號......

竹身又刻有編號，包唔會撈亂!

個蓋fit 到流油!!

竹底稍稍削平，放得穩陣唔會碌來碌去~

雖然網上訂足足等咗個幾月先寄到來，不過物有所值!! ^^


同場加映 - 聖誕禮物.......

聖誕節當日一早拆咗好多聖誕禮物啊! 當然大部份係Mr.T 送架啦~ ^^
真心無乜野特別想要，一早叫Mr.T 唔好亂買野，無逐份禮物影相，
不過有幾份係我特別鍾意既......

依份一拆開我已經忍唔住笑! 實在太太太可愛~~~~ ❤

事緣我之前用咗好多年既廚房紙架係一個唔知點解會生鏽既不鏽鋼，
底部既鏽漬經常整到枱面好污糟，想換個新但我奄尖睇極都唔啱心水......
Mr.T 見我咁苦惱就叫我唔好再搵，佢話會買一個包我一定鍾意既~
就係咁，依個咁可愛既廚房紙架成為我其中一份聖誕禮物! XDDD 大愛~~~

份子料理套裝...有咗依套野，我都可以扮米芝蓮大廚! 呵呵~~~~

鍾意咗好耐，但唔捨得買既法國Laguiole 牛扒刀~
唔捨得買唔係因為價錢...其實依套刀好平，只係我本身已有好多牛扒刀! =P

Laguiole 並非牌子名，而係法國中南部一個著名製刀具既小鎮!

Laguiole 地區所製既牛扒刀，無論邊個牌子，款式都係大同小異~

好靚好靚好靚好靚好靚好靚好靚好靚好靚好靚好靚!!!! ❤❤❤❤❤

Laguiole 牛扒刀除咗鋒利之外，每把刀既刀柄上都會有隻可愛小蜜蜂! ❤
(Well~ 有d人話果隻其實係蟬...甚至係烏蠅.......)

驗明正身，正宗法蘭西出世~
(孖人牌牛扒刀要送比人了! =P )


Mr.T 話仲有其他訂咗既禮物未送到來! 期待ing~~ ^^