本來...結果....... (長篇!)

先由IKEA 講起.........

幾個月前Mr.T 幫我喺廚房釘咗個牆架用來放銅煲，
當時佢已經向我提議喺牆架下面加枝kitchen rail 來掛野，但後來不了了之......

剛過去既weekend 終於的起心肝去IKEA，本來只係去枝kitchen rail......
結果除咗kitchen rail，仲買咗張coffee table，一個窄牆架, 兩個廚房架仔 + 一個鐘仔!

之前用開既coffee table 都係IKEA，不過又窄又企唔穩，想換新既好耐!
依張穩穩陣陣枱面夠大可以開飯，仲有下層可以放野，價錢又平，平靚正!!

屋企客廳heater 比較厚身，用唔到市面上一般既heater cover，訂造又麻煩又貴......
我好少開heater，因為我一焗就好易鼻塞，平時heater 上面放立雜野小擺設，
但間中天氣特別凍都要開一陣，咁就要搬開d野...又係麻鬼煩!
喺IKEA 見到示範客廳依個牆架，窄身唔阻訂，啱哂釘喺heater 上面~

經過見到依隻可以組合或獨立既鋼廚房架仔，外型質量都好好但價錢超平，一大一細~

大既暫時未唸到點用，但細既就very good fit!


 
80cm kitchen rail 夠哂長! 其實應該釘喺牆，但我又唔想整到牆上咁多窿...聰明既Mr.T 唸到釘喺牆架底~ ^^

依個係全IKEA 最cheap 既鐘仔，承惠80p~
我喺屋企每一個間隔都要隨時知道時間，依個鐘仔放喺浴室.......

為咗貫徹浴室周圍都係鴨鴨既風格，個鐘都要加隻鴨! XDDDD

雖然IKEA 都有S勾賣，不過我貪靚要彩色! Tiger 依隻S勾啱哂我心水~ ❤

本來去Tiger 只係買彩色S勾...比我見到童年回憶肚池餅喎! ^^

買多隻木夾...咁喺屋企玩韓燒時就唔洗同Mr.T 爭夾用嘞! XDDD

見FB友最近開始食藜麥飯，我又想試吓! 本來去超市只係想買包藜麥...結果......

Mason Cash 超厚竹砧板...半價後再減! 撞啱我用來斬野既心心木砧板爆爆地，
依塊咁厚應該有排唔會爆!!

紅色邊邊好靚靚~~~~ ❤

之前睇中依套粉色格格廚房抹手布，但覺得佢貴無買到，今水又比我撞見佢減價! ^^

我發現就算大超市，都唔係間間有黃豆賣! 去開依間會順便買包.......

自從學識自製豆腐之後，我廚房除咗米缸，仲多咗個"黃豆缸"! 要常滿!!

4個基本味道: 甜、鹹、酸、苦~ "Umami" - 鮮味，係第5個基本味道!

其實味精就係Umami 既代表! 不過我依樽仔係天然鮮味，不含味精成份~
(未試...未知味道如何.......)

之前喺charity shop 以超賤價買咗一個全新未用過既Le Creuset fondue (網誌)
雖然我對fondue 無興趣，但買咗唔用好嘥料......

Burner 要用依種fondue 專用酒精作燃料，顏色好靚呢!

早排開始食紅米飯，不過成日大頭蝦煮飯前唔記得浸紅米......
藜麥一樣好有益，仲唔洗預先浸呢!
依間超市只有白藜麥...FB友告知另有紅藜麥 + 黑藜麥，比白色更有益~

特別去愛丁堡另一間超市，為咗買依樽西班牙黑毛豬油! 
(搵咗好耐終於搵到! 好開心~ ❤)

本來只係去買黑毛豬油...結果比我見到依隻三色藜麥!

喺愛丁堡一間細細中國超市見到依隻新疆紅棗.........

我大鄉理...真係第一次見咁鬼大粒既紅棗!!!! @@

之前聽人講過 - 用全粒孜然籽自己磨粉，比孜然粉香得多!

V媽媽買咗米麴比我...買定枝靚日本豉油試吓整醬油麴!

依套一人茶半價...好鍾意依個雀仔花~ ❤

又係半價既伯爵茶葉...我承認本來我想要個罐多過裡面d茶葉...結果返到屋企開罐，我發現d茶葉勁香! ^^

Fred & Friends 俄羅斯娃娃量羹

之前買咗依兩隻龍蝦青蟹日本碗.......

今次見到依個藍色比目魚~ 正唸緊買唔買，Mr.T 幫我下決定: 買埋佢啦! ^^

Cute cute 松鼠兜 ❤

之前£1店買既洋蔥袋...用後發現真係好得~
將用剩既洋蔥放喺裡面，真係可以放好耐都唔爛又唔會發芽!

反正只係£1，買埋個薯仔袋! 基本上個袋內外都一樣，只係上面印既公仔 + 字唔同~

其實洋蔥袋 + 薯仔袋並唔係咩野神奇野，只係一個唔透光但透氣既布袋~
點解要用洋蔥袋 + 薯仔袋呢? 因為洋蔥 + 薯仔都係唔應該放雪櫃既根菜類!
雪櫃中既水份會令洋蔥變軟 + 加速腐爛;
而薯仔處於低溫下，當中既澱粉會轉化為糖，令味道 + 質感改變......

洋蔥 + 薯仔存放喺室溫不透光 + 空氣流通既環境下，可以防止發芽 + 減少受潮，
藉此延長保鮮期，洋蔥袋 + 薯仔袋就係依個原理!
反正都係放喺袋裡面，咁點解唔放埋一齊呢?
因為洋蔥 + 薯仔唔順超對方，同時會釋放出一種令對方變質既氣體，
所以要分開洋蔥袋 + 薯仔袋囉! XDDDD

廚房有把大較剪離奇失蹤! £1依set 一大一小補返數~

Miele 需要定期除垢清洗! 不過佢地既除垢劑要上網買好唔方便......
我搵到Lakeland 有一隻Miele 都可以用既檸檬酸除垢劑，
不過佢地賣哂存貨就唔再入貨! 趁仲未買哂買返盒守門口~

浴室啱啱換咗部新電熱水爐...順便換埋個電話筒花灑頭! XDDDD

早幾晚鼠鼠棉花糖感冒...獸醫已收工，臨急上網搵方法!
臨急喺超市買咗個陶瓷香薰爐點維克斯傷風膏，
Thank god 棉花糖好快好返，連獸醫都唔洗睇~
一向都無用依種香薰爐，不過既然買咗就用吓啦!

買咗依隻平價香薰油...效果強差人意! 太平...都預咗.......

唯有買2枝貴價精油...未開樽已經聞到好香~~~~

減價水尾...超平靚靚桃紅羊毛中褸~ ❤

半價Paul Frank 毛毛拖鞋~

軟綿綿好舒服 + 好暖暖! ❤


同場加映 - 遲來的聖誕禮物~ 
以下依咋野係Mr.T 聖誕前網上order，但最近先寄到來........

超可愛豬仔碟! ❤ 

豬仔開酒器...唔飲酒既我都覺得好cute! ❤

Pandora style 既豬仔charm...可惜我唔鍾意Pandora 果種款式既手鏈! =P

心心竹鑊剷~ ❤


全部都大愛! ❤ 
根據Mr.T 所講...仲有其他禮物未寄到來......嘻嘻~~~