紅蘿蔔淮山杞子象拔蚌花膠湯

象拔蚌潤而不燥，有化痰止咳、祛脂降壓、滋陰補腎、固本培元既功效~
仲可以維持體內鉀鈉平衡、消除水腫，提高免疫力、降低血壓、緩衝貧血、
幫助身體生長發育、增加皮膚彈性、延緩皮膚老化......
真係唔煲依個湯，都唔知原來象拔蚌除咗好食之外，原來仲咁有益果喎! ^^


以前食象拔蚌都係好鬼大隻，用來做刺身或打邊爐川燙，鮮甜爽口........

最近喺中超見到依種愛爾蘭急凍象拔仔，價錢唔貴，買來煲個靚靚皮膚湯~ ^^


1. 浸發花膠: 將花膠浸凍水數小時至略軟身，煲滾一鍋水加入薑數片和放入花膠，熄火蓋蓋焗水至涼即成。


2. 急凍象拔蚌解凍，放入滾水中川燙10秒，去掉殼和皮備用。(我依種象拔蚌細隻無泥沙，較大隻既象拔蚌最好切開清洗!)


3. 瘦肉汆水，沖洗乾淨備用; 紅蘿蔔去皮，滾刀切塊備用; 淮山、杞子和蜜棗適量洗淨備用。

4. 水大滾先放入瘦肉，再放入其他材料，加入薑片煲至回大滾，繼續以大火煲約20分鐘待出味。 


5. 轉小火續煲2小時，以海鹽調味即成。(啖湯好甜! 基本上唔需要鹽調味呢~ ^^)